दहदर मंजका कत्‍था 21:24 - पुना गच्छरना NT (BSI)

²⁴ अरा उर्मी जाती जाती ता आलर अदही बिल्‍ली नू कुद्दोर नुंगोर, अरा ख़ॆख़ेल ता बॆलर तम्है खुर्जिन धर्मेसिन मईन नना गे अइय्या ओन्‍द्र'ओर।

दहदर मंजका कत्‍था 21:24 ပူးပေါင်းရင်းမြစ်များ

रोमी 15:16

नन-यहूदीर गे मसी येसुसी जॊंख़ मंजकन। ऎन आसी दौ कत्‍थन सिखाब'अना ती नैगस लेक्‍खा धर्मेसी तेतर-सुसर नंजकन। होले नन-यहूदीर नेम्‍हा बॊलतस ती नेम्‍हा मंजका ती धर्मेस गे इंझ्रना दाँड़े बेसे मना ओंगोर।

रोमी 15:26

एन्‍देरगेका मकेदोनिया अरा अख़ाया जिला गुट्ठी ता आलर येरुसलॆम ता धर्मेसी आलर ती कीड़र गे सहाड़ा नना गे रिझ ती तम्‍है बरार चिच्का र'अनर।

दहदर मंजका कत्‍था 21:26

अरा जाती जाती ता आलर तम्है खुर्जिन धर्मेसिन मईन नना गे आ नगरे नू ओन्‍द्र'ओर।

दहदर मंजका कत्‍था 22:2

अरा आद नगरे ही मझी ता मुध सड़क नू बाह'आ लगिया। अरा ख़ाड़ ही ई पक्खे अरा आ पक्‍खे उज्‍जना ही मन्न गुट्ठी रहचा, अरा अबड़ा मन्न बारा रकम ही ख़ंजपा चि'आ लगिया, अरा अबड़ा ओन ओन महिना नू ओन ओन रकम ही ख़ंजपा चि'आ लगिया, अरा अबड़ा मन्न ही अतख़ा गुट्ठी ती उर्मी जाती जाती ता आलर कोड़े मना लगियर।