दहदर मंजका कत्‍था 22:17 - पुना गच्छरना NT (BSI)

¹⁷ धर्मेसी बॊलतस अरा बेंजा पेल्लो येसुसिन “बरा” ब'अनर। अरा इदन मिनुस हूँ “बरा” ब'अदस नेकअन। अरा एकास ओनक'आ र'अदस आस बरदस नेकअन, अरा एकास पत्तारदस आस उज्जना अम्मन सिथियम हो'अदस नेकअन।

दहदर मंजका कत्‍था 22:17 ပူးပေါင်းရင်းမြစ်များ

यॊहनस 1:37

अबड़ा ऎंड़ चेलर आसी कत्‍थन मेंजर ती येसुस गने चॊंख़्रर।

यॊहनस 4:10

येसुस अदिन आनाकिर्ताचस, “धर्मेसी चि'अना इनामन अरा नॆ निंगन ‘एंगा ओना गे अम्मु चि'ई’ एन्ने ब'अदस, अदिन नीन अक्‍का होले, नीनिम एंग्‍है गुसते अम्मु ने'ओय दने। अरा ऎन निंगा गे उज्‍जना चि'ऊ अम्‍मन चिच्का र'ओन दने।”

यॊहनस 4:11

ख़ने आ आली आसिन बाचा, “अना उर्बायो, निंग्‍है गुसन अम्मु नीदा गे एन्‍द्रा हूँ मल्‍ला, अरा तूसा हूँ ख़ोड़ख़ा र'ई, होले उज्‍जना चि'ऊ अम्मु नीन एसले ख़क्‍खोय?

यॊहनस 4:14

लिकिन नॆ एंग्‍है चि'अना अम्मन ओन्‍दस आस फेन इकला हूँ ओनक'आ मल सार'ओस। एका अम्मन आस गे ऎन चि'अदन, आद आस नू ओन्‍टा पझरा फुटना ती जनमजुग उज्‍जनन चि'ओ।”

यॊहनस 4:29

“बरा, एंग्‍है नंजका उर्मी कत्‍थन एंगा तिंका ओर्त आलासिन ऎरा! आस मसीस र'ओस दने का?”

यॊहनस 7:37

परब ही छेद्दे उल्‍ला मुध उल्‍ला नू येसुस इज्‍जस ती जॊरसरिया बाचस, “नीक‍ईम ओनक'आ सार'आ लगदर होले, एंग्‍है गुसन बरा ती ओना।

रोमी 3:24

लिकिन अक्‍कु मसी येसुस ती बरचका नाड़रना ती धर्मेसी मया ती सिथियम आर उजगो मन्नर कानर।

1 कोरिन्‍थ 2:12

अक्‍कुन नाम ई ख़ॆख़ेल ता बॊलतन मला, लिकिन धर्मेस ती बरचका बॊलतन ख़क्‍खकादत, इत्रु ती नाम धर्मेस नमा गे सिथिया नू चिच्का दौ जिनिस गुट्ठिन अख़'आ ओंग्दत।

दहदर मंजका कत्‍था 14:13

फेन ऎन मेर्ख़ा ती ओन्टा सड़ा एन्ने ब'अना मेंजकन, “इदन लिख'आ चि'आ, नॆ उर्बस नू खे'अनर आर अक्‍कु ती आसीस ख़क्‍खू र'अनर।” नेम्हा बॊलतस बाचस, “हाँ, आर तम्है अर्ज'अना ती ख़न्न ऎख़ोर, एन्‍देरगेका धर्मेस मानिम नू आर ही दौ नलख गुट्ठी गे इनाम चि'ओस।”

दहदर मंजका कत्‍था 2:7

नेम्हा बॊलतस कलीसिया गुट्ठी गे एन्देर ब'अदस, अदिन नॆखअय मेना गे ख़ेबदा र'ई आस मेन्दस ती बुझुरदस नेकअन। एकास जित'ओस आस गे ऎन उज्‍जना मन्न ही ख़ंजपन मॊख़ा चि'ओन, एकदा धर्मेसी परदे‍सोस नू र'ई।

दहदर मंजका कत्‍था 21:2

फेन ऎन नेम्‍हा नगरे पुना येरुसलॆमन धर्मेस तरती मेर्ख़ा ती एत्तना ईरकन। आद तंग्है मॆतस गे सिंगरारकी झबरारकी र'अना ओन्टा बेंजा पेल्‍लो बेसे सपड़ारकी रहचा।

दहदर मंजका कत्‍था 21:6

आस अउरिम एंगन बाचस, “इबड़ा उर्मी कत्‍था गुट्ठी मंज ख़च्‍चकी र'ई। ऎन अल्‍फा अरा ओमेगा, ऒरे अरा छेद्दे हिकदन। ऎन ओनक'आरिन उज्‍जना अम्मु ही पझरा ती सिथिया ओन्त'ओन।

दहदर मंजका कत्‍था 21:9

फेन सात गोटा डुबहा नू सात गोटा छेद्दे सस्तिन निंदका उइय्का सात गोटा मेर्ख़ा पैकर ती ओर्तोस एंग्‍है गुसन बरचस ती एन्ने बाचस, “बरा, ऎन निंगन भेंडो ख़द्दस गे मुक्का मन्ना बेंजा पेल्‍लोन ऎद'ओन चि'ओन।”

दहदर मंजका कत्‍था 22:1

इदही ख़ॊख़ा आ मेर्ख़ा पैकस एंगन बिल्‍लोर लेक्‍खा झलकारना उज्‍जना ही अम्मु ही ख़ाड़न ऎदस। आद धर्मेस अरा भेंडो ख़द्दासी बॆल-गदिया ती बाह'ई।

दहदर मंजका कत्‍था 22:16

ऎन येसु एंग्‍है पैकासिन इदगे तइय्कन का आस इबड़ा कत्‍था गुट्ठी ही पत्त नू कलीसिया गुट्ठी नू निमा गे तेंगोस। ऎन दाऊद बॆलासी कोड़हे मुध जंईपुंई हिकदन, अरा ऎन लौकारना बिज-बीनको हिकदन।”

दहदर मंजका कत्‍था 7:17

एन्‍देरगेका भेंडो ख़द्द मसीस नॆ बॆल-गदिया ही मझी नू इज्जदस, आस आर ही महरस हिकदस। अरा आस आरिन उज्जना अम्मु ही पझरा गुट्ठी गुसन कड़हाब'ओस। अरा धर्मेस आर ही ख़न्न ती उर्मी ख़ंजलख़ोन चींचोस।”