दहदर मंजका कत्‍था 2:21 - पुना गच्छरना NT (BSI)

²¹ ऎन अदगे जियन किर्त'आ गे बेड़ा चिच्चकन, लिकिन आद तंग्है पेहरन ही सोतरा नलख ती जियन किर्त'आ गे मल बिद्दी।

दहदर मंजका कत्‍था 2:21 ပူးပေါင်းရင်းမြစ်များ

रोमी 9:22

ई लेक्‍खम धर्मेस हूँ तंग्‍है ख़ीस ऎद'आ गे अरा तंग्‍है सवंगन दहदर नन्‍ना ही मने र'ई। लिकिन आस आलर ही म‍इय्याँ तंग्‍है कोड़हे कयास नंजस एकार आसी ख़ीस ही संजगी रहचर एकाबड़ा नठाब'आ गे सपड़ाचका रहचा।

1 पतरस 3:20

अबड़ा बॊलता गुट्ठी ईर हिकनर का, एका ओर्तर चिरान नू नूहसी परिया नू आस कोहाँ डोंगा कमना उल्ला गुट्ठी नू धर्मेस कोड़हे कयास गने पाब ऎरा लगियस ख़ने, आसी पॆसकन मल पॆस्रर। आ कोहाँ डोंगा नू जोक्कोर लेका आठ आलर लेका बया बहड़ी ती बछरर।

2 पतरस 3:15

अरा सुरता नना का, नम्है उर्बासी कयास आलर गे नाड़र'आ गे बेड़न चि'ई। अन्ने दिम नम्है चोन्हा भई पौलुस हूँ धर्मेस तंगा गे चिच्का लूर ती निमा गे लिखचस।

2 पतरस 3:9

जोक्क आलर बुझुरना लेक्खा उर्बस तंग्है गच्छरनन नना गे दिरी मल नन्दस। लिकिन आस निम्है नू कयास गने र'अदस। एन्देरगेका आसी मने ईद र'ई का, ओर्त हूँ अम्बोर नठार'आ, लिकिन ओर्मर जियन किर्त'ओर।

दहदर मंजका कत्‍था 16:11

अरा तम्‍है डाहरना गुट्ठी अरा फूड़ी गुट्ठी ही चड्डे मेर्ख़ा ता धर्मेसिन हींड़चर, अरा तम्‍है नंजका मलदौ नलख गुट्ठिन अम्बना ती धर्मेस तरा मल किर्रियर।

दहदर मंजका कत्‍था 16:9

ख़ने आलर कोड़हे बिड़ना झोला ती झोलरर केरर। अन्नु हूँ आर इबड़ा सस्ती गुट्ठी ही मइय्याँ अदिया उइय्यू धर्मेसी नामेन हींड़चर, अरा आर जियन मल किर्ताचर अरा आसिन महबा मल नंजर।