14 अरा अबड़ा चरियो उज्जना आलॊ बाचा, “आमेन।” अरा अबड़ा सेयान आलर ख़ेडमूली खत्रर ती ऒड़ लग्गियर।
मला होले नीम निम्है बॊलता ती धर्मेसिन ओहमा ननो बारी, नेम्हा बॊलतासी इनाम गुट्ठी ही पत्त नू बल्लू आलस निम्है मझी र'अदस होले, निम्है ओहमा नन्नन मेनोस ती आस एकासे “आमेन” ब'ओस। एन्देरगेका नीम एन्देर बाचकर अदिन आस गा बलदस।
इदही ख़ॊख़ा चौबीस सेयान आलर अरा चरियो उज्जना आलॊ बॆल-गदिया नू उक्का धर्मेसी मुन्दहारे ख़ेडमूली खत्रर ती आसिन ऒड़ लग्गियर। अरा आर बाचर, “आमेन, हल्लेलुया।”
आ बॆल-गदिया ही चरियो तरा चौबीस गोट बॆल-गदिया रहचा। अरा इबड़ा बॆल-गदिया नू चौबीस सेयान आलर पंडरू किचरी अत्तका ती उक्का रहचर। अरा आर ही कुक्कु नू सोना ही मुकुट रहचा।
अरा बॆल-गदिया ही मुन्दहारे काँच ही समुदर लेक्खा ओन्टा रहचा, एकदा बिल्लौर लेक्खा फटफट ने रहचा। बॆल-गदिया ही मझी अरा चरियो तरा चार गोटा उज्जना आलॊ रहचा। अबड़ा ही ख़ॊख़ा दरा मुन्दहारे ख़न्न ख़न्न ती निंदकी रहचा।
फेन ऎन अउरिम ईरकन ख़ने, लाखों करोड़ो मेर्ख़ा पैकर ही सड़न बॆल-गदिया अरा अबड़ा उज्जना आलॊ ही अरा अबड़ा सेयान आलर ही ओनबेंड़र'आ मेंजकन।
फेन ऎन पिटतारका ओन्टा भेंडो ख़द्दन बॆल-गदिया अरा अबड़ा चरियो उज्जना आलॊ अरा चौबीस सेयान आलर ही मझी नू इज्जका ईरकन। आसी सात गोटा मरग अरा सात गोटा ख़न्न रहचा। इबड़ा सात गोटा ख़न्न धर्मेसी सातो बॊलता हवे, एकाबड़ा सौंसे ख़ॆख़ेल नू तइरका र'ई।
अरा आस आ पुथिन होच्च ख़च्चियस ख़ने, अबड़ा चरियो उज्जना आलॊ अरा चौबीस सेयान आलर आसी मुन्दहारे ख़ेडमूली खत्रर। अरा इबड़ा ओर्मर ही ख़ेक्खा नू तम्मुर्रा अरा नेम्हा आलर ही गोहरारना गुट्ठी ही धूप ती निंदका सोना ही मौनी रहचा।
अरा अबड़र बाचर, “आमेन! नम्है धर्मेस गे ओहमा, अरा महबा, अरा लूर, अरा धन्यवाद, अरा मईन, अरा सवंग, अरा पया हुल्लो ती हुल्लो गूटी मनन नेकअन, आमेन।”