दहदर मंजका कत्‍था 5:11 - पुना गच्छरना NT (BSI)

¹¹ फेन ऎन अउरिम ईरकन ख़ने, लाखों करोड़ो मेर्ख़ा पैकर ही सड़न बॆल-गदिया अरा अबड़ा उज्‍जना आलॊ ही अरा अबड़ा सेयान आलर ही ओनबेंड़र'आ मेंजकन।

दहदर मंजका कत्‍था 5:11 ပူးပေါင်းရင်းမြစ်များ

इब्रानी 12:22

लिकिन नीम गा अक्‍कु उज्‍जना धर्मेसी नगरे मेर्ख़ा ता येरुसलॆम सीयॊन परता नू बरचकादर। अइय्या गन'आ पोलना मेर्ख़ा पैकर रिझ गने ख़ॊंड़रनर।

यहूदा 1:14

आदमसी सात पिड़ही नू बरचका हेनॊख़स हूँ इबड़ा आलर ही पत्त नू धर्मेसी कत्थन मुन्द तिंगियस, “ऎरा, उर्बस तंग्है गन'आ पोलना तंग्है नेम्हा पैकर गने बर'आ लगदस।

दहदर मंजका कत्‍था 19:6

फेन ऎन ओन्टा सड़न मेंजकन, आद कोहाँ आल गोंहड़ा ही चिच्चियारना लेक्खा, अरा कोड़हे बग्गे अम्मु बाहना ही ख़रख़ना लेक्खा, अरा जॊर मुर्रना ही ख़रख़ना लेक्‍खा रहचा। आर एन्ने ब'आ लगियर, “हल्‍लेलुया! उर्मी ती सवंगिय नम्है धर्मे उर्बस राजी नन्दस।

दहदर मंजका कत्‍था 4:4

आ बॆल-गदिया ही चरियो तरा चौबीस गोट बॆल-गदिया रहचा। अरा इबड़ा बॆल-गदिया नू चौबीस सेयान आलर पंडरू किचरी अत्तका ती उक्‍का रहचर। अरा आर ही कुक्‍कु नू सोना ही मुकुट रहचा।

दहदर मंजका कत्‍था 4:6

अरा बॆल-गदिया ही मुन्दहारे काँच ही समुदर लेक्खा ओन्टा रहचा, एकदा बिल्लौर लेक्खा फटफट ने रहचा। बॆल-गदिया ही मझी अरा चरियो तरा चार गोटा उज्जना आलॊ रहचा। अबड़ा ही ख़ॊख़ा दरा मुन्दहारे ख़न्न ख़न्न ती निंदकी रहचा।

दहदर मंजका कत्‍था 5:14

अरा अबड़ा चरियो उज्‍जना आलॊ बाचा, “आमेन।” अरा अबड़ा सेयान आलर ख़ेडमूली खत्रर ती ऒड़ लग्गियर।

दहदर मंजका कत्‍था 5:6

फेन ऎन पिटतारका ओन्टा भेंडो ख़द्दन बॆल-गदिया अरा अबड़ा चरियो उज्‍जना आलॊ अरा चौबीस सेयान आलर ही मझी नू इज्‍जका ईरकन। आसी सात गोटा मरग अरा सात गोटा ख़न्न रहचा। इबड़ा सात गोटा ख़न्न धर्मेसी सातो बॊलता हवे, एकाबड़ा सौंसे ख़ॆख़ेल नू तइरका र'ई।

दहदर मंजका कत्‍था 5:8

अरा आस आ पुथिन होच्‍च ख़च्‍चियस ख़ने, अबड़ा चरियो उज्‍जना आलॊ अरा चौबीस सेयान आलर आसी मुन्दहारे ख़ेडमूली खत्रर। अरा इबड़ा ओर्मर ही ख़ेक्खा नू तम्मुर्रा अरा नेम्‍हा आलर ही गोहरारना गुट्ठी ही धूप ती निंदका सोना ही मौनी रहचा।

दहदर मंजका कत्‍था 7:11

अरा उर्मी मेर्ख़ा पैकर बॆल-गदिया अरा सेयान आलर अरा चरियो उज्‍जना आलॊ ही ओनबेंड़र'आ इज्‍जर ती बॆल-गदिया ही मुन्दहारे मुंही पाब खत्रर ती धर्मेसी महबा नंजर।

दहदर मंजका कत्‍था 9:16

अरा ऎन घोड़ो फउदर ही गनतिन मेंजकन। आद बीस करोड़ रहचा।