दहदर मंजका कत्‍था 6:16 - पुना गच्छरना NT (BSI)

¹⁶ अरा आर परता गुट्ठी ती अरा पखना गुट्ठी ती आना हेलरर, “एम्है मइय्याँ खत्र'अय कलय ती बॆल-गदिया नू उक्‍कादस आसी मुंही ती अरा भेंडो ख़द्द मसीसी खींस ती एमन नुड़'अय।

दहदर मंजका कत्‍था 6:16 ပူးပေါင်းရင်းမြစ်များ

मत्तायोस 26:64

ख़ने येसुस बाचस, “नीनिम बाचकय चिच्‍चकय अन्ने दिम हवे। लिकिन ऎन निंगन इदिन हूँ ब'अदन का, अक्‍कु ती नीम मनवा ख़द्दन एंगन उर्मी नू सवंग उइय्‍यू धर्मेसी तीना चोक्‍ख उक्‍का ती राजी नन्नन ऎरोर। अरा नीम एंगन मेर्ख़ा नू चरियो तरा बदाली ती एत्तनन ऎरोर।”

मरकुस 3:5

आस आरिन कैर ती ईरियस। आर ही जिया ही बेड़हा चड्डे आसी जिया उल्‍लिया। ख़ने आस आ आलासिन बाचस, “निंग्‍है ख़ेक्खन लमाब'आ।” आस तंग्‍है ख़ेक्खन लमाबाचस, अरा आसी ख़ेक्खा कोड़े मंज ख़च्चिया।

लू‍कस 23:30

तहाँ आलर परता गुट्ठिन ब'ओर, ‘एम्‍‍है म‍इय्याँ खत्तर'अय’ अरा टुंगरिन ब'ओर ‘एमन डब'अय।’

दहदर मंजका कत्‍था 10:6

अरा एकास हुल्‍लो ती हुल्‍लो गूटी उज्‍जदस, अरा नॆ मेर्ख़न अरा अइय्या र'अना उर्मिन, अरा ख़ॆख़लन अरा अइय्या र'अना उर्मिन, अरा समुदर आबोन अरा अइय्या र'अना उर्मिन गढ़चस, आसी नामे ती किरया मोक्‍खस ती बाचस, “अक्‍कु गा घड़ही ख़ापना मल मनो।

दहदर मंजका कत्‍था 19:15

अरा आसी बई ती जाती जाती ता आलारिन पिटा गे ओन्टा धारे तलवार उरखा, अरा आस सवंग गने पूरा अदिया गने आरिन राजी ननोस। अरा ओर्तोस अंगुर रासी ही कुंड़ा नू अंगुरन पीख़ना लेक्खा आस उर्मी ती सवंगिय धर्मेसी कोड़हे खींस ही अंगुर रासी ही कुंड़ा नू तंग्है बैरीरिन पीख़ोस।

दहदर मंजका कत्‍था 20:11

फेन ऎन ओन्टा कोहाँ पंड़रु बॆल-गदियन ईरकन, अरा अइय्या उक्‍कादस आसिन हूँ ईरकन। आसी मुन्दहारे ती मेर्ख़ा अरा ख़ॆख़ेल गुछरा केरा, अरा अबड़ा गे अड्डा मल ख़क्‍खरा, उर्मी धंसरा केरा।

दहदर मंजका कत्‍था 4:2

आ बारिम ऎन नेम्‍हा बॊलतासी आकुस नू मंजकन। ऎरा, मेर्ख़ा नू ओन्टा बॆल-गदिया उइरकी रहचा, अरा आ बॆल-गदिया नू ओर्तस उक्‍का रहचस।

दहदर मंजका कत्‍था 4:5

अरा अबड़ा बॆल-गदिया ती लवका लौकारना गुट्ठी अरा ख़रख़ना गुट्ठी अरा मुर्री चाड़ी गुट्ठी बर'आलिया। अरा बॆल-गदिया ही मुन्दहारे चिच्ची ही सात गोट बिल्‍ली लघ्र'आ लगिया, इबड़ा दिम धर्मेसी सात गोट बॊलता हवे।

दहदर मंजका कत्‍था 4:9

एका एका बारी अबड़ा उज्‍जना आलॊ बॆल-गदिया नू उक्‍का हुल्‍लो ती हुल्‍लो गूटी उज्‍जुसी महबा, अरा मईन, अरा धन्‍यवाद ननी,

दहदर मंजका कत्‍था 5:1

इदही ख़ॊख़ा ऎन बॆल-गदिया नू उक्‍काचस आसी तीना ख़ेक्खा नू ओन्टा पुथी ईरकन, अइय्या भितरी बहरी लिख्रकी रहचा, अरा सात गोटा मरका लौचका ती मुच्‍चका रहचा।

दहदर मंजका कत्‍था 6:10

अरा अबड़र जॊरसरिया चिच्चियारर ती बाचर, “अना नेम्‍हा अरा मानिम सवंगिय उर्बायो, एका गूटी नीन नेंवई मल ननोय अरा ख़ॆख़ेल नू उज्जू आलर ती एम्है ख़ॆंस ही ऊजी मल किर्त'ओय?”

दहदर मंजका कत्‍था 9:6

अरा अबड़ा उल्ला नू आलर खे'आ बेद्दोर, लिकिन अदन मल ख़क्‍खोर, अरा खे'आ गे चीबाख़ार'ओर, लिकिन खे'अना आर ती बोंगो।