दहदर मंजका कत्‍था 20:6 - पुना गच्छरना NT (BSI)

⁶ एकार ई पहिल उज्‍जा चो'अना नू मेस्रनर, आर आसीस ख़क्‍खू अरा नेम्‍हा आलर र'अनर। एन्ने आलर ही मइय्याँ दुसर खे'अना ही अदिया मल मनी। आर धर्मेसी अरा मसीसी नैग मनोर, अरा आर आसी गने ओन हजार बछर गे राजी ननोर।

दहदर मंजका कत्‍था 20:6 ပူးပေါင်းရင်းမြစ်များ

लू‍कस 14:15

येसुस गने मंडी ओना उक्‍का मदहेर ती ओर्तोस इबड़ा कत्‍थन मेंजस ती आसिन बाचस, “नॆ धर्मेसी राजी नू मंडी ओनोर आर कोड़हे आसीस ख़क्‍खू आलर हिकनर।”

रोमी 12:1

अना भ‍ईरो! ऎन निमन बिन्‍ती नन्‍दन का धर्मेस निमा गे नंजकादस आ नलखन सुरता उइय्यरकी नीम निमन धर्मेस गे उज्‍जना दाँड़े बेसे चि'आ, अरा नेम्‍हा उज्‍जना ती आसिन रिझ्रत'आ, इदिम आसी महबा नन्ना ही मानिम डहरे हिके।

रोमी 8:17

अरा नाम धर्मेसी ख़द्द-ख़र्रा होले नाम आसी पुंजी हूँ हिकदत। अरा मसीस गने धर्मेसी ख़क्ख्र'ऊ म‍ईन आबोन ख़क्ख'ऊ पुंजी हिकदत। नाम गा मसीस गने दुक्‍खे चॊददत होले मसीस गे ख़क्ख्रना आ म‍ईन नू हूँ आसी गने र'ओत।

2 तीमोथियुस 2:12

नाम आसी चड्डे दुक्‍खे सारदत होले, आसी गने नाम हूँ बॆलर बेसे राजी ननोत। नाम आसी ख़ॊख़ा चॊंख़्र'उर मलदम ब'ओत होले, आस हों नमन तंग्‍है आलर मलदर ब'ओस।

1 पतरस 2:5

नीम हूँ उज्‍जना पखना गुट्ठी लेक्‍खा र'अदर का धर्मेसी बॊलता कमना धर्मेसी एड़पा कम्रनुम कादर। अरा नीम आसी नेम्‍हा नैग खोंड़हा हूँ हिकदर। अरा येसु मसीस एन्देर नंजकादस अदही चड्डे नीम बॊलता दाँड़े गुट्ठिन अरगदर, एकदा धर्मेसिन पत्तार'ई।

1 पतरस 2:9

लिकिन नीम गा ओन्टा चज्‍जिका जंईपुंई, अरा ओन्टा बॆल नैग ख़ोंड़हा, अरा ओन्टा नेम्‍हा जाती, अरा धर्मेसी तंग्‍है आलर हिकदर। नॆ निमन ऊख़ा ती ओथ्रस ती तंग्है अजगुत लौकारना बिल्‍ली नू मीख़ियस ओन्द्रस, आसी कोहाँ नलख गुट्ठिन आलर गे तेंगा गेम नीम एन्ने मन्रकादर।

दहदर मंजका कत्‍था 1:6

अरा आस तंग्‍है बंगस धर्मेसिन सुसर नना गे नमन ओन्टा राजी अरा नैगर कमचस। आसी महबा अरा सवंग आस गे हुल्‍लो ती हुल्‍लो गूटी मनन नेकअन! आमेन!

दहदर मंजका कत्‍था 14:13

फेन ऎन मेर्ख़ा ती ओन्टा सड़ा एन्ने ब'अना मेंजकन, “इदन लिख'आ चि'आ, नॆ उर्बस नू खे'अनर आर अक्‍कु ती आसीस ख़क्‍खू र'अनर।” नेम्हा बॊलतस बाचस, “हाँ, आर तम्है अर्ज'अना ती ख़न्न ऎख़ोर, एन्‍देरगेका धर्मेस मानिम नू आर ही दौ नलख गुट्ठी गे इनाम चि'ओस।”

दहदर मंजका कत्‍था 2:11

नेम्हा बॊलतस कलीसिया गुट्ठी गे एन्देर ब'अदस, अदिन नॆखअय मेना गे ख़ेबदा र'ई आस मेन्दस ती बुझुरदस नेकअन। एकास जित'ओस आस दुसर खे'अना ती नोकसान मल मनोस।

दहदर मंजका कत्‍था 20:14

फेन खे'अना अरा नरक गड्डी चिच्‍ची ही समुदर नू हेबड़तारा। ई चिच्‍ची ही समुदर दिम दुसर खे'अना हवे।

दहदर मंजका कत्‍था 21:8

लिकिन इल्‍चुर, अरा मल पत्त'उर, अरा कदरहर, अरा आल पिटुर, अरा पेहरन ही सोतरा नलख ननुर, अरा टोनहर, अरा मूर्तिन ऒड़ लग्‍गुर अरा उर्मी ठकवा आलर ही अड्डा गन्धक लघरना चिच्‍ची ही समुदर हवे। ईद दुसर खे'अना हवे।”

दहदर मंजका कत्‍था 22:5

अरा असन माख़ा मल मनो, अरा आर गे बिल्‍ली अरा बीड़ी ही बिल्ली ही चाड़ मल मनो, एन्देरगेका धर्मे उर्बस आर गे बिल्‍ली मनोस। अरा आर हुल्‍लो ती हुल्‍लो गूटी राजी ननोर।

दहदर मंजका कत्‍था 22:7

येसुस ब'अदस, “ऎरा, ऎन चाँड़हे बर'आ लगदन। नॆ ई पुथी नू र'अना ख़ॊख़ा मन्ना एंग्है कत्था गुट्ठिन मन्दस, आस आसीस ख़क्‍खू आलस हिकदस।”

दहदर मंजका कत्‍था 3:21

एकासे ऎन जित्तचकन ती एम्बस गने आसी बॆल-गदिया नू उक्‍कन, अन्नेम नॆ जित'ओस आस गे ऎन एंग्‍है गने एंग्है बॆल-गदिया नू ओक्‍का गे अदिया चि'ओन।

दहदर मंजका कत्‍था 5:10

अरा नीन आरिन एम्है धर्मेस गे तेतर-सुसर नना गे ओन्टा राजी अरा नैगर कमचकादय, अरा आर ख़ॆख़ेल नू राजी ननोर।”