दहदर मंजका कत्‍था 21:14 - पुना गच्छरना NT (BSI)

¹⁴ अरा नगरे ही पचरी बारा गोट नेव पखना ही मइय्याँ कम्रकी रहचा, अरा अबड़ा नू भेंडो ख़द्द मसीसी बारा तइरकर ही नामे लिख्रकी रहचा।

दहदर मंजका कत्‍था 21:14 ပူးပေါင်းရင်းမြစ်များ

मत्तायोस 16:18

अउर हूँ ऎन निंगन ब‍'अदन का नीन पतरस हिकदय, ऎन ई चचड़ी मइय्याँ एंग्‍है कलीसिया आबोन कम'ओन, अरा खे'अना ही सवंग अदन जित'आ पोल्‍लो।

त‍इरकर 1:26

तहाँ आर आर ही नामे ती चिठी टिड्डर अरा चिठी मत्तियसी नामे नू उरखा। ख़ने आस अबड़ा ग्यारा त‍इरकर गने त‍इरकस मंजस।

गलातिया 2:9

आलर याकॊब अरा पतरस अरा यॊहनसिन कलीसिया ही कोहाँ मुद्धर लेक्‍खा सोचर। आर धर्मेस ती एंगा ख़क्‍ख्रका मया आबोन अक्‍खर। आर एंगन अरा बरनबासिन संगे नलख ननू लेक्‍खा इंझ्रर अरा रिझाबाचर का ऎम नन-यहूदीर गुसन क'ओम, अरा ताम यहूदीर गुसन क'ओर।

इफेसुस 2:20

अरा तइरकर अरा धर्मेसी कत्‍था तिंगुर नेव हिकनर, आ नेव ही मइय्याँ नीम कम्रकादर। इय्या कोंड़ा ता पखना मसी येसुस दिम हिकदस।

इफेसुस 3:5

धर्मेस ई गम आबोन मुन्द ता परिया गुट्ठी ता आलर गे दहदर मल नंजका रहचस। लिकिन अक्कु गा धर्मेस तंग्है नेम्हा तइरकर गे अरा धर्मेसी कत्था तिंगुर गे इदन नेम्हा बॊलतस ती दहदर नंजका र'अदस।

इफेसुस 4:11

आसिम जोक्कोरिन तइरकर, अरा जोक्कोरिन धर्मेसी कत्था तिंगुर, अरा जोक्कोरिन दौ कत्‍थन तेंगा कुद्दुर, अरा जोक्कोरिन नैगर अरा धर्मेसी कत्थन सिखाब'उर मन्ना ही इनाम चिच्चस।

इब्रानी 11:10

एन्‍देरगेका आस धर्मेसी ती चिताबुता नंजका अरा कमचका जनमजुग ही नगरे ही पाब ऎरा लगियस।

यहूदा 1:17

लिकिन अना दुलारो, नीम गा नम्है उर्बस येसु मसीसी तइरकर मुन्द दिम बाच ख़च्चिकानर अबड़ा कत्था गुट्ठिन सुरता नना।

दहदर मंजका कत्‍था 18:20

अनय मेर्ख़ा ता आलॊ, अना नेम्‍हा आलारो अरा तइरकारो अरा धर्मेसी कत्था तिंगुरो! इदही नठारना ही चड्डे रिरयार'आ, एन्देरगेका आद एकासे निम्हा गने नंजा अन्नेम धर्मेस अदिन नेंवई नंजकादस”