दहदर मंजका कत्‍था 2:5 - पुना गच्छरना NT (BSI)

⁵ औंगे नीन सुरता नना का नीन एका मेच्छा ती खत्रकय। अरा जियन किर्त'आ अरा मुन्द ता लेक्‍खा नलख नना। लिकिन नीन जियन मल किर्त'ओय होले, ऎन निंग्‍है गुसन बर'ओन ती निंग्है बिल्ली पटनी आबोन अदही अड्डा ती गुछाब'ओन चि'ओन।

दहदर मंजका कत्‍था 2:5 ပူးပေါင်းရင်းမြစ်များ

मत्तायोस 5:14

नीम ख़ॆख़ेल नू आलर गे बिल्‍ली लेक्‍खा र'अदर। परता मइय्याँ नू ओक्रका नगरे नूख़्र'आ पुल्‍ली।

मत्तायोस 5:15

अन्नेम आलर बिल्‍लिन लघा ब'अनर ती ढक्‍की ती मल कुल्‍लनर महले ढक्‍की किइय्‍या मल उइय्‍नर। लिकिन बिल्‍लिन पक्‍खा नू उइय्‍नर। होले ओर्मर गे बिल्‍ली ईथ्र'ई।

मरकुस 12:9

फिन येसुस बाचस, “ऎन निमन तेंगोन, बटकी उर्बस एन्‍देर ननोस? आस अबड़ा ठिका होच्चका उर्बारिन पिटोस अरा बटकी ही ठिका नन्ना उर्बर गे चि'ओस।

लू‍कस 1:17

आस धर्मेसी कत्‍था तिंगू एलियसी बॊलता अरा सवंग गने उर्बासी मुन्‍द ऎकोस, का अयंग बंग्‍गर ही जियन आर ही ख़द्दर तरा किर्त'ओस अरा पॆसका मल मिनू आलारिन उजगो ईकुर ही बुझुरना नू किर्त'ओस। एन्ने उर्बासी बरना गे जॊगे आलारिन सपड़'‍ओस।”

लू‍कस 20:16

आस बर'ओस ती इबड़ा बटकी ठिका होच्चका उर्बारिन पिटोस, अरा अंगुर बटकी ही ठिका नन्‍ना उर्बर गे चि'ओस।” इदन आलर मेंजर ती बाचर, “धर्मेस एन्ने अम्‍बन नना नेक‍अन।”

गलातिया 5:4

नीम नॆग ती उजगो मना गे चिहुट मन्‍दर होले, मसीस ती तरकूटी मन्‍दर अरा धर्मेसी मया आबोन एब्‍सका चिच्‍चकादर।

फिलिप्‍पी 2:15

होले नीम ई कुचुरहा अरा करतअंग आलर ही मझी नू गुन्‍हा मलका बिगर बदी ही अरा निमन ही धर्मेसी ख़द्द-ख़र्रा मना ओंगोर। अरा आर ही मझी नू नीम मेर्ख़ा ता बीन्को गुट्ठी लेक्खा बिल्‍चना र'ई।

इब्रानी 10:32

धर्मेसी बिल्‍लिन ख़क्खका मुन्‍द ता उल्‍ला गुट्ठी नू नीम एकासे रहचकर, अदिन सुरता नना। अबड़ा उल्‍ला नू नीम कोड़हे खिलपत अरा सस्‍ती नू हूँ जिटजिट ने इज्‍जका रहचकर।

2 पतरस 3:17

औंगे अना चोन्हा आलारो, मुन्द तिम नीम इदन अख़ना ती, चिहुंक र'आ। एन्ने अम्बो मना का, अबड़ा नॆग मलका आलर ही मलदौ नू बझ्रर'अरकी निम्है ठिमठिमने दसा ती अम्बोर खतर'आ।

यहूदा 1:24

मूड़ना ती निमन ख़ापा उंगू, अरा निमन बिगर बदी ती तंग्है महबा निंदका अड्डा ही मुन्दहारे कोड़हे रिझ गने इजत'आ गे उंगू,

दहदर मंजका कत्‍था 1:20

एका सतियो बीनको गुट्ठिन एंग्‍है तीना ख़ेक्खा नू नीन ईरकय, अरा अबड़ा सतियो सोना ही बिल्‍ली पटनी गुट्ठी ही गम एन्ने र'ई। सात गोट बीनको सात कलीसिया ही पैकर हवे, अरा सात गोट बिल्‍ली पटनी सात कलीसिया हवे।

दहदर मंजका कत्‍था 16:9

ख़ने आलर कोड़हे बिड़ना झोला ती झोलरर केरर। अन्नु हूँ आर इबड़ा सस्ती गुट्ठी ही मइय्याँ अदिया उइय्यू धर्मेसी नामेन हींड़चर, अरा आर जियन मल किर्ताचर अरा आसिन महबा मल नंजर।

दहदर मंजका कत्‍था 2:16

औंगे नीन जियन किर्त'आ। मला होले लॆम ऎन निंग्है गुसन बर'ओन, अरा एंग्‍है बई ती उरखना तलवार ती आर ही गने लड़'ओन।

दहदर मंजका कत्‍था 2:19

ऎन निंग्है नलख गुट्ठिन अरा निंग्‍है चोन्‍हन अरा निंग्‍है पत्त'अनन अरा नीन एंगा गे नन्ना तेतर-सुसर आबोन, अरा निंग्‍है खतिर नन्नन उर्मिन अख़दन। अरा निंग्‍है अक्कु ता नलख गुट्ठी मुन्द ता नलख गुट्ठी ती कोड़हे बॆस र'ई।

दहदर मंजका कत्‍था 2:2

ऎन निंग्‍है नलख गुट्ठिन अरा कोड़हे अरज'अनन अरा खतिर नन्नन अख़दन। ऎन अख़दन का नीन मलदौ आलारिन मल सहदय, अरा तइरका मलका ती हूँ तमन तइरकर ब'उरिन नीन बिढ़'अरकी आर ठकवा तइरकर एन्ने अक्कय।

दहदर मंजका कत्‍था 3:19

ऎन नॆकन चोन्‍हा नन्दन आरिन केबदन अरा कोड़दन। औंगे चॆत लगे र'आ अरा जियन किर्त'आ।