दहदर मंजका कत्‍था 21:27 - पुना गच्छरना NT (BSI)

²⁷ अरा अइय्या एकअम सोतबोड़'आ आलॊ मल कोर'ओ, अरा घिनघिना नलख ननू आलर अरा ठकवा कत्‍था कम'ऊ आलर अइय्या मल कोर'ओर। लिकिन नॆख'आ नामे भेंडो ख़द्दासी उज्‍जना ही पुथी नू लिख्रकी र'ई, आर लेका आ नगरे नू कोर'ओर।

दहदर मंजका कत्‍था 21:27 ပူးပေါင်းရင်းမြစ်များ

मत्तायोस 13:41

अरा मनवा ख़द्दन ऎन एंग्‍है पैकारिन ख़ॆख़ेल नू तइय्योन, अरा आर एंग्‍है राजी ती उर्मी पाप नन्त'उरिन अरा उर्मी मलदौ ननुरिन ख़ॊजोर,

मरकुस 7:2

तहाँ आर येसुसी जोक्को चेलारिन आर ही बिगर नॊंढ़रका ख़ेक्खा ती मंडी ओन्नन ईरियर। एकदा यहूदीर ही चाल मंडी ओन्ना ही मुन्‍द ख़ेक्खन नॊंढ़रना रहचा।

लू‍कस 10:20

लिकिन मलदौ बॊलता गुट्ठी एमन पत्त'ई ब'अके ती लेका अमके खुसमार'आ, इदगे हूँ खुसमार'आ का निम्‍है नामे मेर्ख़ा नू लिख्रकी र'ई।”

इफेसुस 5:5

नीम इदिन अख़ना दिम र'ई का पेहरन ही सोतरा नलख ननुस महले एकअम रकम ही सोतरा नलख ननुस महले मूर्तिन ऒड़ लग्गुसी जोक्खा लोभिया मसीसी अरा धर्मेसी राजी नू काना ही आसीस आबोन मल ख़क्खोस।

फिलिप्‍पी 4:3

हाँ, सुसर नन्ना नू एंग्है संगे मंजका एंग्है मानी संगी निंग ती हूँ ऎन गोहरारदन का अबड़ा मुक्‍कर गे संगरा नना, एन्‍देरगेका आर क्‍लॆमॆस अरा एंग्‍है गने सुसर ननू नन्ना ओर्मर गने मेस्ररकी दौ कत्‍था तेंगा कुद्दना नू एंग्‍है गने अजम अरजाचर। इबड़ा ओर्मर ही नामे उज्‍जना ही पुथी नू लिख्रकी र'ई।

1 तीमोथियुस 1:10

नन्ना आली गुसन कालुर, पुरुसगामिर, आल बीसुर, ठक‍'उर, ठक‍ना किरया मूख़ुर, अरा दौ सिखाब'अना ही बिड़दो नू एन्‍देर एन्‍देर र'ई अबड़न ऎद'आ गे दिम कम्रकी र'ई।

इब्रानी 12:14

ओर्मर गने मेस्र'आ ती उज्‍जा गे अरा निम्‍है ऎकना नू नेम्‍हा गने र'आ गे चिहुट नना। बिगर नेम्‍हा ती नॆ हूँ धर्मेसिन ऎरा पोल्‍लोर।

2 पतरस 3:13

लिकिन नाम गा आसी गच्छरना ही लेक्खा पुना मेर्ख़ा गुट्ठी गे अरा ओन्टा पुना ख़ॆख़ेल गे पाब ऎरा लगदत, एकइय्या धर्मेसी उजगो ओकर'ओ।

दहदर मंजका कत्‍था 13:8

अरा ख़ॆख़ेल ही गढ़्रना बेड़ा तिम पिटतारकी र'ई आ भेंडो ख़द्द मसीसी उज्‍जना ही पुथी नू नामे मल्‍ला लिख्रका ख़ॆख़ेल नू ओक्रना ओर्मा आलर आ मेक्‍खोन महबा ननोर।

दहदर मंजका कत्‍था 20:12

अरा ऎन सन्नी कोहाँ ओर्मा केचकारिन बॆल-गदिया ही मुन्दहारे इज्‍जका ईरकन। अरा पुथी गुट्ठी चलख़रा, अरा अउर ओन्टा पुथी चलख़रा, एकदा उज्‍जना ही पुथी हवे। अरा आर एन्देर एन्देर नंजकाचर एन्ने अबड़ा पुथी नू लिख्रकी रहचा, अदही लेक्‍खा आर ही नेंवई नन्तारा।

दहदर मंजका कत्‍था 20:15

अरा एका एका ओर्तासी नामे उज्‍जना ही पुथी नू लिख्रका मल ख़क्‍खरा, आस चिच्‍ची ही समुदर नू हेबड़तारस केरस।

दहदर मंजका कत्‍था 21:8

लिकिन इल्‍चुर, अरा मल पत्त'उर, अरा कदरहर, अरा आल पिटुर, अरा पेहरन ही सोतरा नलख ननुर, अरा टोनहर, अरा मूर्तिन ऒड़ लग्‍गुर अरा उर्मी ठकवा आलर ही अड्डा गन्धक लघरना चिच्‍ची ही समुदर हवे। ईद दुसर खे'अना हवे।”

दहदर मंजका कत्‍था 3:5

नॆ जित'ओस आस गे अन्नेम पंडरू किचरी अत्ततार'ओर। अरा ऎन आसी नामेन उज्‍जना ही पुथी ती कहियों मल मेट'ओन। लिकिन आसी नामेन एम्बासी अरा आसी मेर्ख़ा पैकर की मुन्दहारे तेंगर'ओन।