दहदर मंजका कत्‍था 4:1 - पुना गच्छरना NT (BSI)

¹ इबड़ा कत्था ही ख़ॊख़ा ऎन मेर्ख़ा नू ओन्टा तिसगरका बलिन ईरकन। अरा ऎन मुन्द एंग्है गने कछनख्रका मेंजका पेंड़हे ही ख़रख़ना लेक्‍खा सड़न मेंजकन। आद बाचा, “मइय्याँ इसन बरा। इबड़ा कत्था ही ख़ॊख़ा एन्‍देर एन्देर मन्ना र'ई, अबड़न ऎन निंगन ऎद'ओन।”

दहदर मंजका कत्‍था 4:1 ပူးပေါင်းရင်းမြစ်များ

मत्तायोस 3:16

नॊड़रस ती येसुस अम्‍मु ती उरखस ख़नेम, मेर्ख़ा तिसग्रा अरा धर्मेसी बॊलता पेरवाँ लेक्‍खा एत्तना दरा तंग्‍है मइय्याँ बरना ईरयस।

मरकुस 1:10

आस अम्मु ती बहरी उरखस ती लेथेम मेर्ख़ा तिसग्रनन अरा नेम्‍हा बॊलतन पेरवाँ लेक्‍खा तंग्‍है म‍इय्‍याँ एत्तनन ईरियस।

लू‍कस 3:21

एकाबारी बग्‍गे आलर नॊड़रर मुंज्रर, अदही ख़ॊख़ा येसुस हूँ नॊड़रस। अरा आस बिन्‍ती ननालियस ख़ने मेर्ख़ा तिसग्रा केरा,

यॊहनस 16:13

लिकिन मानिमन दहदर ननू नेम्‍हा बॊलतस बरदस ख़ने, आस निमन उर्मी मानिमन दहदर ननोस। आस गा तंग्‍है ती मल ब'ओस, लिकिन एकदन आस मेनोस अदिन दिम ब'ओस, अरा आस बरना कत्‍थन निमन तेंगोस चि'ओस।

त‍इरकर 10:11

आस मेर्ख़न तिसगरका ईरियस अरा चरियो गंडा ऎप ती हॆंरका दिगहा अरा चकड़ चदर बेसे एन्‍देर लॊ एत्तना ती ख़ॆख़ेल नू उइरना ईरियस।

त‍इरकर 7:56

अरा आस बाचस, “ऎरा! ऎन मेर्ख़न तिसगरका अरा मनवा ख़द्दासिन धर्मेसी तीना चोक्‍ख इज्‍जका ऎरदन!”

दहदर मंजका कत्‍था 1:10

उर्बासी उल्‍ला नू ऎन नेम्हा बॊलतासी आकुस नू मनरकी महबा नना लिक्कन ख़ने, एंग्है ख़ॊख़ा तरा पेंड़हे ही ख़रख़ना लेक्‍खा जॊरसरिया सड़न मेंजकन।

दहदर मंजका कत्‍था 1:12

एंग्‍है गने कछनख्र'आलिया आ सड़न ऎरा गे ऎन किर्रे ईरकन। ऎन किर्रे ईरकन ख़ने, ऎन सात गोटा सोना ही बिल्‍ली पटनी गुट्ठिन ईरकन।

दहदर मंजका कत्‍था 1:19

औंगे एकाबड़ा कत्‍थन नीन ईरकय, अरा एकाबड़ा कत्‍था अक्कु मना लगी अरा इदही ख़ॊख़ा मन्ना र'ई, अबडा उर्मिन लिख'आ।

दहदर मंजका कत्‍था 11:12

फेन आर मेर्ख़ा ती ओन्टा जॊरसरिया सड़ा आर ही गने एन्ने ब'अना मेंजर, “इसन मइय्याँ बरा।” इदिन मेंजर ती आर तम्‍है बैरिर ही ईरनुम ईरनुम बदाली नू मेर्ख़ा अर्गियर केरर।

दहदर मंजका कत्‍था 11:19

फेन मेर्ख़ा नू र'अना धर्मेसी मन्दिर तिसगरा केरा। अरा आसी मन्दिर नू आसी गच्छरना ही बक्सा ऎथ्रा। अरा आ बेड़ा नू लवका लौकारना गुट्ठी, अरा ख़रख़ना गुट्ठी, मुर्रना चाड़ना गुट्ठी अरा ख़ॆख़ेल नुक्रना मंजा, अरा कोहाँ आली खत्रा।

दहदर मंजका कत्‍था 16:17

फेन सातवाँ मेर्ख़ा पैकस तंग्‍है डुबहन ताका नू तुन्दियस चिच्‍चस। ख़ने मन्दिर नू ती बॆल-गदिया ती ओन्टा जॊरसरिया गड्डी सड़ा एन्ने बाचा, “मंजा केरा।”

दहदर मंजका कत्‍था 19:11

फेन ऎन मेर्ख़न तिसगिरका ईरकन, अरा ऎरा, ओन्टा पंडरु घोड़ो असन इज्जकी रहचा। अरा एका ओर्तस आ घोड़ोन चलाब'अदस आस पत्त'अना जॊगे अरा मानिम बारदस। आस उजगो गने नेंवई अरा लड़ई नन्दस।

दहदर मंजका कत्‍था 22:6

फेन आ मेर्ख़ा पैकस एंगन बाचस, “इबड़ा कत्‍था पत्त'अना जॊगे अरा मानिम र'ई। धर्मे उर्बस नॆ तंग्है कत्था तिंगुर ही बॊलता गुट्ठिन तंग्है तबे नू नन्दस, आस चाँड़हे मन्ना ही चाड़ र'अना कत्था गुट्ठिन तंग्है जॊंख़र गे ऎद'आ गे तंग्है पैकासिन तइय्कादस।”