दहदर मंजका कत्‍था 3:12 - पुना गच्छरना NT (BSI)

¹² नॆ जित'ओस आसिन ऎन एंग्‍है धर्मेसी मन्दिर नू ओन्टा खुटा कम'ओन। अरा आस इकला हूँ अइय्या ती मल गुछर'ओस। अरा ऎन आसी मइय्याँ एंग्है धर्मेसी नामेन अरा एंग्‍है धर्मेसी नगरे ही नामेन लिख'ओन। पुना येरुसलॆम दिम धर्मेसी नगरे हवे। ईद एंग्है धर्मेस ती मेर्ख़ा तरती इत्त'ई। अरा ऎन एंग्‍है पुना नामेन हूँ आसी मइय्याँ लिख'ओन।

दहदर मंजका कत्‍था 3:12 ပူးပေါင်းရင်းမြစ်များ

मरकुस 12:16

आर ढिबन ओन्‍द्रर अरा आस गे चिच्‍चर। आस मेंजस, “ई नामे अरा छपा नॆखा हवे?” आर बाचर, “कैसरसी।”

गलातिया 2:9

आलर याकॊब अरा पतरस अरा यॊहनसिन कलीसिया ही कोहाँ मुद्धर लेक्‍खा सोचर। आर धर्मेस ती एंगा ख़क्‍ख्रका मया आबोन अक्‍खर। आर एंगन अरा बरनबासिन संगे नलख ननू लेक्‍खा इंझ्रर अरा रिझाबाचर का ऎम नन-यहूदीर गुसन क'ओम, अरा ताम यहूदीर गुसन क'ओर।

इब्रानी 12:22

लिकिन नीम गा अक्‍कु उज्‍जना धर्मेसी नगरे मेर्ख़ा ता येरुसलॆम सीयॊन परता नू बरचकादर। अइय्या गन'आ पोलना मेर्ख़ा पैकर रिझ गने ख़ॊंड़रनर।

इब्रानी 13:14

एन्‍देरगेका उर्मी उल्‍ला र'आ गे इसन ख़ॆख़ल नू नमा गे नगरे मल्‍ला। लिकिन नाम बरना ओन्‍टा नगरे ही पाब ऎरालदत।

1 यॊहन 4:4

अना ख़द्दारो, नीम धर्मेसी हिकदर, नीम अबड़ा ठकवा धर्मेसी कत्था तिंगुर ती जीत ख़क्खकादर। एन्देरगेका ई सौंसार नू र'ऊ बॊलता गुट्ठी ती निम्है नू र'ऊ नेम्हा बॊलतस कोहँस र'अदस।

दहदर मंजका कत्‍था 14:1

इदही ख़ॊख़ा ऎन ईरकन ख़ने, ऎरा, भेंडो ख़द्द मसीस सीयॊन परता नू इज'आ लगियस, अरा आसी गने ओन लाक चौवालीस हजार आलर रहचर, नॆख'आ कपड़े नू आसी नामे अरा तम्‍बासी नामे लिख्रकी रहचा।

दहदर मंजका कत्‍था 17:14

इबड़र भेंडो ख़द्द मसीस गने लड़ई ननोर। लिकिन भेंडो ख़द्द मसीस अरा आसी गने गुड़ियार'उर आरिन जित'ओर। एन्‍देरगेका भेंडो ख़द्द मसीस उर्बर ही उर्बस अरा बॆलर ही बॆलस हिकदस। अरा आसी गने गुड़ियार'उर धर्मेस ती मॆख़्रका अरा चज्रका अरा पत्त'ऊ आलर हिकनर।”

दहदर मंजका कत्‍था 2:11

नेम्हा बॊलतस कलीसिया गुट्ठी गे एन्देर ब'अदस, अदिन नॆखअय मेना गे ख़ेबदा र'ई आस मेन्दस ती बुझुरदस नेकअन। एकास जित'ओस आस दुसर खे'अना ती नोकसान मल मनोस।

दहदर मंजका कत्‍था 2:17

नेम्हा बॊलतस कलीसिया गुट्ठी गे एन्देर ब'अदस, अदिन नॆखअय मेना गे ख़ेबदा र'ई आस मेन्दस ती बुझुरदस नेकअन। एकास जित'ओस आस गे ऎन जोक्क नूख़्रका मन्‍ना आबोन चि'ओन, अरा पुना नामे लिक्खरका ओन्टा पंडरू पखना आबोन चि'ओन। एका ओर्तस आ पखनन ख़क्‍खदस आसिन अम्बरकी नॆ हूँ आ नामेन बलदस।

दहदर मंजका कत्‍था 2:7

नेम्हा बॊलतस कलीसिया गुट्ठी गे एन्देर ब'अदस, अदिन नॆखअय मेना गे ख़ेबदा र'ई आस मेन्दस ती बुझुरदस नेकअन। एकास जित'ओस आस गे ऎन उज्‍जना मन्न ही ख़ंजपन मॊख़ा चि'ओन, एकदा धर्मेसी परदे‍सोस नू र'ई।

दहदर मंजका कत्‍था 21:2

फेन ऎन नेम्‍हा नगरे पुना येरुसलॆमन धर्मेस तरती मेर्ख़ा ती एत्तना ईरकन। आद तंग्है मॆतस गे सिंगरारकी झबरारकी र'अना ओन्टा बेंजा पेल्‍लो बेसे सपड़ारकी रहचा।

दहदर मंजका कत्‍था 22:4

अरा आर आसिन मुंही मुंहिन ऎरोर, अरा आसी नामे आर ही कपड़े नू लिख्रकी र'ओ।

दहदर मंजका कत्‍था 3:5

नॆ जित'ओस आस गे अन्नेम पंडरू किचरी अत्ततार'ओर। अरा ऎन आसी नामेन उज्‍जना ही पुथी ती कहियों मल मेट'ओन। लिकिन आसी नामेन एम्बासी अरा आसी मेर्ख़ा पैकर की मुन्दहारे तेंगर'ओन।