दहदर मंजका कत्‍था 3:15 - पुना गच्छरना NT (BSI)

¹⁵ ऎन निंग्है नलख गुट्ठिन अख़दन का नीन कीरना हूँ मला, कुड़ना हूँ मला। नीन कीरना महले कुड़ना र'आ गे ऎन बेद्ददन।

दहदर मंजका कत्‍था 3:15 ပူးပေါင်းရင်းမြစ်များ

मत्तायोस 10:37

नॆ अयंग मलता बंगासिन एंग्‍है ती कोड़हे चोन्‍हा नन्‍दस आस एंग्‍है जॊगे मल्‍दस। अरा एकास तंग्‍दासिन मलता तंग्‍दन एंग्‍है ती कोड़हे चोन्‍हा नन्‍दस आस एंग्‍है जॊगे मल्‍दस।

मत्तायोस 24:12

मलदौ ही नीन्‍दना चड्डे बग्‍गे आलर ही चोन्‍हा ऎख़ो क'ओ।

मत्तायोस 6:24

नॆ हूँ ऎंड़ उर्बर ही सुसर नना पोलदस। आस गा ओर्तासिन हींड़'ओस अरा नन्नासिन चोन्‍हा ननोस, महले ओर्तस गने मेस्रका र'ओस अरा नन्‍नासिन ख़ाँड़'ओस। ई लेक्‍खम नीम धर्मेसी अरा ख़ॆख़ेल ता खुर्जी ही सुसर नना पोलदर।

रोमी 12:11

लंडी अमके मना, कोड़हे नलख ननके, निम्‍है सौंसे जिया ती उर्बासी तेतर-सुसर ननके।

1 कोरिन्‍थ 16:22

नेक‍ईम उर्बासिन चोन्‍हा मल नन्‍दस होले, धर्मेस आस गे दंडे चि'अदस नेकअन। एम्‍है उर्बायो बरा।

2 कोरिन्‍थ 12:20

एन्‍देरगेका एन्ने अम्बो मना गे ऎन एल्‍चदन का ऎन निम्है गुसन बरना बारी, एकासे ऎन बेद्ददन अन्ने निमन मल ख़क्‍खोन, अरा नीम एंगन एकासे मल बेद्ददर अन्नेम ख़क्‍खोर। अरा एन्ने अम्‍बो मना का ऎन निम्‍है नू नग्‍गानख्रना, इस्‍गहा, कदरारना, लोभिया, नीन्दा, जलिय'अना, मोठ'ई, अरा बिगर दाब ख़क्‍खोन।

फिलिप्‍पी 1:9

एंग्हा गोहरारना ईद र'ई का निम्‍है चोन्‍हा अरा लूर अरा उर्मी रकम ही लखना अउरिम पर्दी नेकअन।

2 थेस्‍सलोनिकॆयर 1:3

अना भईरो, एमा निमा गे सगरो धर्मेसिन धन्‍यवाद चि'अना र'ई। आदिम दौ र'ई। एन्‍देरगेका निम्‍है पत्त'अना अउरिम परदा लगी, अदही गने निम्‍है चोन्‍हा ओर्त ओर्त नू र'ई आद परदा लगी।

याकॊब 1:8

आ आलस दुई मति ही आलस र'अना ती आस तंग्है उर्मी नलख नू धर'ऊ मल्ला।

1 पतरस 1:22

अक्‍कु गा निम्है जिया गुट्ठी मानिमन पॆस्रका ती सुध मन्रकी र'ई। ख़ने नीम निम्है भई बहिनर ही मइय्याँ मानिम चोन्‍हा उइय्कादर। औंगे नीम ओर्त ओर्त गने मानिम जिया गने कोड़हे चोन्‍हा नना।

दहदर मंजका कत्‍था 2:2

ऎन निंग्‍है नलख गुट्ठिन अरा कोड़हे अरज'अनन अरा खतिर नन्नन अख़दन। ऎन अख़दन का नीन मलदौ आलारिन मल सहदय, अरा तइरका मलका ती हूँ तमन तइरकर ब'उरिन नीन बिढ़'अरकी आर ठकवा तइरकर एन्ने अक्कय।

दहदर मंजका कत्‍था 2:4

लिकिन एंगा गे निंग्हा बिड़दो नू जोक्क कत्था र'ई, नीन एंग्‍है मइय्याँ मुन्द ता लेक्खा चोन्‍हन अम्‍ब‍का चिच्का र'अदय।

दहदर मंजका कत्‍था 3:1

सरदीस नगरे ता कलीसिया ही पैकस गे नीन एन्ने लिख'आ का: नॆ धर्मेसी सतियो बॊलतन अरा सतियो बीनकोन धरचकादस, आस इबड़ा कत्थन ब'अदस। ऎन निंग्‍है नलख गुट्ठिन अख़दन। आलर निंगन उज्‍जालदय ब'अनर, लिकिन नीन गा केचका र'अदय।

दहदर मंजका कत्‍था 3:16

एन्ने नीन बिगर कुड़ना अरा बिगर कीरना ती उसुम उसुम र'अदय। औंगे ऎन निंगन एंग्है बई ती पुरच'ओन चि'ओन।