दहदर मंजका कत्‍था 2:14 - पुना गच्छरना NT (BSI)

¹⁴ अन्नु हूँ एंगा गे निंग्हा बिड़दो नू जोक्क कत्था र'ई। निम्‍है नू बालामसी सिखाब'अनन मन'ऊ जोक्क आलर र'अनर। ई बालामस दिम बालाक बॆलासिन इस्राऎल आलारिन मूड़त'आ गे सलहा चिच्‍चस का, आर मूर्ती गुट्ठी गे दाँड़े अरगका ओन्ना-मॊख़नन मॊख़ोर अरा पेहरन ही सोतरा नलखन ननोर।

दहदर मंजका कत्‍था 2:14 ပူးပေါင်းရင်းမြစ်များ

मत्तायोस 18:7

मूड़ना चडडे ख़ॆख़ेल गे ओहरे, एन्‍देरगेका अदही आलॊ आलारिन पाप नना गे मूड़त'ई। एन्ने मूड़ना ही गा बरना चाड़ र'ई, लिकिन नॆखअय ती मूड़ना मनी आस गे ओहरे।

त‍इरकर 15:29

नीम मूर्ती गुट्ठी गे अरगका ओन्ना-मॊख़ना अरा ख़ॆंस अरा घोंघन पॆदख़का मेक्‍खो गुट्ठी ही अहड़ा अरा उर्मी रकम ही पेहरन ही सोतरा नलख ती तरकूटी र'अके। इबड़ा ती नीम तरकूटी र'ओर होले निमा गे दौ मनो। निम्‍है दौ मनन नेक‍अन।”

त‍इरकर 21:25

लिकिन अबड़ा नन-यहूदी पत्त'ऊ आलर ही पत्त नू ऎम एन्ने चिताबुता नंजकम ती लिखचकम त‍इय्कम का मूर्ती गुट्ठी ही दाँड़े अरगका ओना-मॊख़ना ती अरा ख़ॆंस ती अरा घोघन पॆदख़का मेक्‍खो गुट्ठी ही अहड़ा ती अरा पेहरन ही सोतरा नलख ती तरकूटी र'ओर।”

रोमी 11:9

अरा दाऊद बॆलस एन्ने ब'अदस, “आर ही मदी आर गे फन्‍दा अरा जल्‍ली अरा मुड़ना पखना अरा दंडे ही जॊगे मनन।

रोमी 14:13

औंगे नाम अपन ती नन्नर नू बदी मल ठेकाब'अना र'ई। ऊजी नू नीम फरिय'आ का निम्‍है भ‍ईसिन आसी डहरे नू मूड़ना पखना अम्‍बोर मना महले आसिन मूड़ना ही चड्डे अम्‍बोर मना।

रोमी 14:21

अहड़ा मॊख़ना महले अरखी झरा ओन्ना महले नन्ना इन्द्रिइम नन्ना निंग्‍है भ‍ई महले बहिन आबोन पाप नू मूड़त'ई होले अदिन अमके नना।

रोमी 9:32

एन्‍देरगे मल ख़क्‍खियर? एन्‍देरगेका आर पत्त'अना ती मला लिकिन तम्‍है नलख गुट्ठी ती अदिन ख़क्‍खा बेद्दालियर। अरा आलारिन मूड़ना ही पखना नू मुड्डियर।

1 कोरिन्‍थ 1:23

लिकिन ऎम गा क्रुस नू ठोकचका मसीसी पत्त नू तेंगा कुद्दम। ईद यहूदीर गे मूड़ना ही चड्डे र'ई, अरा नन-यहूदीर गे ख‍ईता र'ई।

1 कोरिन्‍थ 7:2

पेहरन ही सोतरा नलख बग्‍गे मन्ना ही चड्डे, उर्मी आलस गे तंग्‍है तंग्है मुक्‍का र'अना र'ई, अरा उर्मी आली गे तंग्‍है तंग्है मॆतस र'अना र'ई।

इब्रानी 13:4

बेंजा ओर्मर ती म‍ईन जॊगे बुझुरना र'ई। मॆतस अरा मुक्‍का ओर्त ओर्त गने पत्त'अना जॊगे र'अना र'ई। एन्‍देरगेका धर्मेस नन्ना आली महले आल गुसन कालुर अरा भड़वा ही सोतरा नलख ननुरिन दंडे चि'ओस।

1 पतरस 2:8

अरा अउरिम नेम्हा पुथी ब'ई का, “आस आलर गे मूड़ना ही पखना अरा आर गे थोथमारना ही चचड़ी र'अदस।” आर धर्मेसी कत्थन मल पॆस्रना ती मूड़नर। ईदिम आर गे धर्मेसी मने रहचा।

2 पतरस 2:15

आर उजगो डहरेन अम्बरकी तम्है डहरेन एब्सका चिच्का र'अनर। आर बोसोरसी तंग्दस धर्मेसी कत्था तिंगू बालामसी डहरे नू ईक्कानर, एकास मलदौ नन्ना ती ढिबा अर्ज'आ बेद्दा लगियस।

यहूदा 1:11

आर गे ओहरे। एन्देरगेका आर तंग्है भईसीन पिटका कैनसी डहरे नू ऎकनर। अरा आर ढिबा गे बालामसी मलदौ आबोन ताम हूँ नन्नर। अरा कोरेस लेक्खा हुलहुली नन्ना चड्डे नठारनर कानर।

दहदर मंजका कत्‍था 2:20

अन्नु हूँ एंगा गे निंगा बिड़दो नू जोक्क कत्था र'ई। नीन आ आली येजबेल आबोन निंग्‍है मझी नू र'आ चि'अदय। आद तंगन धर्मेसी कत्था तिंगू ब'ई, अरा आद तंग्है सिखाब'अना ती एंग्‍है जॊख़ारिन पेहरन ही सोतरा नलख नना गे, अरा मूर्ती गुट्ठी गे दाँड़े अरगका ओन्ना-मॊख़नन मॊख़ा गे भेंवाब'ई।

दहदर मंजका कत्‍था 2:4

लिकिन एंगा गे निंग्हा बिड़दो नू जोक्क कत्था र'ई, नीन एंग्‍है मइय्याँ मुन्द ता लेक्खा चोन्‍हन अम्‍ब‍का चिच्का र'अदय।

दहदर मंजका कत्‍था 21:8

लिकिन इल्‍चुर, अरा मल पत्त'उर, अरा कदरहर, अरा आल पिटुर, अरा पेहरन ही सोतरा नलख ननुर, अरा टोनहर, अरा मूर्तिन ऒड़ लग्‍गुर अरा उर्मी ठकवा आलर ही अड्डा गन्धक लघरना चिच्‍ची ही समुदर हवे। ईद दुसर खे'अना हवे।”

दहदर मंजका कत्‍था 22:15

लिकिन अल्‍ला लेक्खा नेम्हा मलका आलर, अरा टोनहर, अरा पेहरन ही सोतरा नलख ननुर, अरा आल पिटुर, अरा मूर्तिन ऒड़ लग्गुर, अरा ठकवा कत्‍था गुट्ठिन पत्त'अरकी अबड़ा नू ईकू ओर्मर नगरे ही बहरी र'ओर।