दहदर मंजका कत्‍था 3:8 - पुना गच्छरना NT (BSI)

⁸ ऎन निंग्‍है नलख गुट्ठिन अख़दन। निंगा जुक्‍किम सवंग र'ई, अन्नु हूँ नीन एंग्‍है कत्थन पॆस्रकय अरा एंग्‍है नामेन मल दुस्‍सकय। औंगे ऎरा, ऎन ओन्टा तिसग्का बलिन निंग्है मुन्दहारे उइय्कादन अदिन नॆ हूँ मुच्‍चा पोलनर।

दहदर मंजका कत्‍था 3:8 ပူးပေါင်းရင်းမြစ်များ

लू‍कस 12:9

लिकिन नॆ एंगन आलर ही मुन्‍दहारे बलदन ब'अदस, आसिन ऎन हूँ धर्मेसी पैकर ही मुन्‍दहारे आस एंग्‍है आलस मलदस ब'ओन।

यॊहनस 15:20

एका कत्‍थन ऎन निमन तिंकन अदिन सुरता नना। जॊंख़स तंग्‍है उर्बस ती कोहँस मलदस। आर एंगन सताबाचर होले, निमन हूँ सताब'ओर। अरा आर एंग्‍है कत्‍थन पॆस्रर होले, निम्‍है कत्‍थन हूँ पॆस्र'ओर।

यॊहनस 17:6

एका आलारिन नीन ख़ॆख़ेल ती एंगा चिच्‍कय, आर गे ऎन निंगन दहदर नंजकन। आर निंग्‍है दिम रहचर, आरिन नीन एंगा चिच्‍कय, अरा आर निंग्‍है कत्‍थन मनचर।

त‍इरकर 14:27

असन आर अंड़सियर ती कलीसियन ख़ॊंड़चर ती तिंगियर का धर्मेस आर ही ती एन्‍देर एन्‍देर नलख नंजकाचस, अरा नन-यहूदीर हूँ पत्त'आ गे एकासे बलिन तिसगस चिच्‍चस।

1 कोरिन्‍थ 16:9

एन्‍देरगेका एंगा गे इसन ओन्‍टा कोड़हे नलख गे ओन्‍टा कोहाँ बली तिसगिरकी र'ई, लिकिन अइय्या छेंका ओरदू आलर हूँ बग्‍गेर र'अनर।

2 कोरिन्‍थ 2:12

एकाबारी ऎन मसीसी दौ कत्‍था मेन्‍त'आ गे त्रोआस नगरे नू बरचकन ख़ने, असन उर्बस एंगा गे ओन्‍टा बली तिसगस चिच्‍चस।

फिलिप्‍पी 4:13

एंगा पया चि'ऊ मसीस ती ऎन उर्मिन नना ओंग्दन।

कोलोस्से 4:3

अरा इदही गने एमा गे हूँ गोहरार'आ का धर्मेस एमा गे दौ कत्‍था तेंगा गे बलिन तिसगदस नेकअन। होले ऎम मसीसी पत्त ता गम ही कत्‍थन तेंगा ओंगोम। ई नलख ही चड्डेम ऎन जेहेल नू हॆंरकादन।

1 तीमोथियुस 5:8

लिकिन नॆ तंग्‍है पाहियर ही अरा कोड़हे तंग्‍है एड़पातर गे संगरा मल नन्‍दस होले, आस पत्त'अना ती नटरकादस। अरा आस मल पत्त‍'ऊ आलर ती हों मलदौ र'अस।

2 तीमोथियुस 4:7

ऎन पत्त'अना ही दौ लड़ाई आबोन लड़चकन। एंग्‍है बोंगनन ऎन बोंगकन मुंजकन। ऎन पत्त'अनन मल अम्‍बकन।

यहूदा 1:4

ऎन इदगेम एन्ने लिखदन का जोक्क ठकवा सिखाब'उर निम्है मझी नू कलेकसे कोरचका र'अनर। आर धर्मेसिन नटनर। आर नम्है धर्मेसी मया आबोन मलदौ उज्जना ऎकना ही ओदहा नू बदलनर। आर नम्है ओन्टे लेका उर्बस येसु मसीसिन नटनर। आर ही नठारना चिरान नुम नेम्हा पुथी नू लिखिर ख़च्चकी र'ई।

दहदर मंजका कत्‍था 2:13

ऎन अख़दन का नीन एक्‍सन र'अदय, असन दिम सैतान ही बॆल-गदिया र'ई। अन्नु हूँ नीन एंग्है नू मानी गने जिटजिटने र'अदय, अरा नीन एंग्‍है मइय्याँ ता पत्त'अनन मल अम्‍बकय। सैतान ही र'अना अड्डा निम्है नगरे नुम एंग्है पत्त'अना जॊगे गोवाह अन्तिपास पिटतारस, आ बेड़ा नू हूँ नीन पत्त'अनन मल अम्बकय।

दहदर मंजका कत्‍था 2:2

ऎन निंग्‍है नलख गुट्ठिन अरा कोड़हे अरज'अनन अरा खतिर नन्नन अख़दन। ऎन अख़दन का नीन मलदौ आलारिन मल सहदय, अरा तइरका मलका ती हूँ तमन तइरकर ब'उरिन नीन बिढ़'अरकी आर ठकवा तइरकर एन्ने अक्कय।

दहदर मंजका कत्‍था 22:7

येसुस ब'अदस, “ऎरा, ऎन चाँड़हे बर'आ लगदन। नॆ ई पुथी नू र'अना ख़ॊख़ा मन्ना एंग्है कत्था गुट्ठिन मन्दस, आस आसीस ख़क्‍खू आलस हिकदस।”

दहदर मंजका कत्‍था 3:1

सरदीस नगरे ता कलीसिया ही पैकस गे नीन एन्ने लिख'आ का: नॆ धर्मेसी सतियो बॊलतन अरा सतियो बीनकोन धरचकादस, आस इबड़ा कत्थन ब'अदस। ऎन निंग्‍है नलख गुट्ठिन अख़दन। आलर निंगन उज्‍जालदय ब'अनर, लिकिन नीन गा केचका र'अदय।

दहदर मंजका कत्‍था 3:10

खतिर गने सह'आ गे ऎन निंगा गे चिच्का एंग्‍है पॆसकन नीन पॆस्रकय। औंगे ख़ॆख़ेल नू र'ऊ आलारिन बिढ़'आ गे सौंसे ख़ॆख़ेल मइय्याँ बरना र'ई आ सस्ती ही बेड़ा ती ऎन हूँ निंगन बछाब'ओन।

दहदर मंजका कत्‍था 3:15

ऎन निंग्है नलख गुट्ठिन अख़दन का नीन कीरना हूँ मला, कुड़ना हूँ मला। नीन कीरना महले कुड़ना र'आ गे ऎन बेद्ददन।

दहदर मंजका कत्‍था 3:7

फिलदेलफिया नगरे ता कलीसिया ही पैकस गे नीन एन्ने लिख'आ का: नॆ नेम्‍हा अरा मानिम र'अस, अरा नॆ बॆल दाऊदसी कुची ही अदिया आबोन उइय्दस, अरा नॆ हूँ मुच्‍चा पोलना लेक्खा तिसग'उस, अरा नॆ हूँ तिसगा पोलना लेक्खा मुच्‍च'उस इबड़ा कत्थन ब'अदस का: