दहदर मंजका कत्था 20:12 - पुना गच्छरना NT (BSI)12 अरा ऎन सन्नी कोहाँ ओर्मा केचकारिन बॆल-गदिया ही मुन्दहारे इज्जका ईरकन। अरा पुथी गुट्ठी चलख़रा, अरा अउर ओन्टा पुथी चलख़रा, एकदा उज्जना ही पुथी हवे। अरा आर एन्देर एन्देर नंजकाचर एन्ने अबड़ा पुथी नू लिख्रकी रहचा, अदही लेक्खा आर ही नेंवई नन्तारा। အခန်းကိုကြည့်ပါ။ |
निंगन ऒड़ मल ननू राजीतर कदरारर, ख़ने निंग्है खींस बरचकी र'ई। अरा केचकारिन नेंवई नन्ना बेड़ा अंड़सकी र'ई। अरा निंग्है जॊंख़र धर्मेसी कत्था तिंगुर गे, अरा नेम्हा आलर गे, अरा निंग्है नामेन मईन ननू सन्नी कोहाँ ओर्मर गे इनाम चि'अना बेड़ा अंड़सकी र'ई। अरा नॆ ख़ॆख़ेलन बगड़'अनर आरिन नठाब'अना ही बेड़ा हूँ अंड़सकी र'ई।”
एका मेक्खोन नीन ईरका र'अदय, आद गा मुन्द रहचा, लिकिन अक्कु मल्ला। अन्नु हूँ आद भयभयान ख़ोड़ख़ा गड्डी ती मइय्याँ अरगू र'ई, फेन आद नठार'ओ कालो। अरा ख़ॆख़ेल ता र'ऊ आलर, नॆख'आ नामे ख़ॆख़ेल गढ़्रना ही बेड़ा ती उज्जना ही पुथी नू नामे मल लिख्रकी र'ई, आर ई मेक्खो ही दसन ऎरोर ती हैकट मनोर, एन्देरगेका आद मुन्द रहचा, अरा अक्कु मलकी, अरा अउरिम बर'ओ।