दहदर मंजका कत्‍था 21:21 - पुना गच्छरना NT (BSI)

²¹ अरा बारा बली बारा मोती ही रहचा, ओन्टा ओन्टा बली ओन्टा ओन्टा मोती ही रहचा। अरा नगरे ही सड़क झक झकर'आ काँच लेक्‍खा अरगा सोना ही रहचा।

दहदर मंजका कत्‍था 21:21 ပူးပေါင်းရင်းမြစ်များ

दहदर मंजका कत्‍था 17:4

अरा आ आली भेटांगो ऎख़र'आ अरा ख़ॆंसो किचरी कूरकी रहचा। अरा आद सोना ती अरा मड़ी पखना गुट्ठी ती अरा मोती गुट्ठी ती सिंगरारकी रहचा। अरा आद तंग्है ख़ेक्खा नू ओन्टा सोना ही डुबहा धरचकी रहचा। आ डुबहा घिनघिना नलख गुट्ठी ती अरा अदही पेहरन ही सोतरा नलख ही मलदौ गुट्ठी ती निंदकी रहचा।

दहदर मंजका कत्‍था 18:16

“ओख़! ओख़! अनय कोहाँ नगरे बाबुलॊन! एकाद लेपलेपे अरा लील ख़ॆंसो अरा ख़ॆंसो किचरी कूरकी रहचा, अरा सोना अरा कोड़हे दाम ही पखना अरा मोहर गुट्ठी ती झबरारकी रहचा।

दहदर मंजका कत्‍था 21:15

अरा एका मेर्ख़ा पैकस एंग्‍है गने कछनख्र'आ लगियस, आसी गुसन नगरेन अरा अदही बली गुट्ठिन अरा पचरिन नप'आ गे ख़ेक्खा नू ओन्टा सोना ही डाँग रहचा।

दहदर मंजका कत्‍था 21:18

अरा आ नगरे ही पचरी यसब ही कम्रकी रहचा, अरा नगरे अरगा सोना ही कम्रकी रहचा, एकदा झक झकर'आ काँच लेक्‍खा रहचा।

दहदर मंजका कत्‍था 22:2

अरा आद नगरे ही मझी ता मुध सड़क नू बाह'आ लगिया। अरा ख़ाड़ ही ई पक्खे अरा आ पक्‍खे उज्‍जना ही मन्न गुट्ठी रहचा, अरा अबड़ा मन्न बारा रकम ही ख़ंजपा चि'आ लगिया, अरा अबड़ा ओन ओन महिना नू ओन ओन रकम ही ख़ंजपा चि'आ लगिया, अरा अबड़ा मन्न ही अतख़ा गुट्ठी ती उर्मी जाती जाती ता आलर कोड़े मना लगियर।

दहदर मंजका कत्‍था 4:6

अरा बॆल-गदिया ही मुन्दहारे काँच ही समुदर लेक्खा ओन्टा रहचा, एकदा बिल्लौर लेक्खा फटफट ने रहचा। बॆल-गदिया ही मझी अरा चरियो तरा चार गोटा उज्जना आलॊ रहचा। अबड़ा ही ख़ॊख़ा दरा मुन्दहारे ख़न्न ख़न्न ती निंदकी रहचा।