दहदर मंजका कत्‍था 4:5 - पुना गच्छरना NT (BSI)

⁵ अरा अबड़ा बॆल-गदिया ती लवका लौकारना गुट्ठी अरा ख़रख़ना गुट्ठी अरा मुर्री चाड़ी गुट्ठी बर'आलिया। अरा बॆल-गदिया ही मुन्दहारे चिच्ची ही सात गोट बिल्‍ली लघ्र'आ लगिया, इबड़ा दिम धर्मेसी सात गोट बॊलता हवे।

दहदर मंजका कत्‍था 4:5 ပူးပေါင်းရင်းမြစ်များ

मत्तायोस 25:1

आ बारी नू मेर्ख़ा राजी दस गोटंग डिंडा पेल्‍लर लेक्‍खा र'ओ, नॆ तम्‍है होरन धरचर ती बेंजा जॊंख़ासिन भेंटार'आ गे उरखर।

मत्तायोस 3:11

ऎन गा जियन किर्त'आ गे अम्म ती नॊड़रत'अदन, लिकिन एकास एंग्‍है ख़ॊख़ा बर‍'ऊ र'अदस, आस एंग्‍है ती कोड़हे सवंगिय र'अदस। ऎन गा आसी खरपन चॊदना जॊगे मलकन का एकदन बिट्ठी ननू जॊंख़स लेका नन्‍दस। आस निमन नेम्‍हा बॊलतस अरा चिच्‍च ती नॊड़त'ओस।

त‍इरकर 2:3

अरा आर गे चिच्‍ची ही हदकारना गुट्ठी लेक्‍खा ऎथ्रा, अरा अबड़ा ओर्त ओर्त म‍इय्याँ उक्‍किया।

दहदर मंजका कत्‍था 1:4

ऎन यॊहन आसिया देस ता अबड़ा सतियो कलीसिया गुट्ठी गे एन्देर लिखदन का: नॆ र'अदस, अरा रहचस, अरा बर'ऊ र'अदस आ धर्मेस ती निमा मया अरा कोड़े बर'अन नेकअन। अरा आसी बॆल-गदिया मुन्दहारे र'ऊ सतियो बॊलता गुट्ठी ती,

दहदर मंजका कत्‍था 10:3

अरा आस लकड़ा हउकारना बेसे जॊरसरिया चिच्चियारस। अरा आस चिच्चियारस ख़ने, सात गोट बादाली मुर्रना तम्है ख़रख़ना ती कछनखरा।

दहदर मंजका कत्‍था 11:19

फेन मेर्ख़ा नू र'अना धर्मेसी मन्दिर तिसगरा केरा। अरा आसी मन्दिर नू आसी गच्छरना ही बक्सा ऎथ्रा। अरा आ बेड़ा नू लवका लौकारना गुट्ठी, अरा ख़रख़ना गुट्ठी, मुर्रना चाड़ना गुट्ठी अरा ख़ॆख़ेल नुक्रना मंजा, अरा कोहाँ आली खत्रा।

दहदर मंजका कत्‍था 3:1

सरदीस नगरे ता कलीसिया ही पैकस गे नीन एन्ने लिख'आ का: नॆ धर्मेसी सतियो बॊलतन अरा सतियो बीनकोन धरचकादस, आस इबड़ा कत्थन ब'अदस। ऎन निंग्‍है नलख गुट्ठिन अख़दन। आलर निंगन उज्‍जालदय ब'अनर, लिकिन नीन गा केचका र'अदय।

दहदर मंजका कत्‍था 5:6

फेन ऎन पिटतारका ओन्टा भेंडो ख़द्दन बॆल-गदिया अरा अबड़ा चरियो उज्‍जना आलॊ अरा चौबीस सेयान आलर ही मझी नू इज्‍जका ईरकन। आसी सात गोटा मरग अरा सात गोटा ख़न्न रहचा। इबड़ा सात गोटा ख़न्न धर्मेसी सातो बॊलता हवे, एकाबड़ा सौंसे ख़ॆख़ेल नू तइरका र'ई।

दहदर मंजका कत्‍था 8:5

फेन मेर्ख़ा पैकस धूप कुहुड़'अना मौनीन होच्‍चस ती गोड़हा ता चिच्‍चिन नुल्लियस अरा ख़ॆख़ेल नू तुन्दियस चिच्‍चस, ख़ने मुर्रना चाड़ना गुट्ठी, अरा ख़रख़ना गुट्ठी, अरा लवका लौकारना गुट्ठी, अरा ख़ॆख़ेल नु‍कुरना मना हेलरा।