दहदर मंजका कत्‍था 4:11 - पुना गच्छरना NT (BSI)

¹¹ “अना एम्‍है धर्मे उर्बायो! नीन महबा अरा मईन अरा सवंग ख़क्खना ही जॊगे र'अदय, एन्‍देरगेका नीनिम उर्मिन गढ़चकय, अरा निंग्है मने तिम अबड़ा गढ़्रका ती उज्जी।”

दहदर मंजका कत्‍था 4:11 ပူးပေါင်းရင်းမြစ်များ

त‍इरकर 14:15

“भ‍ईरो, नीम ईद एन्‍देर नना लगदर? ऎम हूँ गा निम्‍है लेक्‍खा सुक्‍खे दुक्‍खे भोग'ऊ आलम हिकदम। ऎम ई दौ कत्‍था तेंगा बरचकादम का इबड़ा अनभनियाँ आलॊ गुट्ठी ती तरकूटी मना अरा उज्‍जना धर्मेस तरा किर्रा, एकास मेर्ख़ा अरा ख़ॆख़ेल अरा समुदर अरा अबड़ा नू र'अना उर्मिन कमचस।

त‍इरकर 17:24

ई धर्मेस गोट्टा ख़ॆख़ेल अरा अइय्या र'ऊ उर्मिन कमचस, अरा आस मेर्ख़ा दरा ख़ॆख़ेल ही उर्बस हिकदस। आस आलर ही ख़ेक्खा ती कमचका मन्‍दिर नू मल र'अदस।

रोमी 11:36

एन्‍देरगेका उर्मी दिम धर्मेस तरती दिम बरचा। अरा उर्मी आसी तिम अरा आस गेम र'ई। आस गे महबा जनमजुग मनत र'अन नेकअन। आमेन।

इफेसुस 3:9

आ गम चिताबुतन ओर्मा आलर गे बुझुरत'आ गे ऎन चज्रकादन, एकदा उर्मिन गढ़'ऊ धर्मेस ती मुन्द ता परिया गुट्ठी नू नुड्डका उइय्का रहचा।

इब्रानी 1:10

धर्मेस अउरिम ब'अदस, “अना उर्बायो, हुल्‍लो नू नीन ख़ॆख़ेलन कमचकय, अरा मेर्ख़ा निंग्‍है ख़ेक्खा ही नलख हवे।

इब्रानी 1:2

लिकिन अक्‍कु इबड़ा छेद उल्‍ला नू धर्मेस नम्‍है ती तंग्‍है ख़द्दस ती कछनख्रस। धर्मेस आसिन उर्मी जिनिस ही मइय्याँ जिमा कमचस, अरा आस ती गोट्टा सौंसेन गढ़चस।

दहदर मंजका कत्‍था 1:6

अरा आस तंग्‍है बंगस धर्मेसिन सुसर नना गे नमन ओन्टा राजी अरा नैगर कमचस। आसी महबा अरा सवंग आस गे हुल्‍लो ती हुल्‍लो गूटी मनन नेकअन! आमेन!

दहदर मंजका कत्‍था 10:6

अरा एकास हुल्‍लो ती हुल्‍लो गूटी उज्‍जदस, अरा नॆ मेर्ख़न अरा अइय्या र'अना उर्मिन, अरा ख़ॆख़लन अरा अइय्या र'अना उर्मिन, अरा समुदर आबोन अरा अइय्या र'अना उर्मिन गढ़चस, आसी नामे ती किरया मोक्‍खस ती बाचस, “अक्‍कु गा घड़ही ख़ापना मल मनो।

दहदर मंजका कत्‍था 14:7

अरा आस जॊरसरिया सड़ा ती एन्ने बाचस, “धर्मेसिन एल्‍चा, अरा आसिन महबा नना, एन्‍देरगेका आसी नेंवई नन्ना ही बेड़ा अंड़सकी र'ई। अरा नॆ मेर्ख़न अरा ख़ॆख़लन अरा समुदरन अरा अम्मु ही पझरा गुट्ठिन कमचस, आसिन महबा नना।”

दहदर मंजका कत्‍था 19:1

इबड़ा कत्था गुट्ठी ही ख़ॊख़ा ऎन मेर्ख़ा नू ओन्टा कोहाँ आल गोंहड़ा ही चिच्चियारना लेक्खा ओन्टा सड़न मेंजकन। आद एन्ने बाचा का, “हल्‍लेलुया! नाड़रना अरा महबा अरा सवंग नम्है धर्मेसी दिम हिके।

दहदर मंजका कत्‍था 5:12

अरा आर जॊर सड़ा ती चिच्चि‍यार'अरकी ब'आ लगियर, “नॆ पिटतारका भेंडो ख़द्द मसीस र'अस, आस सवंग अरा खुर्जी अरा लूर अरा पया अरा मईन अरा महबा अरा ओहमा ख़क्खा गे जॊगे र'अस।”

दहदर मंजका कत्‍था 5:2

अरा ऎन ओन्टा सवंगिय मेर्ख़ा पैकासिन जॊर सड़ा ती चिच्चि‍यारनुम ब'अना ईरकन, “ई पुथिन तिसक'आ गे अरा इदही मरकन ख़च्‍चा गे नॆ जॊगे र'ई?”

दहदर मंजका कत्‍था 5:9

अरा अबड़र ओन्टा पुना डंडी पाड़ा हेलरर का, “नीन आ पुथिन हो'आ गे अरा अदही मरका गुट्ठिन ख़च्‍चा गे जॊगे र'अदय। अरा नीन पिटतारकय ती निंग्‍है ख़ॆंस ती उर्मी गोतोर अरा भखा अरा आल खोंड़हा अरा राजी ती धर्मेस गे आलारिन ख़ीन्दकादय।