दहदर मंजका कत्‍था 20:11 - पुना गच्छरना NT (BSI)

¹¹ फेन ऎन ओन्टा कोहाँ पंड़रु बॆल-गदियन ईरकन, अरा अइय्या उक्‍कादस आसिन हूँ ईरकन। आसी मुन्दहारे ती मेर्ख़ा अरा ख़ॆख़ेल गुछरा केरा, अरा अबड़ा गे अड्डा मल ख़क्‍खरा, उर्मी धंसरा केरा।

दहदर मंजका कत्‍था 20:11 ပူးပေါင်းရင်းမြစ်များ

मत्तायोस 11:22

अन्‍नु हूँ ऎन निमन ब'अदन, रायबड़ी उल्‍ला नू तुरोस दरा सीदॊन नगरे ही दंडे ती निम्‍है दंडे बग्‍गे मलदौ मनो।

मत्तायोस 24:35

मेर्ख़ा अरा ख़ॆख़ेल छपर'ओ कालो, लिकिन एंग्‍है कत्‍था इकला हूँ मल बदलार'ओ।

मत्तायोस 25:31

इकला मनवा ख़द्दन ऎन एंग्‍है महबा नू उर्मी मेर्ख़ा पैकर गने बर'ओन, अरा ऎन एंग्‍है महबा ही बॆल-गदिया नू ओ‍क्‍कोन।

रोमी 2:5

लिकिन नीम निम्‍है ढ़िट्ठी अरा पाप नन्नन मल अम्‍बना चड्डे धर्मेसी ख़ीस ऎदना ही उल्‍ला नू अउर हूँ कोड़हे दंडे बेंददर। आ उल्‍ला नू ओर्मर धर्मेसी ठौका नेंवई नन्नन ऎरोर।

2 पतरस 3:7

लिकिन धर्मेस अक्कु ता मेर्ख़ा गुट्ठिन अरा ख़ॆख़ेलन नेंवई उल्ला गूटी र'आ गे पॆसकन चिच्चस। फेन अबड़ा चिच्ची ती बस्सा गे उइरकी र'ई। अरा धर्मेसिन मल इल्चुर नठार'ओर।

दहदर मंजका कत्‍था 12:8

लिकिन डेना र'ऊ नेर्रे अरा अदही पैकर जित'आ पोल्‍लर, औंगे आर मेर्ख़ा नू तम्है अड्डन एब्सर चिच्चर।

दहदर मंजका कत्‍था 16:20

अरा उर्मी टापू गुट्ठी गुच्‍छरा केरा, अरा परता गुट्ठी छप मंजा केरा।

दहदर मंजका कत्‍था 19:11

फेन ऎन मेर्ख़न तिसगिरका ईरकन, अरा ऎरा, ओन्टा पंडरु घोड़ो असन इज्जकी रहचा। अरा एका ओर्तस आ घोड़ोन चलाब'अदस आस पत्त'अना जॊगे अरा मानिम बारदस। आस उजगो गने नेंवई अरा लड़ई नन्दस।

दहदर मंजका कत्‍था 20:2

आस आ नगदे कोहाँ डेना र'ऊ नेर्रेन धरचस। ईदिम नाद अरा सैतान बारना आ पच्चा नेर्रे हवे। अरा आस अदन ओन हजार बछर गे हॆंचस।

दहदर मंजका कत्‍था 21:1

फेन ऎन पुना मेर्ख़ा अरा पुना ख़ॆख़लन ईरकन, पच्चा मेर्ख़ा अरा पच्चा ख़ॆख़ेल गा छप मंजा केरा, अरा समुदर हूँ गुछरा केरा।

दहदर मंजका कत्‍था 21:5

फेन बॆल-गदिया नू उक्‍काचस आस बाचस, “ऎरा, ऎन उर्मिन पुना नन्दन चि'अदन।” फेन आस बाचस, “इदन लिख'आ, इवंगेका इबड़ा कत्था गुट्ठी पत्त'अना जॊगे अरा मानिम र'ई।”

दहदर मंजका कत्‍था 4:2

आ बारिम ऎन नेम्‍हा बॊलतासी आकुस नू मंजकन। ऎरा, मेर्ख़ा नू ओन्टा बॆल-गदिया उइरकी रहचा, अरा आ बॆल-गदिया नू ओर्तस उक्‍का रहचस।

दहदर मंजका कत्‍था 6:14

अरा मेर्ख़ा पिटरी तेर्मना बेसे लटुमारा ती नूख़्रा केरा। अरा उर्मी परता अरा टापू तम्‍है अड्डा ती खरकारा केरा।