दहदर मंजका कत्‍था 22:16 - पुना गच्छरना NT (BSI)

¹⁶ ऎन येसु एंग्‍है पैकासिन इदगे तइय्कन का आस इबड़ा कत्‍था गुट्ठी ही पत्त नू कलीसिया गुट्ठी नू निमा गे तेंगोस। ऎन दाऊद बॆलासी कोड़हे मुध जंईपुंई हिकदन, अरा ऎन लौकारना बिज-बीनको हिकदन।”

दहदर मंजका कत्‍था 22:16 ပူးပေါင်းရင်းမြစ်များ

मत्तायोस 1:1

ईद अब्राहमसी ख़द्दस दाऊदसी ख़द्दस येसु मसीसी पूरखर ही नामे हवे।

मत्तायोस 2:2

“यहूदीर ही बॆलस कुन्‍द्रकादस आस एक्‍सन र'अस? एन्‍देरगेका ऎम पुरुब तरा आसी बीनकोन ईरकम अरा आसिन ऒड़ लग्‍गा गे बरचका र'‍अदम।”

मत्तायोस 22:42

“मसीसी पत्त नू नीम एन्‍देर सोचदर? आस नॆखअय बनस ता हिकदस?” अबड़र आसिन बाचर, “मसीस दाऊदसी ख़द्दस हिकदस।”

मत्तायोस 22:45

दाऊदस आसिन ‘उर्ब’ मॆख़दस होले आस आसी बनस ता आलस एकासे मना ओंग्‍दस?”

लू‍कस 1:78

नम्‍है धर्मेसी कोहाँ चोन्‍हा ती नमा गे मेर्ख़ा ती नाड़ुस बर'ओस।

लू‍कस 20:44

दाऊदस गा तानिम आसिन उर्बस ब'अदस, होले आस दाऊदसी पिड़ही ता लेका मला आसी उर्बस हूँ हिकदस।”

रोमी 15:12

अरा फिन धर्मेसी कत्‍था तिंगू यसायास ब'अदस, “येसैसी बनस ती ओन्‍टा पुना बॆलस बर'ओस। आस नन-यहूदीर नू राजी ननोस, अरा नन-यहूदीर आसी चड्डे असरा ननोर।”

रोमी 9:5

आर अब्राहमस, इसाक, याकॊबसी जंईपुंई हिकनर, अरा आर ही बनस ती दिम कया नू मसीस हूँ कुन्‍द्रस। ईस दिम उर्मी ती कोहाँ धर्मेस, ईसी दिम हुल्‍लो ती हुल्‍लो गूटी ओहमा मनन। आमेन।

2 पतरस 1:19

ई अनुभव ही चड्डे ऎम धर्मेसी कत्था तिंगुर ती तिंका कत्था गुट्ठी नू अउर हूँ कोड़हे असरा उइय्दम। नीम ईर ही कत्था गुट्ठी नू कोड़हे चिहुट नन्ना र'ई। एन्देरगेका आर ही कत्था गुट्ठी, पहपहरना गूटी अरा मसीस बिज-बीनको निम्है जिया नू बिल्चना गूटी ऊख़ा नू बिल्चना बिल्ली लेक्खा र'ई।

दहदर मंजका कत्‍था 1:1

ईद येसु मसीसी चिच्का दहदर हवे। चाँड़हेम मन्ना कत्था गुट्ठिन तंग्है जॊंख़र गे ऎद'आ गे धर्मेस ई दहदर आबोन येसु मसीस गे चिच्चस। येसुस तंग्है पैकासिन तइय्यस ती तंग्है जॊंख़स यॊहनस गे इदन अख़ताचस।

दहदर मंजका कत्‍था 1:11

आ सड़ा एन्ने बाचा का, “एन्‍देर एन्‍देर नीन ऎरदय, अदिन ओन्टा पुथी नू लिख'आ ती, इफेसुस, स्मुरना, पेरगमोन, थुअतीरा, सरदीस, फिलदेलफिया, अरा लवोदिकेया नगरे ही सतियो कलीसिया गे तइय्या चि'आ।”

दहदर मंजका कत्‍था 1:4

ऎन यॊहन आसिया देस ता अबड़ा सतियो कलीसिया गुट्ठी गे एन्देर लिखदन का: नॆ र'अदस, अरा रहचस, अरा बर'ऊ र'अदस आ धर्मेस ती निमा मया अरा कोड़े बर'अन नेकअन। अरा आसी बॆल-गदिया मुन्दहारे र'ऊ सतियो बॊलता गुट्ठी ती,

दहदर मंजका कत्‍था 2:11

नेम्हा बॊलतस कलीसिया गुट्ठी गे एन्देर ब'अदस, अदिन नॆखअय मेना गे ख़ेबदा र'ई आस मेन्दस ती बुझुरदस नेकअन। एकास जित'ओस आस दुसर खे'अना ती नोकसान मल मनोस।

दहदर मंजका कत्‍था 2:17

नेम्हा बॊलतस कलीसिया गुट्ठी गे एन्देर ब'अदस, अदिन नॆखअय मेना गे ख़ेबदा र'ई आस मेन्दस ती बुझुरदस नेकअन। एकास जित'ओस आस गे ऎन जोक्क नूख़्रका मन्‍ना आबोन चि'ओन, अरा पुना नामे लिक्खरका ओन्टा पंडरू पखना आबोन चि'ओन। एका ओर्तस आ पखनन ख़क्‍खदस आसिन अम्बरकी नॆ हूँ आ नामेन बलदस।

दहदर मंजका कत्‍था 2:7

नेम्हा बॊलतस कलीसिया गुट्ठी गे एन्देर ब'अदस, अदिन नॆखअय मेना गे ख़ेबदा र'ई आस मेन्दस ती बुझुरदस नेकअन। एकास जित'ओस आस गे ऎन उज्‍जना मन्न ही ख़ंजपन मॊख़ा चि'ओन, एकदा धर्मेसी परदे‍सोस नू र'ई।

दहदर मंजका कत्‍था 22:1

इदही ख़ॊख़ा आ मेर्ख़ा पैकस एंगन बिल्‍लोर लेक्‍खा झलकारना उज्‍जना ही अम्मु ही ख़ाड़न ऎदस। आद धर्मेस अरा भेंडो ख़द्दासी बॆल-गदिया ती बाह'ई।

दहदर मंजका कत्‍था 22:11

मलदौ ननुस अउरिम मलदौ नन्नुम र'अदस नेकअन, अरा मड़िख़का जियातस अउरिम मड़िख़का जिया गने र'अस नेकअन, अरा उजगो आलस अउरिम उजगो नलख नन्नुम र'अदस नेकअन, अरा नेम्‍हा आलस अउरिम नेम्‍हा र'अदस नेकअन।”

दहदर मंजका कत्‍था 22:20

इबड़ा कत्‍था गुट्ठी गे गोवाह चि'ऊ येसुस ब'अदस, “हाँ, ऎन चाँड़हे बर'आ लगदन।” आमेन! अना येसु उर्बायो बरा!

दहदर मंजका कत्‍था 22:6

फेन आ मेर्ख़ा पैकस एंगन बाचस, “इबड़ा कत्‍था पत्त'अना जॊगे अरा मानिम र'ई। धर्मे उर्बस नॆ तंग्है कत्था तिंगुर ही बॊलता गुट्ठिन तंग्है तबे नू नन्दस, आस चाँड़हे मन्ना ही चाड़ र'अना कत्था गुट्ठिन तंग्है जॊंख़र गे ऎद'आ गे तंग्है पैकासिन तइय्कादस।”

दहदर मंजका कत्‍था 3:13

नेम्हा बॊलतस कलीसिया गुट्ठी गे एन्देर ब'अदस, अदिन नॆखअय मेना गे ख़ेबदा र'ई आस मेन्दस ती बुझुरदस नेकअन।

दहदर मंजका कत्‍था 3:22

नेम्हा बॊलतस कलीसिया गुट्ठी गे एन्देर ब'अदस, अदिन नॆखअय मेना गे ख़ेबदा र'ई आस मेन्दस ती बुझुरदस नेकअन।”

दहदर मंजका कत्‍था 3:6

नेम्हा बॊलतस कलीसिया गुट्ठी गे एन्देर ब'अदस, अदिन नॆखअय मेना गे ख़ेबदा र'ई आस मेन्दस ती बुझुरदस नेकअन।

दहदर मंजका कत्‍था 5:5

तहाँ अबड़ा सेयान आलर ती ओर्तोस एंगन बाचस, “अमा चींख़ा! ऎरा, नॆ यहूदा गोतोर ता लकड़ा अरा दाऊद बॆलासी जंईपुंई हिकदस, आस जित्तचकादस। आस आ पुथिन चलख़'आ गे अरा अदही सतियो मरकन ख़च्‍चा गे ओंग्दस।”