दहदर मंजका कत्‍था 22:4 - पुना गच्छरना NT (BSI)

⁴ अरा आर आसिन मुंही मुंहिन ऎरोर, अरा आसी नामे आर ही कपड़े नू लिख्रकी र'ओ।

दहदर मंजका कत्‍था 22:4 ပူးပေါင်းရင်းမြစ်များ

मत्तायोस 5:8

नॆख'आ जिया सफा र'ई, आरिन धर्मेस आसीस ननोस, आर धर्मेसिन ऎरोर।

यॊहनस 12:26

नॆ एंगन सुस्र'आ बेद्ददस आस एंग्‍है गने चॊंख़्रदस नेकअन, अरा एसन ऎन र'ओन असन एंग्‍है जॊंख़स हूँ र'ओस। नॆ एंगन सुस्र'अदस, आसिन एम्‍बस मईन ननोस।

यॊहनस 17:24

अना बंगायो, ख़ॆख़ेल ही कम्रना ती मुन्‍द नीन एंगन चोन्‍हा नंजका ती नीन एंगा चिच्का एंग्‍है महबन ईर ऎरा बेद्दनर। औंगे नीन एंगा चिच्का आलर ऎन एक्‍सन र'अदन असन आर हूँ र'आ गे बेद्ददन।

1 कोरिन्‍थ 13:12

अक्‍कु गा नाम मड़ख़का ऐना नू धुमलहा ऎरना बेसे धर्मेसिन बड़ियर मल ऎरदत, लिकिन ख़ॊख़ा नाम उर्मी कत्‍थन बड़ियर फरीफरी ऎरोत। अक्‍कुन ऎन जुक्‍किम दिम अख़दन, लिकिन ख़ॊख़ा धर्मेस एंगन एकासे बनेम अख़दस अन्नेम ऎन उर्मिन बनेम अख़'ओन।

इब्रानी 12:14

ओर्मर गने मेस्र'आ ती उज्‍जा गे अरा निम्‍है ऎकना नू नेम्‍हा गने र'आ गे चिहुट नना। बिगर नेम्‍हा ती नॆ हूँ धर्मेसिन ऎरा पोल्‍लोर।

दहदर मंजका कत्‍था 14:1

इदही ख़ॊख़ा ऎन ईरकन ख़ने, ऎरा, भेंडो ख़द्द मसीस सीयॊन परता नू इज'आ लगियस, अरा आसी गने ओन लाक चौवालीस हजार आलर रहचर, नॆख'आ कपड़े नू आसी नामे अरा तम्‍बासी नामे लिख्रकी रहचा।

दहदर मंजका कत्‍था 3:12

नॆ जित'ओस आसिन ऎन एंग्‍है धर्मेसी मन्दिर नू ओन्टा खुटा कम'ओन। अरा आस इकला हूँ अइय्या ती मल गुछर'ओस। अरा ऎन आसी मइय्याँ एंग्है धर्मेसी नामेन अरा एंग्‍है धर्मेसी नगरे ही नामेन लिख'ओन। पुना येरुसलॆम दिम धर्मेसी नगरे हवे। ईद एंग्है धर्मेस ती मेर्ख़ा तरती इत्त'ई। अरा ऎन एंग्‍है पुना नामेन हूँ आसी मइय्याँ लिख'ओन।

दहदर मंजका कत्‍था 7:3

“एका गूटी ऎम नम्‍है धर्मेसी जॊंख़र ही कपड़े नू मरका मल नंज ख़च्‍चोम, आ गूटी ख़ॆख़ेल महले समुदर महले मन्न गुट्ठिन अमके नठाब'आ।”