दहदर मंजका कत्‍था 3:21 - पुना गच्छरना NT (BSI)

²¹ एकासे ऎन जित्तचकन ती एम्बस गने आसी बॆल-गदिया नू उक्‍कन, अन्नेम नॆ जित'ओस आस गे ऎन एंग्‍है गने एंग्है बॆल-गदिया नू ओक्‍का गे अदिया चि'ओन।

दहदर मंजका कत्‍था 3:21 ပူးပေါင်းရင်းမြစ်များ

मत्तायोस 19:28

येसुस आरिन बाचस, “ऎन निमन मानिम ब'अदन का इकला पुना सौंसे मनो अरा मनवा ख़द्दन ऎन एंग्‍है ओहमा ही बॆल-गदिया नू ओक्‍कोन, आ बारी एंग्‍है गने चॊंख़्रका नीम हूँ बारा गोटा बॆल-गदिया नू ओक्‍कोर ती इस्राऎल ही बारा गोतरन नेंवई ननोर।

मत्तायोस 25:21

उर्बस बाचस, ‘नीन दौ नंजकय, बॆस अरा पत्त'अना जॊगे जॊंख़य, नीन जुक्‍की नू पत्त'अना जॊगे रहचकय, निंगन बग्‍गे जिनिस मइय्याँ अदिया कम'ओन। बरा, निंग्‍है उर्बासी रिझ नू मेस्र'आ।’

मत्तायोस 28:18

तहाँ येसुस आर ही हेद्दे बरचस ती बाचस, “मेर्ख़ा अरा ख़ॆख़ेल नू उर्मी अदिया एंगा चीरकी र'ई।

लू‍कस 22:30

अरा एंग्‍है राजी नन्ना उल्‍ला नू नीम एंग्‍है गने ओना मॊख़ा ओक्‍कोर। अरा नीम बॆल-गद्दी नू ओक्‍कोर ती इस्राऎल ही बारा गोतरन नेंवई ननोर।”

यॊहनस 13:32

अरा एंग्‍है ती धर्मेसी महबा दहदर मनी होले, धर्मेस हूँ मनवा ख़द्दन एंगा महबन तंग्‍है ती दहदर ननोस, अरा लॆम अदन ननोस।

यॊहनस 16:33

ऎन इबड़ा कत्‍थन निमन तिंकादन का नीम एंग्हा नू कोड़े ख़क्‍खा ओंग्‍दर। ई ख़ॆख़ेल नू निमा खिलपत मनो, लिकिन डिढ मना, ऎन ख़ॆख़लन जितिचका र'अदन।”

2 तीमोथियुस 2:12

नाम आसी चड्डे दुक्‍खे सारदत होले, आसी गने नाम हूँ बॆलर बेसे राजी ननोत। नाम आसी ख़ॊख़ा चॊंख़्र'उर मलदम ब'ओत होले, आस हों नमन तंग्‍है आलर मलदर ब'ओस।

दहदर मंजका कत्‍था 1:6

अरा आस तंग्‍है बंगस धर्मेसिन सुसर नना गे नमन ओन्टा राजी अरा नैगर कमचस। आसी महबा अरा सवंग आस गे हुल्‍लो ती हुल्‍लो गूटी मनन नेकअन! आमेन!

दहदर मंजका कत्‍था 12:11

लिकिन आर भेंडो ख़द्द मसीसी ख़ॆंस ती अरा तम्‍है गोवाह ही कत्था ती सैतान मइय्याँ जितचर। अरा आर तम्‍है जिया गुट्ठिन चोन्‍हा मल नंजर, ई गूटी का आर खे'आ गे हूँ मल इल्‍चियर।

दहदर मंजका कत्‍था 17:14

इबड़र भेंडो ख़द्द मसीस गने लड़ई ननोर। लिकिन भेंडो ख़द्द मसीस अरा आसी गने गुड़ियार'उर आरिन जित'ओर। एन्‍देरगेका भेंडो ख़द्द मसीस उर्बर ही उर्बस अरा बॆलर ही बॆलस हिकदस। अरा आसी गने गुड़ियार'उर धर्मेस ती मॆख़्रका अरा चज्रका अरा पत्त'ऊ आलर हिकनर।”

दहदर मंजका कत्‍था 2:7

नेम्हा बॊलतस कलीसिया गुट्ठी गे एन्देर ब'अदस, अदिन नॆखअय मेना गे ख़ेबदा र'ई आस मेन्दस ती बुझुरदस नेकअन। एकास जित'ओस आस गे ऎन उज्‍जना मन्न ही ख़ंजपन मॊख़ा चि'ओन, एकदा धर्मेसी परदे‍सोस नू र'ई।

दहदर मंजका कत्‍था 20:4

फेन ऎन बॆल-गदिया गुट्ठिन अरा नेंवई नना गे अदिया चीतारका आलारिन अइय्या उक्का ईरकन। अरा नॆख'आ कुक्‍कु येसुसी पत्त नू गोवाह चि'अना चड्डे अरा धर्मेसी कत्‍थन तेंगा कुद्दना चड्डे एड़बताचका आलर ही बॊलता गुट्ठिन हूँ ऎन ईरकन। आर आ मेक्‍खो ही मलता अदही मूर्ती ही ऒड़ मल नंजकाचर, अरा तम्है कपड़े नू मलता ख़ेक्खा नू अदही छपा मल होच्‍चका रहचर। आर उज्‍जा चोचर ती बॆलर लेक्खा मसीस गने ओन हजार बछर गे राजी नंजर।

दहदर मंजका कत्‍था 20:6

एकार ई पहिल उज्‍जा चो'अना नू मेस्रनर, आर आसीस ख़क्‍खू अरा नेम्‍हा आलर र'अनर। एन्ने आलर ही मइय्याँ दुसर खे'अना ही अदिया मल मनी। आर धर्मेसी अरा मसीसी नैग मनोर, अरा आर आसी गने ओन हजार बछर गे राजी ननोर।

दहदर मंजका कत्‍था 5:10

अरा नीन आरिन एम्है धर्मेस गे तेतर-सुसर नना गे ओन्टा राजी अरा नैगर कमचकादय, अरा आर ख़ॆख़ेल नू राजी ननोर।”

दहदर मंजका कत्‍था 6:2

अरा ऎन ईरकन ख़ने, ऎरा, ओन्टा पंडरू घोड़ोन ईरकन। अरा अइय्या उक्‍काचस आस ओन्टा एड़ेत धरचकाचस। अरा आस गे ओन्टा मुकुट चीतारा। अरा आस जीत ख़क्‍खुस लेक्‍खा जीत ख़क्खा गे उरखस।

दहदर मंजका कत्‍था 7:17

एन्‍देरगेका भेंडो ख़द्द मसीस नॆ बॆल-गदिया ही मझी नू इज्जदस, आस आर ही महरस हिकदस। अरा आस आरिन उज्जना अम्मु ही पझरा गुट्ठी गुसन कड़हाब'ओस। अरा धर्मेस आर ही ख़न्न ती उर्मी ख़ंजलख़ोन चींचोस।”