दहदर मंजका कत्‍था 22:3 - पुना गच्छरना NT (BSI)

³ अरा अक्‍कु ती इन्द्रिइम स्राप हूँ मल मनो, अरा धर्मेसी अरा भेंडो ख़द्दासी बॆल-गदिया आ नगरे नू र'ओ, अरा आसी जॊंख़र आसी सुसर ननोर।

दहदर मंजका कत्‍था 22:3 ပူးပေါင်းရင်းမြစ်များ

मत्तायोस 25:21

उर्बस बाचस, ‘नीन दौ नंजकय, बॆस अरा पत्त'अना जॊगे जॊंख़य, नीन जुक्‍की नू पत्त'अना जॊगे रहचकय, निंगन बग्‍गे जिनिस मइय्याँ अदिया कम'ओन। बरा, निंग्‍है उर्बासी रिझ नू मेस्र'आ।’

मत्तायोस 25:41

आ बारी ऎन बॆलन डेब्‍बा पक्‍खे ता आलारिन ब'ओन, ‘अना सरपारका आलारो, एंग्‍है मुन्‍द ती आ मल तेभ्रना चिच्‍ची नू किर्रिम बि'आ, एकदा नाद अरा अदही पैकर गे सपड़ाचका र'ई।

यॊहनस 12:26

नॆ एंगन सुस्र'आ बेद्ददस आस एंग्‍है गने चॊंख़्रदस नेकअन, अरा एसन ऎन र'ओन असन एंग्‍है जॊंख़स हूँ र'ओस। नॆ एंगन सुस्र'अदस, आसिन एम्‍बस मईन ननोस।

यॊहनस 13:32

अरा एंग्‍है ती धर्मेसी महबा दहदर मनी होले, धर्मेस हूँ मनवा ख़द्दन एंगा महबन तंग्‍है ती दहदर ननोस, अरा लॆम अदन ननोस।

यॊहनस 14:3

ऎन असन कालरकी निमा गे ओन्‍टा अड्डा सपड़ारका ख़ॊख़ा, अउरिम बर'ओम ती नीम एंग्‍है गने र'आ गे निमन हो'ओन क'ओन। ख़ने ऎन एसन र'ओन असन नीम हूँ र'ओर।

यॊहनस 17:24

अना बंगायो, ख़ॆख़ेल ही कम्रना ती मुन्‍द नीन एंगन चोन्‍हा नंजका ती नीन एंगा चिच्का एंग्‍है महबन ईर ऎरा बेद्दनर। औंगे नीन एंगा चिच्का आलर ऎन एक्‍सन र'अदन असन आर हूँ र'आ गे बेद्ददन।

दहदर मंजका कत्‍था 7:10

अरा आर जॊरसरिया चिच्चियारर ती ब'आलियर, “नाड़रना नम्‍है धर्मेस नॆ बॆल-गदिया नू उक्‍कादस आसी ती, अरा भेंडो ख़द्द मसीस ती बर'ई।”

दहदर मंजका कत्‍था 7:9

इबड़ा कत्था ही ख़ॊख़ा ऎन ईरकन ख़ने, ऎरा, उर्मी राजी अरा गोतोर अरा आल खोंड़हा अरा भखा ती बरचका नॆ हूँ गन'आ पोलना ओन्टा कोहाँ आल गोंहड़न ईरकन। अबड़र पंडरु किचरी गुट्ठी अत्तका ती तम्है ख़ेक्खा नू कींदा डहुड़ा गुट्ठी धरचका बॆल-गदिया ही मुन्दहारे अरा भेंडो ख़द्द मसीसी मुन्दहारे इज्‍जका रहचर।