दहदर मंजका कत्‍था 22:6 - पुना गच्छरना NT (BSI)

⁶ फेन आ मेर्ख़ा पैकस एंगन बाचस, “इबड़ा कत्‍था पत्त'अना जॊगे अरा मानिम र'ई। धर्मे उर्बस नॆ तंग्है कत्था तिंगुर ही बॊलता गुट्ठिन तंग्है तबे नू नन्दस, आस चाँड़हे मन्ना ही चाड़ र'अना कत्था गुट्ठिन तंग्है जॊंख़र गे ऎद'आ गे तंग्है पैकासिन तइय्कादस।”

दहदर मंजका कत्‍था 22:6 ပူးပေါင်းရင်းမြစ်များ

मत्तायोस 13:41

अरा मनवा ख़द्दन ऎन एंग्‍है पैकारिन ख़ॆख़ेल नू तइय्योन, अरा आर एंग्‍है राजी ती उर्मी पाप नन्त'उरिन अरा उर्मी मलदौ ननुरिन ख़ॊजोर,

लू‍कस 1:70

आस तंग्‍है नेम्‍हा धर्मेसी कत्‍था तिंगुर ती हुल्‍लो नू बाचकाचस का

लू‍कस 16:16

मूसासी पॆसका अरा धर्मेसी कत्‍था तिंगुर ही कत्‍था गुट्ठी यॊहन नूड़रत'उसी बरना गूटी तेंगरा। आ बेड़ा ती धर्मेसी राजी ही दौ कत्‍था तेंगर'आ लगी, अरा ओर्मर कोड़हे चिहुट ती अइय्या कोरनर।

त‍इरकर 12:11

ख़ने पतरस निजिड़यस ती बाचस, “अक्‍कु ऎन मानिम अक्‍ख ख़च्‍चिकन उर्बस तंग्‍है मेर्ख़ा पैकासिन त‍इय्यस ती एंगन हॆरॊदॆसी ख़ेक्खा ती नाड़ियस अरा यहूदीर ही उर्मी असरन ख़च्‍चियस।”

त‍इरकर 3:18

लिकिन धर्मेस मुन्‍द तिम तंग्‍है कत्‍था तिंगुर ती ‘मसीस गे दुक्खे चॊदना र'ई’ एन्ने बाचका लेक्‍खा अदिन पूरा नंजस।

रोमी 1:2

धर्मेस ई दौ कत्‍थन मुन्‍द तिम नेम्‍हा पुथी नू तंग्‍है कत्‍था तिंगुर ती गच्‍छरका रहचस।

1 कोरिन्‍थ 14:32

अरा धर्मेसी कत्‍थन मुन्‍द तिंगुर ही बॊलता धर्मेसी कत्‍थन मुन्‍द तिंगुर ही तबे नू र'ई, अरा आर तम्‍है बारी गे ख़ोख'आ ओंगनर।

1 कोरिन्‍थ 7:29

लिकिन भईरो! ऎन निमन एन्‍देर ब'अदन का बेड़ा गा जुक्‍की र'ई। औंगे अक्‍कु ती नॆ बेंज्रकानर, आर मल्‍ला बेंज्रका लेक्‍खा उज्‍जनर नेकअन।

2 थेस्‍सलोनिकॆयर 1:7

अरा सस्‍ती नू र'अदर निमा गे आस ख़न्‍न ऎख़ना ही ख़ंजपा चि'ओस। अन्नेम आस एमा हूँ चि'ओस। उर्बा येसुस तंग्‍है सवंगिय मेर्ख़ा पैकर गने लघ्रना चिच्‍ची गने मेर्ख़ा ती दहदर मन्‍ना बेड़ा नू ईद मनो।

इब्रानी 12:9

नाम गा नमन कोड़र'ऊ नम्‍है ई ख़ॆख़ेल ही बंगर गे म‍ईन नन्‍दत। अन्ने होले नम्‍है बॊलता ही बंगासी अउरिम कोड़हे तबे नू र'अना ती उज्‍जा गे चाड़ र'ई।

2 पतरस 1:21

एन्देरगेका धर्मेसी कत्था तिंगुर ती बाचका ख़ॊख़ा मन्ना कत्था इकला हूँ आलर ही मने ती मल्ला मंजका। लिकिन आलर नेम्हा बॊलतासी कड़हाब'अना ती धर्मेसी कत्थन तिंगियर।

2 पतरस 3:2

ऎन बेद्ददन का, नेम्हा धर्मेसी कत्था तिंगुर ती चिरान नू तिंका कत्था गुट्ठिन, अरा निम्है तइरकर ती चितारका नम्है उर्बस अरा नाड़ुसी पॆसका गुट्ठिन निमा सुरता नन्ना र'ई।

दहदर मंजका कत्‍था 1:1

ईद येसु मसीसी चिच्का दहदर हवे। चाँड़हेम मन्ना कत्था गुट्ठिन तंग्है जॊंख़र गे ऎद'आ गे धर्मेस ई दहदर आबोन येसु मसीस गे चिच्चस। येसुस तंग्है पैकासिन तइय्यस ती तंग्है जॊंख़स यॊहनस गे इदन अख़ताचस।

दहदर मंजका कत्‍था 18:20

अनय मेर्ख़ा ता आलॊ, अना नेम्‍हा आलारो अरा तइरकारो अरा धर्मेसी कत्था तिंगुरो! इदही नठारना ही चड्डे रिरयार'आ, एन्देरगेका आद एकासे निम्हा गने नंजा अन्नेम धर्मेस अदिन नेंवई नंजकादस”

दहदर मंजका कत्‍था 19:9

फेन आ मेर्ख़ा पैकस एंगन बाचस, “इदिन लिख'आ, नॆ भेंडो ख़द्दासी बेंजा ही मदी नू मॆख़रकानर, आर आसीस ख़क्ख'ऊ र'अनर।” अरा आस अउरिम एंगन बाचस, “इबड़ा धर्मेसी मानी कत्‍था गुट्ठी हवे।”

दहदर मंजका कत्‍था 21:5

फेन बॆल-गदिया नू उक्‍काचस आस बाचस, “ऎरा, ऎन उर्मिन पुना नन्दन चि'अदन।” फेन आस बाचस, “इदन लिख'आ, इवंगेका इबड़ा कत्था गुट्ठी पत्त'अना जॊगे अरा मानिम र'ई।”

दहदर मंजका कत्‍था 21:9

फेन सात गोटा डुबहा नू सात गोटा छेद्दे सस्तिन निंदका उइय्का सात गोटा मेर्ख़ा पैकर ती ओर्तोस एंग्‍है गुसन बरचस ती एन्ने बाचस, “बरा, ऎन निंगन भेंडो ख़द्दस गे मुक्का मन्ना बेंजा पेल्‍लोन ऎद'ओन चि'ओन।”

दहदर मंजका कत्‍था 22:1

इदही ख़ॊख़ा आ मेर्ख़ा पैकस एंगन बिल्‍लोर लेक्‍खा झलकारना उज्‍जना ही अम्मु ही ख़ाड़न ऎदस। आद धर्मेस अरा भेंडो ख़द्दासी बॆल-गदिया ती बाह'ई।

दहदर मंजका कत्‍था 22:16

ऎन येसु एंग्‍है पैकासिन इदगे तइय्कन का आस इबड़ा कत्‍था गुट्ठी ही पत्त नू कलीसिया गुट्ठी नू निमा गे तेंगोस। ऎन दाऊद बॆलासी कोड़हे मुध जंईपुंई हिकदन, अरा ऎन लौकारना बिज-बीनको हिकदन।”

दहदर मंजका कत्‍था 22:7

येसुस ब'अदस, “ऎरा, ऎन चाँड़हे बर'आ लगदन। नॆ ई पुथी नू र'अना ख़ॊख़ा मन्ना एंग्है कत्था गुट्ठिन मन्दस, आस आसीस ख़क्‍खू आलस हिकदस।”

दहदर मंजका कत्‍था 4:1

इबड़ा कत्था ही ख़ॊख़ा ऎन मेर्ख़ा नू ओन्टा तिसगरका बलिन ईरकन। अरा ऎन मुन्द एंग्है गने कछनख्रका मेंजका पेंड़हे ही ख़रख़ना लेक्‍खा सड़न मेंजकन। आद बाचा, “मइय्याँ इसन बरा। इबड़ा कत्था ही ख़ॊख़ा एन्‍देर एन्देर मन्ना र'ई, अबड़न ऎन निंगन ऎद'ओन।”