दहदर मंजका कत्‍था 3:11 - पुना गच्छरना NT (BSI)

¹¹ ऎन चाँड़हे बर'आलदन, एंग्है नू जिटजिटने पत्त'अते र'आ। ख़ने नॆ हूँ निंग्‍है इनामन मल हो'ओर।

दहदर मंजका कत्‍था 3:11 ပူးပေါင်းရင်းမြစ်များ

1 कोरिन्‍थ 9:25

ओर्मा बीचुर गा उर्मी मदहे कत्‍था नू तमन सम्ड़'अनर। ईर नठारना इनामन ख़क्‍खा गे एन्ने नन्नर। लिकिन नाम गा मल नठारना इनामन ख़क्‍खा गे एन्ने नन्‍दत।

फिलिप्‍पी 4:5

निम्‍है कयास मन्नन ओर्मा आलर अख़नर नेक'आ। उर्बस चाँड़हेम बरदस।

2 तीमोथियुस 2:5

अन्नेम अखड़ा नू लड़‍'ऊ आलस नॆग ती मल लड़'ओस होले, दौ ख़ंजपा मल ख़क्‍खोस।

2 तीमोथियुस 4:8

अक्‍कु एंगा उजगो ही मुकुट इनाम उइरकी र'ई। उजगो गने रायबड़ी ननू धर्मेस अदिन रायबड़ी उल्‍ला नू एंगा चि'ओस। एंगा लेका मला आसी बरनन पाब ईरू ओर्मर गे चि'ओस।

याकॊब 1:12

बिढ़्रनन सह'ऊ आलासिन धर्मेस आसीस नन्दस। एन्देरगेका आस आ बिढ़्रना नू बड़ियर र'अना ती उजगो आलस उरखका ख़ॊख़ा, धर्मेस तंग्हा नू चोन्हा ननुर गे चि'ओन एन्ने गच्छरका जनमजुग उज्जना ही इनामन आस ख़क्खोस।

याकॊब 5:9

अना भईरो, नीम ओर्त ओर्तर ही बिड़दो नू अमा हउडउर'आ, होले नीम नेंवई मल नन्तार'ओर। ऎरा, नेंवई ननुस चाड़हेम बर'ऊ र'अदस।

दहदर मंजका कत्‍था 1:3

एकास धर्मेस ती मुन्द तिंका ई कत्‍था गुट्ठिन पढ़'उस अरा मिनुर अरा इय्या लिखचका लेक्खा ईकुर धर्मेस ती आसीस ख़क्ख'ऊ र'अनर। एन्‍देरगेका इबड़ा कत्था मन्ना ही बेड़ा हेद्दे अंड़सकी र'ई।

दहदर मंजका कत्‍था 16:15

उर्बस ब'अदस, “ऎरा, ऎन ख़लबर लेक्‍खा आचका बरदन। नॆ एज्रका र'अदस, अरा तंग्है किचरी कुट्ठिन अत्तका र'अदस का लंगड़ा अम्‍बोस कुद्दा, अरा आलर आसिन लंगड़ा अम्‍बोर ऎरा, आस आसीस ख़क्ख'ऊ र'अदस।”

दहदर मंजका कत्‍था 2:10

एका दुक्‍खे निंगा भोगना मनो अत्रु नीन अमकेम एल्‍चा। सैतान निमन बिढ़'आ गे निम्‍है ती जोक्कोरिन जेहेल नू सजत'ओ। अरा नीम दस उल्ला गूटी दुक्‍खे भोग'ओर। जिया क'ओ आ गूटी हूँ पत्त'अना जॊगे र'आ। ख़ने ऎन निंगा उज्‍जना ही मुकुट चि'ओन।

दहदर मंजका कत्‍था 2:13

ऎन अख़दन का नीन एक्‍सन र'अदय, असन दिम सैतान ही बॆल-गदिया र'ई। अन्नु हूँ नीन एंग्है नू मानी गने जिटजिटने र'अदय, अरा नीन एंग्‍है मइय्याँ ता पत्त'अनन मल अम्‍बकय। सैतान ही र'अना अड्डा निम्है नगरे नुम एंग्है पत्त'अना जॊगे गोवाह अन्तिपास पिटतारस, आ बेड़ा नू हूँ नीन पत्त'अनन मल अम्बकय।

दहदर मंजका कत्‍था 2:25

अन्‍ति नीम एंग्‍है बरना गूटी एंग्है नू जिटजिटने पत्त'अते र'अना र'ई।

दहदर मंजका कत्‍था 22:12

येसुस ब'अदस, “ऎरा, ऎन चाँड़हे बर'आ लगदन। अरा ओर्त ओर्त नंजका ही लेक्‍खा आस गे ऎन चि'अना इनाम एंग्‍है गुसन र'ई।

दहदर मंजका कत्‍था 22:20

इबड़ा कत्‍था गुट्ठी गे गोवाह चि'ऊ येसुस ब'अदस, “हाँ, ऎन चाँड़हे बर'आ लगदन।” आमेन! अना येसु उर्बायो बरा!

दहदर मंजका कत्‍था 22:7

येसुस ब'अदस, “ऎरा, ऎन चाँड़हे बर'आ लगदन। नॆ ई पुथी नू र'अना ख़ॊख़ा मन्ना एंग्है कत्था गुट्ठिन मन्दस, आस आसीस ख़क्‍खू आलस हिकदस।”

दहदर मंजका कत्‍था 3:3

औंगे सुरता नना का एका कत्‍थन नीन इंझरकादय अरा मेंजकादय, अरा अदिन पॆस्र'आ, अरा जियन किर्त'आ। नीन एज्रका मल र'अदय होले, ऎन ख़लबस लेक्‍खा बर'ओन। अरा नीन कहियों बल्लोय का ऎन एका बेड़ा नू निंग्है बिड़दो बर'ओन।

दहदर मंजका कत्‍था 4:10

आ बारी आ बारी चौबीसो सेयान आलर बॆल-गदिया नू उक्कुसी मुन्दहारे ख़ेडमूली खत्रनर ती, हुल्‍लो ती हुल्‍लो गूटी उज्‍जुसी महबा नन्नर। अरा एन्ने ब'अनुम बॆल-गदिया ही मुन्दहारे तम्है मुकुट आबोन ओक्‍त'अनर चि'अनर,

दहदर मंजका कत्‍था 4:4

आ बॆल-गदिया ही चरियो तरा चौबीस गोट बॆल-गदिया रहचा। अरा इबड़ा बॆल-गदिया नू चौबीस सेयान आलर पंडरू किचरी अत्तका ती उक्‍का रहचर। अरा आर ही कुक्‍कु नू सोना ही मुकुट रहचा।