दहदर मंजका कत्‍था 2:13 - पुना गच्छरना NT (BSI)

¹³ ऎन अख़दन का नीन एक्‍सन र'अदय, असन दिम सैतान ही बॆल-गदिया र'ई। अन्नु हूँ नीन एंग्है नू मानी गने जिटजिटने र'अदय, अरा नीन एंग्‍है मइय्याँ ता पत्त'अनन मल अम्‍बकय। सैतान ही र'अना अड्डा निम्है नगरे नुम एंग्है पत्त'अना जॊगे गोवाह अन्तिपास पिटतारस, आ बेड़ा नू हूँ नीन पत्त'अनन मल अम्बकय।

दहदर मंजका कत्‍था 2:13 ပူးပေါင်းရင်းမြစ်များ

मत्तायोस 10:23

निमन ओन्‍टा पद्दा नू खिलपत नन्नर होले नन्ना पद्दा बोंके कालके। ऎन निमन मानिमन ब'अदन, ऎन मनवा ख़द्दासी बरना गूटी इस्राऎल राजी नू दौ कत्‍था तेंगा कुद्दना मल मुंज्रकी र'ओ।

मत्तायोस 24:9

आर निमन सस्‍ती नना गे धर'ओर, अरा निमन पिटोर, अरा उर्मी राजी ता आलर नीम एंग्‍है गने चॊंख़्र'उर र'अना चड्डे निमन बिड़दो ननोर।

मत्तायोस 4:10

ख़ने येसुस अदिन बाचस, “अनय सैतान कगरार'अय कलय! एन्‍देरगेका नेम्हा पुथी नू लिख्रकी र'ई, ‘नीन निंग्‍है धर्मे उर्बासिन ऒड़ लक्‍के अरा आसी लेका महबा ननके।’”

लू‍कस 21:17

नगदे आलर निमन बिड़दो ननोर, एन्‍देरगेका नीम एंग्‍है गने चॊंख़्रकर।

त‍इरकर 22:20

अरा निंग्‍है गोवाह स्‍तेफनोसिन पिटा लगियर ख़ने, ऎन हूँ असन रहचकन, अरा ई कत्‍था नू संगे मंजकन, अरा आसिन पिटू आलर ही किचरिन ख़ापा लिक्‍कन।’

त‍इरकर 9:14

आस इसन हूँ एकार निंगन ऒड़ लग्‍गनर आरिन हें'आ हो'आ गे मुध नैगर तरती अदिया ख़क्‍खकादस।”

1 थेस्‍सलोनिकॆयर 5:21

लिकिन उर्मी कत्‍था गुट्ठिन अरा नलखन बिढ़'आ ती ऎरा। एकदा बॆस लग्‍गो अदिन इंझ्र'आ अरा धर'आ।

1 तीमोथियुस 5:8

लिकिन नॆ तंग्‍है पाहियर ही अरा कोड़हे तंग्‍है एड़पातर गे संगरा मल नन्‍दस होले, आस पत्त'अना ती नटरकादस। अरा आस मल पत्त‍'ऊ आलर ती हों मलदौ र'अस।

2 तीमोथियुस 1:13

एका बड़ियर कत्‍था गुट्ठिन नीन एंग्‍है ती मेंजकादय, अदिन मसी येसुस नू र'ई आ पत्त'अना अरा चोन्‍हा गने निंग्‍है चिन्‍हा कम'आ ती उइय्या।

2 तीमोथियुस 2:12

नाम आसी चड्डे दुक्‍खे सारदत होले, आसी गने नाम हूँ बॆलर बेसे राजी ननोत। नाम आसी ख़ॊख़ा चॊंख़्र'उर मलदम ब'ओत होले, आस हों नमन तंग्‍है आलर मलदर ब'ओस।

इब्रानी 10:23

अरा नॆ नमा गे गच्‍छरनन चिच्कादस आस पत्त'अना जॊगे र'अदस। औंगे नाम गोवाह चि'ऊ असरा आबोन ठिमठिम गने धरचका र'ओत।

इब्रानी 3:6

लिकिन मसीस धर्मेसी आलर नू पत्त'अना जॊगे ख़द्दस र'अदस। नाम डिढ नन्ना ती मसीसी मइय्याँ ता नम्‍है असरा नू बड़ियर इज्‍जका र'ओत होले, नाम धर्मेसी आलत हिकदत।

याकॊब 2:7

नीम नॆख'आ बारदर आ येसु मसीसी बॆस नामे ही आर निंदा मल नन्नर का?

दहदर मंजका कत्‍था 1:5

अरा येसु मसीस ती निमा मया अरा कोड़े बर'अन नेकअन। मसीस दिम पत्त'अना जॊगे गोवाह, अरा केचका ती उज्‍जा चो'अना नू जेट्ठा, अरा ख़ॆख़ेल ता उर्मी बॆलारिन राजी ननू र'अदस। आस दिम नमन चोन्‍हा नंजस ती नमन तंग्‍है ख़ॆंस ती नम्‍है पाप गुट्ठी ती नाड़ियस।

दहदर मंजका कत्‍था 11:3

अरा ऎन एंग्‍है दुई गोवाह आलर गे अदिया चि'ओन का आर बोरा झपर'ओर ती ओन हजार दुई सौ साठ उल्ला धर्मेसी कत्थन मुन्द तेंगोर।”

दहदर मंजका कत्‍था 12:11

लिकिन आर भेंडो ख़द्द मसीसी ख़ॆंस ती अरा तम्‍है गोवाह ही कत्था ती सैतान मइय्याँ जितचर। अरा आर तम्‍है जिया गुट्ठिन चोन्‍हा मल नंजर, ई गूटी का आर खे'आ गे हूँ मल इल्‍चियर।

दहदर मंजका कत्‍था 13:2

अरा ऎन ईरका आ मेक्‍खो बघवा लेक्‍खा रहचा, अरा अदही ख़ेड्डे मेड़हो ही ख़ेड्डे लेक्‍खा रहचा, अरा अदही बई लकड़ा ही बई लेक्खा रहचा। अरा आ डेना र'ऊ नेर्रे तंग्है सवंगन अरा तंग्है बॆल-गदियन अरा तंग्है कोहाँ अदियन आ मेक्खो गे चिच्चा।

दहदर मंजका कत्‍था 14:12

इदही मने ईद हिके का धर्मेसी पॆसका गुट्ठिन पॆस्रका ती येसुसी मइय्याँ ता पत्त'अना नू ठिमठिमने र'ऊ नेम्हा आलर खतिर गने सहना र'ई।

दहदर मंजका कत्‍था 17:14

इबड़र भेंडो ख़द्द मसीस गने लड़ई ननोर। लिकिन भेंडो ख़द्द मसीस अरा आसी गने गुड़ियार'उर आरिन जित'ओर। एन्‍देरगेका भेंडो ख़द्द मसीस उर्बर ही उर्बस अरा बॆलर ही बॆलस हिकदस। अरा आसी गने गुड़ियार'उर धर्मेस ती मॆख़्रका अरा चज्रका अरा पत्त'ऊ आलर हिकनर।”

दहदर मंजका कत्‍था 17:6

अरा आ आली नेम्हा आलर ही ख़ॆंस ती अरा येसुसी गोवाह आलर ही ख़ॆंस ती उंखका ईरकन। अरा ऎन अदिन ईरकन ख़ने, कोड़हे अनचकरकन केरकन।

दहदर मंजका कत्‍था 2:2

ऎन निंग्‍है नलख गुट्ठिन अरा कोड़हे अरज'अनन अरा खतिर नन्नन अख़दन। ऎन अख़दन का नीन मलदौ आलारिन मल सहदय, अरा तइरका मलका ती हूँ तमन तइरकर ब'उरिन नीन बिढ़'अरकी आर ठकवा तइरकर एन्ने अक्कय।

दहदर मंजका कत्‍था 3:11

ऎन चाँड़हे बर'आलदन, एंग्है नू जिटजिटने पत्त'अते र'आ। ख़ने नॆ हूँ निंग्‍है इनामन मल हो'ओर।

दहदर मंजका कत्‍था 3:3

औंगे सुरता नना का एका कत्‍थन नीन इंझरकादय अरा मेंजकादय, अरा अदिन पॆस्र'आ, अरा जियन किर्त'आ। नीन एज्रका मल र'अदय होले, ऎन ख़लबस लेक्‍खा बर'ओन। अरा नीन कहियों बल्लोय का ऎन एका बेड़ा नू निंग्है बिड़दो बर'ओन।