दहदर मंजका कत्‍था 21:6 - पुना गच्छरना NT (BSI)

⁶ आस अउरिम एंगन बाचस, “इबड़ा उर्मी कत्‍था गुट्ठी मंज ख़च्‍चकी र'ई। ऎन अल्‍फा अरा ओमेगा, ऒरे अरा छेद्दे हिकदन। ऎन ओनक'आरिन उज्‍जना अम्मु ही पझरा ती सिथिया ओन्त'ओन।

दहदर मंजका कत्‍था 21:6 ပူးပေါင်းရင်းမြစ်များ

यॊहनस 4:10

येसुस अदिन आनाकिर्ताचस, “धर्मेसी चि'अना इनामन अरा नॆ निंगन ‘एंगा ओना गे अम्मु चि'ई’ एन्ने ब'अदस, अदिन नीन अक्‍का होले, नीनिम एंग्‍है गुसते अम्मु ने'ओय दने। अरा ऎन निंगा गे उज्‍जना चि'ऊ अम्‍मन चिच्का र'ओन दने।”

यॊहनस 4:11

ख़ने आ आली आसिन बाचा, “अना उर्बायो, निंग्‍है गुसन अम्मु नीदा गे एन्‍द्रा हूँ मल्‍ला, अरा तूसा हूँ ख़ोड़ख़ा र'ई, होले उज्‍जना चि'ऊ अम्मु नीन एसले ख़क्‍खोय?

यॊहनस 4:14

लिकिन नॆ एंग्‍है चि'अना अम्मन ओन्‍दस आस फेन इकला हूँ ओनक'आ मल सार'ओस। एका अम्मन आस गे ऎन चि'अदन, आद आस नू ओन्‍टा पझरा फुटना ती जनमजुग उज्‍जनन चि'ओ।”

रोमी 3:24

लिकिन अक्‍कु मसी येसुस ती बरचका नाड़रना ती धर्मेसी मया ती सिथियम आर उजगो मन्नर कानर।

रोमी 8:32

धर्मेस तंग्‍है ख़द्दासिन हूँ मल अम्‍बियस, आसिन नमा ओर्मर गे थोपचस चिच्‍चस। होले इवंदा चिच्का ख़ॊख़ा हूँ आस एकासे नमा गे तंग्‍है ख़द्दासिन चिच्‍चस अन्नेम नम्‍है उर्मी चाड़न सिथियम चि'ओस।

1 कोरिन्‍थ 2:12

अक्‍कुन नाम ई ख़ॆख़ेल ता बॊलतन मला, लिकिन धर्मेस ती बरचका बॊलतन ख़क्‍खकादत, इत्रु ती नाम धर्मेस नमा गे सिथिया नू चिच्का दौ जिनिस गुट्ठिन अख़'आ ओंग्दत।

1 कोरिन्‍थ 3:12

लिकिन ई नेव नू नीकईम सोना, चाँदी, कोड़हे दाम ही पखना गुट्ठी, कंक, ख़मी, मलता लट्टी ती कम'आ ओंग्‍दस।

1 कोरिन्‍थ 3:21

औंगे नॆ हूँ एकअम मुद्धर ही पत्त नू अम्‍बोर फुल‍ई मना, एन्‍देरगेका उर्मी दिम निम्‍है हवे।

1 कोरिन्‍थ 3:5

होले अप्‍पोल्लॊस मुध हिकदस का? अरा ऎन पौलुस मुध हिकदन का? ऎम गा निमन पत्त'अना नू ओन्‍द्रका उर्बासी सुसर ननू लेका हिकदम। ऎम ओर्त ओर्त उर्बस एमा गे सोंपचका नल‍खन नंजकम।

दहदर मंजका कत्‍था 1:11

आ सड़ा एन्ने बाचा का, “एन्‍देर एन्‍देर नीन ऎरदय, अदिन ओन्टा पुथी नू लिख'आ ती, इफेसुस, स्मुरना, पेरगमोन, थुअतीरा, सरदीस, फिलदेलफिया, अरा लवोदिकेया नगरे ही सतियो कलीसिया गे तइय्या चि'आ।”

दहदर मंजका कत्‍था 1:17

आसिन ईरकन ख़ने, ऎन आसी ख़ेड्डे नू केचका लेक्‍खा खत्रकन केरकन। ख़ने आस तंग्है तीना ख़ेक्खन एंग्है मइय्याँ नंजस ती बाचस, “अमा एल्‍चा, ऎन मुन्द ता अरा ख़ॊख़ा ता हिकदन।

दहदर मंजका कत्‍था 1:8

नॆ र'अदस, अरा रहचस, अरा बर'ऊ र'अदस, अरा उर्मी ती सवंगिय र'अस, आ धर्मे उर्बस ब'अदस, “ऎन अल्‍फा अरा ओमेगा हिकदन।”

दहदर मंजका कत्‍था 10:6

अरा एकास हुल्‍लो ती हुल्‍लो गूटी उज्‍जदस, अरा नॆ मेर्ख़न अरा अइय्या र'अना उर्मिन, अरा ख़ॆख़लन अरा अइय्या र'अना उर्मिन, अरा समुदर आबोन अरा अइय्या र'अना उर्मिन गढ़चस, आसी नामे ती किरया मोक्‍खस ती बाचस, “अक्‍कु गा घड़ही ख़ापना मल मनो।

दहदर मंजका कत्‍था 16:17

फेन सातवाँ मेर्ख़ा पैकस तंग्‍है डुबहन ताका नू तुन्दियस चिच्‍चस। ख़ने मन्दिर नू ती बॆल-गदिया ती ओन्टा जॊरसरिया गड्डी सड़ा एन्ने बाचा, “मंजा केरा।”

दहदर मंजका कत्‍था 22:13

ऎन अल्‍फा अरा ओमेगा, मुन्द ता अरा ख़ॊख़ा ता, ऒरे अरा छेद्दे हिकदन।

दहदर मंजका कत्‍था 22:17

धर्मेसी बॊलतस अरा बेंजा पेल्लो येसुसिन “बरा” ब'अनर। अरा इदन मिनुस हूँ “बरा” ब'अदस नेकअन। अरा एकास ओनक'आ र'अदस आस बरदस नेकअन, अरा एकास पत्तारदस आस उज्जना अम्मन सिथियम हो'अदस नेकअन।

दहदर मंजका कत्‍था 3:14

लवोदिकेया नगरे ता कलीसिया ही पैकस गे नीन एन्ने लिख'आ का: नॆ आमेन, अरा पत्त'अना जॊगे अरा मानिम गोवाह, अरा धर्मेसी गढ़्रना ही ऒरे हिकदस, आस इबड़ा कत्थन ब'अदस।

दहदर मंजका कत्‍था 7:17

एन्‍देरगेका भेंडो ख़द्द मसीस नॆ बॆल-गदिया ही मझी नू इज्जदस, आस आर ही महरस हिकदस। अरा आस आरिन उज्जना अम्मु ही पझरा गुट्ठी गुसन कड़हाब'ओस। अरा धर्मेस आर ही ख़न्न ती उर्मी ख़ंजलख़ोन चींचोस।”