दहदर मंजका कत्‍था 20:13 - पुना गच्छरना NT (BSI)

¹³ समुदर तंग्है नू ता केचकारिन सोंपचा, अरा खे'अना अरा नरक गड्डी तम्है नू ता केचकारिन सोंपचा। अरा ओर्मर ताम नंजका नलख गुट्ठी ही लेक्‍खा नेंवई नन्तारर।

दहदर मंजका कत्‍था 20:13 ပူးပေါင်းရင်းမြစ်များ

मत्तायोस 11:23

अरा अना कफरनहूम नगरे ता आलारो, नीम मेर्ख़ा म‍इय्याँ चॊदतार'ओर कालोर का? मला, नीम गा ख़ोड़ख़ा चिच्‍ची गड्डी नू टिड़तार'ओर कालोर। एका सवंग ही नलख गुट्ठी निम्‍है नू नंजका र'ई, ई नलख सोदोम नू मंजका होले आर तम्‍है पापन अम्‍बना ती धर्मेस तरा किर्रना ती इन्‍ना गूटी आ नगरे इज्‍जकी र'ओ दने।

मत्तायोस 16:27

मनवा ख़द्दन ऎन एम्‍बासी महबा अरा आसी पैकर गने किर्रोन। अरा आ उल्‍ला ऎन ओर्मर गे तम्‍‍है तम्‍‍है नलख लेक्‍खा ख़ंजपा चि'ओन।

1 कोरिन्‍थ 15:26

उर्मी ती छेद्दे नठाबतारना बैरी खे'अना हवे।

दहदर मंजका कत्‍था 1:18

अरा ऎन उज्‍जू र'अदन। ऎन केचका केरकन, लिकिन ऎरा, ऎन हुल्‍लो ती हुल्‍लो गूटी उज्‍जू र'अदन। अरा खे'अना अरा नरक गड्डी ही कुची गुट्ठी एंग्‍है गुसन र'ई।

दहदर मंजका कत्‍था 2:23

अरा ऎन अदही गने चॊंख़्र'उरिन पिटोन। होले उर्मी कलीसिया गुट्ठी अख़'ओ का जिया अरा मन गुट्ठी ही बिढ़'ऊ ऎनिम हिकदन। अरा ऎन नीम ओर्त ओर्त गे नीम नंजका नलख गुट्ठी ही लेक्खम किर्रत'ओन चि'ओन।

दहदर मंजका कत्‍था 20:12

अरा ऎन सन्नी कोहाँ ओर्मा केचकारिन बॆल-गदिया ही मुन्दहारे इज्‍जका ईरकन। अरा पुथी गुट्ठी चलख़रा, अरा अउर ओन्टा पुथी चलख़रा, एकदा उज्‍जना ही पुथी हवे। अरा आर एन्देर एन्देर नंजकाचर एन्ने अबड़ा पुथी नू लिख्रकी रहचा, अदही लेक्‍खा आर ही नेंवई नन्तारा।

दहदर मंजका कत्‍था 20:14

फेन खे'अना अरा नरक गड्डी चिच्‍ची ही समुदर नू हेबड़तारा। ई चिच्‍ची ही समुदर दिम दुसर खे'अना हवे।

दहदर मंजका कत्‍था 21:4

अरा आस आर ही ख़न्न ती उर्मी ख़ंजलख़ोन चींचोस। अरा अक्कु ती खे'अना मल मनो, अरा ख़ोदख़ोरना मलता ओलख़ना मलता नुंजना मल र'ओ, एन्देरगेका पच्चा कत्‍था गुट्ठी गुछरा केरा।”

दहदर मंजका कत्‍था 6:8

अरा ऎन ईरकन ख़ने, ऎरा, ओन्टा पियर घोड़ोन ईरकन। अरा अइय्या उक्‍काचस आसी नामे “खे'अना” रहचा। अरा नरक गड्डी आसी ख़ॊख़ा ख़ॊख़ा काला लगिया, अबड़ा गे तलवार, अरा अकाल, अरा कोहाँ रोगे, अरा ख़ॆख़ेल ता बनेला मेक्‍खो गुट्ठी ती ख़ॆख़ेल ता चार हींस आलारिन पिटा गे अदिया चीतारा।