दहदर मंजका कत्‍था 6:10 - पुना गच्छरना NT (BSI)

¹⁰ अरा अबड़र जॊरसरिया चिच्चियारर ती बाचर, “अना नेम्‍हा अरा मानिम सवंगिय उर्बायो, एका गूटी नीन नेंवई मल ननोय अरा ख़ॆख़ेल नू उज्जू आलर ती एम्है ख़ॆंस ही ऊजी मल किर्त'ओय?”

दहदर मंजका कत्‍था 6:10 ပူးပေါင်းရင်းမြစ်များ

लू‍कस 2:29

“अना उर्बायो, नीन एंगन निंग्‍है जॊंख़ासिन निंग्‍है आनका कत्‍था लेक्‍खा अक्‍कु ऎन सान्‍ति ती खे'ओन।

लू‍कस 21:22

एन्‍देरगेका इदिम दंडे चि'अना उल्‍ला मनो, एकत्रु धरम पुथी नू लिखचका उर्मी कत्‍था मंज ख़च्‍चो।

रोमी 12:19

दुलारो! अमके किर्त'अर बिड़द'आ, लिकिन धर्मेस तंग्‍है ख़ीस ती दंडे चि'आ गे आसी ख़ेक्खा नू अम्‍बा चि'आ, एन्‍देरगेका नेम्‍हा पुथी नू लिख्रकी र'ई, “उर्बस ब'अदस, ‘किर्त'अर बिड़द'अना एंग्‍है नलख हवे, ऎनिम किर्त'अर बिड़द'ओन।’”

इब्रानी 12:24

अरा नीम पुना गच्‍छरना नू धर्मेस अरा आलर ही मझी आल येसुस गुसन बरचकादर। अरा नीम हाबेलसी ख़ॆंस ती बॆस कत्‍था तिंगू येसुसी छिंछड़ाचका ख़ॆंस गुसन बरचकादर।

2 पतरस 2:1

इस्राऎल आलर ही मझी नू ठकवा धर्मेसी कत्था तिंगुर रहचर। अन्नेम निम्है मझी नू हूँ ठकवा सिखाब'उर चो'ओर। आर नठारनन ओन्द्रना ठकवा सिखाब'अनन नूख़ुर नूख़ुर ओन्द्र'ओर। अरा आर तमन मूल्ली चि'अरकी ख़ीन्दका कोड़हे सवंगिय उर्बासिन हूँ बलदम ब'ओर। ई लेक्खम आर तमा गे चाँड़हेम नठारनन ओन्द्र'ओर।

दहदर मंजका कत्‍था 11:18

निंगन ऒड़ मल ननू राजीतर कदरारर, ख़ने निंग्‍है खींस बरचकी र'ई। अरा केचकारिन नेंवई नन्ना बेड़ा अंड़सकी र'ई। अरा निंग्‍है जॊंख़र धर्मेसी कत्था तिंगुर गे, अरा नेम्‍हा आलर गे, अरा निंग्है नामेन मईन ननू सन्नी कोहाँ ओर्मर गे इनाम चि'अना बेड़ा अंड़सकी र'ई। अरा नॆ ख़ॆख़ेलन बगड़'अनर आरिन नठाब'अना ही बेड़ा हूँ अंड़सकी र'ई।”

दहदर मंजका कत्‍था 18:20

अनय मेर्ख़ा ता आलॊ, अना नेम्‍हा आलारो अरा तइरकारो अरा धर्मेसी कत्था तिंगुरो! इदही नठारना ही चड्डे रिरयार'आ, एन्देरगेका आद एकासे निम्हा गने नंजा अन्नेम धर्मेस अदिन नेंवई नंजकादस”

दहदर मंजका कत्‍था 18:24

अरा धर्मेसी कत्था तिंगुर ही ख़ॆंस, अरा नेम्‍हा आलर ही ख़ॆंस, अरा ख़ॆख़ेल नू पिटरका ओर्मर ही ख़ॆंस अइय्यम ख़क्‍खरा।”

दहदर मंजका कत्‍था 19:2

एन्‍देरगेका आसी नेंवई नन्ना गुट्ठी मानिम अरा उजगो र'ई। तंग्है पेहरन ही सोतरा नलख ती ख़ॆख़ेल ता आलारिन नठाबाचका कोड़हे बेस्वा लेक्खा कोहाँ मलदौ नगरे गे आस दंडे ही नेंवई चिच्चस, अरा अदगे तंग्‍है जॊंख़र ही बहाबाचका ख़ॆंस ही बदली किर्ताचस।”

दहदर मंजका कत्‍था 3:10

खतिर गने सह'आ गे ऎन निंगा गे चिच्का एंग्‍है पॆसकन नीन पॆस्रकय। औंगे ख़ॆख़ेल नू र'ऊ आलारिन बिढ़'आ गे सौंसे ख़ॆख़ेल मइय्याँ बरना र'ई आ सस्ती ही बेड़ा ती ऎन हूँ निंगन बछाब'ओन।

दहदर मंजका कत्‍था 3:7

फिलदेलफिया नगरे ता कलीसिया ही पैकस गे नीन एन्ने लिख'आ का: नॆ नेम्‍हा अरा मानिम र'अस, अरा नॆ बॆल दाऊदसी कुची ही अदिया आबोन उइय्दस, अरा नॆ हूँ मुच्‍चा पोलना लेक्खा तिसग'उस, अरा नॆ हूँ तिसगा पोलना लेक्खा मुच्‍च'उस इबड़ा कत्थन ब'अदस का: