दहदर मंजका कत्‍था 20:5 - पुना गच्छरना NT (BSI)

⁵ बछ्रका केचका आलर आ ओन हजार बछर मल मुंज्रना गूटी उज्‍जा मल चोचर। ईदिम पहिल उज्‍जा चो'अना हवे।

दहदर मंजका कत्‍था 20:5 ပူးပေါင်းရင်းမြစ်များ

लू‍कस 14:14

एन्‍देरगेका आर निंगा गे मल किर्रत'ओर, होले नीन आसीस ख़क्‍खोय। लिकिन उजगो आलर ही उज्‍जा चो'अना उल्‍ला नू नीन आसीस ख़क्‍खोय अरा निंगा किर्रतार'ओ।”

रोमी 11:15

एन्‍देरगेका आर ही अम्‍बरना ही चड्डे धर्मेसी ख़ॆख़ेल गने मेस्रना मंजकी किरकी र'ई, होले इकला आर ही इंझ्रना मनो, आद केच्‍कारिन उज्‍जना ओन्‍द्रना बेसे र'ओ दने।

फिलिप्‍पी 3:11

ई लेक्खम ऎन एकअम रकम ती हूँ केच्‍कर ही उज्‍जा चो'अनन ऎन हूँ ख़क्खा गे बेद्ददन।

1 थेस्‍सलोनिकॆयर 4:16

एन्‍देरगेका उर्बस तानिम चिच्‍चियारना आन्ना गने अरा मुध मेर्ख़ा पैकासी सड़ा गने अरा धर्मेसी पेंड़हे ख़रख़ना गने मेर्ख़ा ती एत्तोस बर'ओस। अरा मसीसिन इंझ्रर ती केचका र'अनर आर मुन्‍द उज्‍जा चो'ओर।

दहदर मंजका कत्‍था 11:11

लिकिन तीन उल्‍ला ओन बीड़ी ख़ॊख़ा धर्मेस तरती उज्‍जना ही साँस आर ही नू किर्रिया। अरा आर तम्‍है ख़ेड्डे ती इज्‍जर। अरा आरिन ईरु आलर ओर्मर मइय्याँ इल्चका कोरचा केरा।

दहदर मंजका कत्‍था 11:15

फेन सातवाँ मेर्ख़ा पैकस पेंड़हे ऊरचस ख़ने, मेर्ख़ा नू जॊरसरिया सड़ा गुट्ठी एन्ने बाचा, “ख़ॆख़ेल ता राजी नम्‍है उर्बासी अरा आसी मसीसी राजी मंजा केरा, अरा आस हुल्लो ती हुल्लो गूटी राजी ननोस।”