दहदर मंजका कत्‍था 6:12 - पुना गच्छरना NT (BSI)

¹² अरा ऎन ईरकन का भेंडो ख़द्द मसीस छै मरकन ख़च्‍चियस ख़ने, कोहाँ ख़ॆख़ेल नुकुरना मंजा, अरा बीड़ी कमड़ा लेक्‍खा मोख़ारो मंजा केरा, अरा गोट्टा चन्‍दो ख़ॆंस लेक्‍खा ख़ॆंसो मंजा केरा।

दहदर मंजका कत्‍था 6:12 ပူးပေါင်းရင်းမြစ်များ

मत्तायोस 11:21

“ओहरे ख़ोराजिन नगरे ता आलारो, ओहरे बॆतसैदा नगरे ता आलारो! एका सवंग ही नलख निम्‍है नू मंजकी र'ई, अबड़ा तुरोस दरा सीदॊन नगरे नू मंजकी रहचा होले, आ उल्‍लम अइय्या ता आलर तमन सन्नी ऎद'आ गे बोरन झपर'अरकी अरा चिन्‍द नू ओक्‍करकी जियन किर्ताचका र'ओर दने।

मत्तायोस 24:29

अबड़ा उल्‍ला सस्‍ती ही ख़ॊख़ा लॆम, ‘बीड़ी अरा चन्‍दो मल रफ'ओ, अरा मेर्ख़ा ती बीनको खत्र'आ हेलर'ओ। धर्मेस मेर्ख़ा नू र'ऊ उर्मी आलॊन नुक'ओस।’

मत्तायोस 24:7

ओन्‍टा जातियर नन्ना जातियर ही बिड़दो नू, अरा ओन्‍टा राजी नन्ना राजी ही बिड़दो नू लड़ाई गे चो'ओ। कैनो अड्डा ख़ॆख़ेल नुक्रना मनो, अरा ख़ॆख़ेल नू अड्डा अड्डा अकाल मनो।

मत्तायोस 27:45

अक्‍कु लोहाड़ी बारा बजे गोट्टा चक ऊख़ा मं‍जा केरा, अरा आद तीन बजे गूटी रहचा।

मत्तायोस 27:54

रोमी सैनर ही मुद्धस अरा आसी गने र'अरकी येसुसिन ख़ापा लगियर आर ख़ॆख़ेल नुक्रनन अरा अबड़ा मंजकन ईरियर ख़ने, आर नगदे इल्‍चियर अरा अनचकरर, अरा बाचर, “ईस मानिम नू धर्मेसी ख़द्दस रहचस।”

मत्तायोस 28:2

आ बारी कोड़हे ख़ॆख़ेल नुक्रना मंजा, एन्‍देरगेका उर्बासी ओन्‍टा पैकस मेर्ख़ा ती इत्तियस अरा मसड़ा हेद्दे बरचस ती पखनन ताड़चस अरा अइय्या उक्‍कियस।

मरकुस 15:33

लोहाड़ी बारा बजे गोट्टा चक ऊख़ा मं‍जा केरा, अरा आद तीन बजे गूटी रहचा।

दहदर मंजका कत्‍था 11:13

अरा आ बारिम ओन्टा कोहाँ ख़ॆख़ेल नुकुरना मंजा, अरा नगरे ही दस ती ओन भाग बिड़्रिया केरा। अरा आ ख़ॆख़ेल नुकुरना ती सात हजार आलर केच्‍चर केरर। अरा बछ्रका आलर इल्‍चियर केरर, अरा मेर्खा ता धर्मेसी महबा नंजर।

दहदर मंजका कत्‍था 16:18

तहाँ लवका लौकारना गुट्ठी, अरा ख़रख़ना गुट्ठी, मुर्रना चाड़ना गुट्ठी अरा कोहाँ ख़ॆख़ेल नुक्रना मंजा। इकला ख़ॆख़ेल मइय्याँ आलर ही गढ़्रना मंजा अउला ती एन्ने ख़ॆख़ेल नुक्रना इकला हूँ मल मंजकी रहचा। ई लेक्खा ई ख़ॆख़ेल नुक्रना नगदे कोहाँ रहचा।

दहदर मंजका कत्‍था 16:8

फेन चौथा मेर्ख़ा पैकस तंग्‍है डुबहन बीड़ी नू तुन्दियस चिच्‍चस। ख़ने बीड़ी गे आलारिन चिच्ची ती ओलत'आ चि'आ गे अदिया चीरा।

दहदर मंजका कत्‍था 8:12

अरा चौथा मेर्ख़ा पैकस पेंड़हे ऊरचस ख़ने, तीन ती ओन भाग बीड़ी, अरा तीन ती ओन भाग चन्‍दो, अरा तीन ती ओन भाग बीनको नठारा। औंगे अबड़ा नू तीन ती ओन भाग ऊख़ा मंजा केरा। अरा तीन ती ओन भाग उल्‍ला नू अरा तीन ती ओन भाग माख़ा नू बिल्‍ली मल रहचा।

दहदर मंजका कत्‍था 8:5

फेन मेर्ख़ा पैकस धूप कुहुड़'अना मौनीन होच्‍चस ती गोड़हा ता चिच्‍चिन नुल्लियस अरा ख़ॆख़ेल नू तुन्दियस चिच्‍चस, ख़ने मुर्रना चाड़ना गुट्ठी, अरा ख़रख़ना गुट्ठी, अरा लवका लौकारना गुट्ठी, अरा ख़ॆख़ेल नु‍कुरना मना हेलरा।