20 ऎरा, ऎन बली मुन्दहारे इज्जकन ती ठोकठोका ब'अदन। नीकईम एंग्है सड़न मेन्दस ती बलिन तिसगदस होले, ऎन आसी गुसन बर'ओन ती आसी गने ओनोन मॊख़'ओन अरा आस एंग्है गने ओनोस मॊख़'ओस।
इकला नीम इबड़ा उर्मी कत्थन एन्ने मन्नुम ऎरोर, निमा अख़ना र'ई का एंग्है बरना हेद्दे र'ई।
आस आसिन एन्ने ब'ओस, ‘एंगा मंडी सराजमा नना, एंग्है ओन्ना-मॊख़ना गूटी कड़मन भिड़'अरकी सुसर'अत र'आ, अरा अदही ख़ॊख़ा नीन हूँ ओनके मॊख़के।’
आस गे बली ख़ापुस बलिन तिसगदस चि'अदस। अरा आसी भेंडो आसी सड़न मिनी। अरा आस तंग्है भेंडोन नामे पिंजदस ती मॆख़दस, अरा अबड़न बहरी कड़हाब'अदस।
अना भईरो, नीम ओर्त ओर्तर ही बिड़दो नू अमा हउडउर'आ, होले नीम नेंवई मल नन्तार'ओर। ऎरा, नेंवई ननुस चाड़हेम बर'ऊ र'अदस।
फेन आ मेर्ख़ा पैकस एंगन बाचस, “इदिन लिख'आ, नॆ भेंडो ख़द्दासी बेंजा ही मदी नू मॆख़रकानर, आर आसीस ख़क्ख'ऊ र'अनर।” अरा आस अउरिम एंगन बाचस, “इबड़ा धर्मेसी मानी कत्था गुट्ठी हवे।”