दहदर मंजका कत्‍था 2:7 - पुना गच्छरना NT (BSI)

⁷ नेम्हा बॊलतस कलीसिया गुट्ठी गे एन्देर ब'अदस, अदिन नॆखअय मेना गे ख़ेबदा र'ई आस मेन्दस ती बुझुरदस नेकअन। एकास जित'ओस आस गे ऎन उज्‍जना मन्न ही ख़ंजपन मॊख़ा चि'ओन, एकदा धर्मेसी परदे‍सोस नू र'ई।

दहदर मंजका कत्‍था 2:7 ပူးပေါင်းရင်းမြစ်များ

मत्तायोस 11:15

नॆका मेना गे मने र'ई, आस मेन्‍दस ती बुझ्रना र'ई।

मत्तायोस 13:43

आ बारी उजगो आलर तम्‍है बबासी राजी नू बीड़ी लेक्‍खा बिल्‍चोर। नॆख'आ ख़ेबदा र'ई आस मेन्दस ती बुझ्रदस नेक‍अन।”

मत्तायोस 13:9

नॆख'आ मेना गे मने र'ई, आस मेन्‍दस ती बुझ्रदस नेक‍अन।”

मरकुस 4:9

ख़नेम येसुस गोंहड़न बाचस, “नॆका मेना गे मने र'ई, आस मेन्दस ती बुझुरदस नेक‍अन।”

मरकुस 7:15

आलारिन बहरी ता एन्‍द्रिइम लो आसी उला कुर'ई आद आसिन धर्मेसी ऎरना नू मलदौ मल कम'ई, लिकिन आलर ही जिया ती उरखी आदिम आसिन धर्मेसी ऎरना नू मलदौ कम'ई। [

मरकुस 7:16

ऎन एन्‍देर ही पत्त नू ब'आलदन अदिन नॆका बुझुरना र'ई होले आस एंगन चिहुंक लगे मेनके।”]

लू‍कस 23:43

येसुस आसिन बाचस, “ऎन निंगन मानिम ब'अदन, इन्नम नीन एंग्‍है गने परदे‍सोस नू र'ओय।”

लू‍कस 8:8

जोक्को बिहनी दौ ख़ॆख़ेल नू खत्तरा, अरा कुन्‍दिया ती सौ गुना ख़ंजा।” एन्ने बाचस ती आस जॊरसरिया बाचस, “नॆका मेना गे मने र'ई, आस मेन्‍दस ती बुझ्रना र'ई।”

यॊहनस 16:33

ऎन इबड़ा कत्‍थन निमन तिंकादन का नीम एंग्हा नू कोड़े ख़क्‍खा ओंग्‍दर। ई ख़ॆख़ेल नू निमा खिलपत मनो, लिकिन डिढ मना, ऎन ख़ॆख़लन जितिचका र'अदन।”

1 कोरिन्‍थ 2:10

लिकिन धर्मेस तंग्‍है नेम्‍हा बॊलतस ती अबड़न नमा गे दहदर नंजस, एन्‍देरगेका नेम्‍हा बॊलतस उर्मी कत्‍थन अरा धर्मेसी ख़ोड़ख़ा गम कत्‍थन हूँ अगम'ई।

1 यॊहन 2:13

अना बंगारो! एकास ऒड़ तिम र'अस, आसिन नीम अक्का र'अना ती ऎन निमा लिखदन। अना जॊंख़ारो, मलदौ आबोन नन्त'उस सैतान मइय्याँ नीम जीत ख़क्खका र'अना ती ऎन निमा लिखदन।

दहदर मंजका कत्‍था 13:9

नॆखअय मेना गे ख़ेबदा र'ई आस मेन्दस ती बुझुरदस नेकअन।

दहदर मंजका कत्‍था 14:13

फेन ऎन मेर्ख़ा ती ओन्टा सड़ा एन्ने ब'अना मेंजकन, “इदन लिख'आ चि'आ, नॆ उर्बस नू खे'अनर आर अक्‍कु ती आसीस ख़क्‍खू र'अनर।” नेम्हा बॊलतस बाचस, “हाँ, आर तम्है अर्ज'अना ती ख़न्न ऎख़ोर, एन्‍देरगेका धर्मेस मानिम नू आर ही दौ नलख गुट्ठी गे इनाम चि'ओस।”

दहदर मंजका कत्‍था 15:2

अरा ऎन चिच्‍ची गने मेस्रका काँच ही समुदर लेक्खा ओन्टन, अरा नॆ आ मेक्‍खो अरा अदही मूर्ती अरा अदही नामे ही गनती आबोन जित्तचका रहचर आरिन ईरकन। आर आ काँच ही समुदर गुसन धर्मेसी तमा गे चिच्का तमुर्रा गुट्ठिन धरचका ती इज'आ लगियर।

दहदर मंजका कत्‍था 2:11

नेम्हा बॊलतस कलीसिया गुट्ठी गे एन्देर ब'अदस, अदिन नॆखअय मेना गे ख़ेबदा र'ई आस मेन्दस ती बुझुरदस नेकअन। एकास जित'ओस आस दुसर खे'अना ती नोकसान मल मनोस।

दहदर मंजका कत्‍था 2:17

नेम्हा बॊलतस कलीसिया गुट्ठी गे एन्देर ब'अदस, अदिन नॆखअय मेना गे ख़ेबदा र'ई आस मेन्दस ती बुझुरदस नेकअन। एकास जित'ओस आस गे ऎन जोक्क नूख़्रका मन्‍ना आबोन चि'ओन, अरा पुना नामे लिक्खरका ओन्टा पंडरू पखना आबोन चि'ओन। एका ओर्तस आ पखनन ख़क्‍खदस आसिन अम्बरकी नॆ हूँ आ नामेन बलदस।

दहदर मंजका कत्‍था 21:7

नॆ मलदौ ही मइय्याँ जीत ख़क्‍खोस आस इबड़ा उर्मी आसीसन ख़क्खोस, अरा ऎन आसी धर्मे मनोन, अरा आस एंग्‍है ख़द्द मनोस।

दहदर मंजका कत्‍था 22:14

एकार तम्‍है किचरी गुट्ठिन नॊड़नर ती सुध उइय्नर, आर आसीस ख़क्ख'ऊ र'अनर। आर लेका नगरे ही बली ती कोर'आ गे अरा उज्‍जना ही मन्न ही ख़ंजपन मोख़ा गे अदिया ख़क्खोर।

दहदर मंजका कत्‍था 22:17

धर्मेसी बॊलतस अरा बेंजा पेल्लो येसुसिन “बरा” ब'अनर। अरा इदन मिनुस हूँ “बरा” ब'अदस नेकअन। अरा एकास ओनक'आ र'अदस आस बरदस नेकअन, अरा एकास पत्तारदस आस उज्जना अम्मन सिथियम हो'अदस नेकअन।

दहदर मंजका कत्‍था 22:2

अरा आद नगरे ही मझी ता मुध सड़क नू बाह'आ लगिया। अरा ख़ाड़ ही ई पक्खे अरा आ पक्‍खे उज्‍जना ही मन्न गुट्ठी रहचा, अरा अबड़ा मन्न बारा रकम ही ख़ंजपा चि'आ लगिया, अरा अबड़ा ओन ओन महिना नू ओन ओन रकम ही ख़ंजपा चि'आ लगिया, अरा अबड़ा मन्न ही अतख़ा गुट्ठी ती उर्मी जाती जाती ता आलर कोड़े मना लगियर।