दहदर मंजका कत्‍था 3:14 - पुना गच्छरना NT (BSI)

¹⁴ लवोदिकेया नगरे ता कलीसिया ही पैकस गे नीन एन्ने लिख'आ का: नॆ आमेन, अरा पत्त'अना जॊगे अरा मानिम गोवाह, अरा धर्मेसी गढ़्रना ही ऒरे हिकदस, आस इबड़ा कत्थन ब'अदस।

दहदर मंजका कत्‍था 3:14 ပူးပေါင်းရင်းမြစ်များ

यॊहनस 1:3

उर्मी आलॊ आसी तिम गढ़रा, अरा गढ़्रका ती ओन्‍टा हूँ आसी बिगर मल्‍ला गढ़्रका।

यॊहनस 8:14

ख़ने येसुस आरिन बाचस, “ऎन ऎनिम एंग्‍है पत्त नू गोवाह चिच्‍चकन, अन्नु हूँ एंग्‍है गोवाह मानिम र'ई, एन्‍देरगेका ऎन एस्‍ते बरचकन‍ अरा एसन कादन ऎन अदिन अख़दन। लिकिन नीम बलदर का ऎन एस्‍ते बरचकन महले एसन कादन।

2 कोरिन्‍थ 1:20

येसु मसीस धर्मेसी उर्मी गच्‍छरना गे “हाँ” ब'अदस। औंगेम धर्मेसी महबा गे ऎम आस ती “आमेन” ब'अदम।

कोलोस्से 1:15

मसीस गा मल ईथ्र'ऊ धर्मेसी रूपे नू र'अदस, अरा सौंसे गढ़्रका ही कोहाँ हिकदस, अरा धर्मेसी जेट्ठा ख़द्द हिकदस।

कोलोस्से 1:18

अरा आसिम तंग्है मॆद कलीसिया ही कुक्‍कु अरा अदही ऒर हिकदस। अरा आसिम केचका मधेर ती उज्‍जा चो'उर नू मुन्दतस हिकदस। औंगे आसिम उर्मी नू मुन्द मनोस।

कोलोस्से 2:1

निमा गे अरा लवोदिकेया नगरे ता कलीसिया गे अरा एंगन मल ईरका अउर नन्ना ओर्मा पत्त'ऊ आलर गे ऎन एका कोड़हे चिहुट नन्दन एन्ने नीम अख़'आ गे ऎन बेद्ददन।

कोलोस्से 4:16

अरा ई चिठिन निम्‍है गुसन पढ़के, अरा अदही ख़ॊख़ा इदिन लवोदिकेया ता कलीसिया नू हूँ पढ़त'अके। अन्नेम लवोदिकेया ता कलीसिया गे एंग्हा लिखचका चिठिन हूँ नीम पढ़के।

दहदर मंजका कत्‍था 1:11

आ सड़ा एन्ने बाचा का, “एन्‍देर एन्‍देर नीन ऎरदय, अदिन ओन्टा पुथी नू लिख'आ ती, इफेसुस, स्मुरना, पेरगमोन, थुअतीरा, सरदीस, फिलदेलफिया, अरा लवोदिकेया नगरे ही सतियो कलीसिया गे तइय्या चि'आ।”

दहदर मंजका कत्‍था 1:5

अरा येसु मसीस ती निमा मया अरा कोड़े बर'अन नेकअन। मसीस दिम पत्त'अना जॊगे गोवाह, अरा केचका ती उज्‍जा चो'अना नू जेट्ठा, अरा ख़ॆख़ेल ता उर्मी बॆलारिन राजी ननू र'अदस। आस दिम नमन चोन्‍हा नंजस ती नमन तंग्‍है ख़ॆंस ती नम्‍है पाप गुट्ठी ती नाड़ियस।

दहदर मंजका कत्‍था 19:11

फेन ऎन मेर्ख़न तिसगिरका ईरकन, अरा ऎरा, ओन्टा पंडरु घोड़ो असन इज्जकी रहचा। अरा एका ओर्तस आ घोड़ोन चलाब'अदस आस पत्त'अना जॊगे अरा मानिम बारदस। आस उजगो गने नेंवई अरा लड़ई नन्दस।

दहदर मंजका कत्‍था 2:1

इफेसुस नगरे ता कलीसिया ही पैकस गे एन्ने लिख'आ का: नॆ तंग्‍है तीना ख़ेक्खा नू सात गोट बीनकोन धरचका ती सात गोट सोना ही बिल्‍ली पटनी ही मझी नू कुद्ददस, आस इबड़ा कत्थन ब'अदस का:

दहदर मंजका कत्‍था 21:6

आस अउरिम एंगन बाचस, “इबड़ा उर्मी कत्‍था गुट्ठी मंज ख़च्‍चकी र'ई। ऎन अल्‍फा अरा ओमेगा, ऒरे अरा छेद्दे हिकदन। ऎन ओनक'आरिन उज्‍जना अम्मु ही पझरा ती सिथिया ओन्त'ओन।

दहदर मंजका कत्‍था 22:13

ऎन अल्‍फा अरा ओमेगा, मुन्द ता अरा ख़ॊख़ा ता, ऒरे अरा छेद्दे हिकदन।

दहदर मंजका कत्‍था 22:6

फेन आ मेर्ख़ा पैकस एंगन बाचस, “इबड़ा कत्‍था पत्त'अना जॊगे अरा मानिम र'ई। धर्मे उर्बस नॆ तंग्है कत्था तिंगुर ही बॊलता गुट्ठिन तंग्है तबे नू नन्दस, आस चाँड़हे मन्ना ही चाड़ र'अना कत्था गुट्ठिन तंग्है जॊंख़र गे ऎद'आ गे तंग्है पैकासिन तइय्कादस।”

दहदर मंजका कत्‍था 3:7

फिलदेलफिया नगरे ता कलीसिया ही पैकस गे नीन एन्ने लिख'आ का: नॆ नेम्‍हा अरा मानिम र'अस, अरा नॆ बॆल दाऊदसी कुची ही अदिया आबोन उइय्दस, अरा नॆ हूँ मुच्‍चा पोलना लेक्खा तिसग'उस, अरा नॆ हूँ तिसगा पोलना लेक्खा मुच्‍च'उस इबड़ा कत्थन ब'अदस का: