दहदर मंजका कत्‍था 19:8 - पुना गच्छरना NT (BSI)

⁸ अरा बेंजा पेल्‍लो गे अरगा अरा बिल्चना लेपलेपे किचरी अत्ता गे चीरकी रहचा।” लेपलेपे किचरी ही माने नेम्‍हा आलर ही उजगो नलख गुट्ठी हवे।

दहदर मंजका कत्‍था 19:8 ပူးပေါင်းရင်းမြစ်များ

मत्तायोस 17:2

आ बारी आर ही मुन्‍दहारे आसी ऎथ्रना बदलारा केरा। आसी मुंही बीड़ी लेक्‍खा बिल्‍चिया अरा आसी किचरी नगदे कोड़हे पंडरु बिल्‍ली लेक्‍खा मंजा केरा।

मत्तायोस 22:12

अरा आस आसिन मेंजस, ‘अना संगी, नीन इसन बिगर बेंजा किचरी अत्तका एकासे भितरी बरचकय?’ लिकिन आसी बई मल चलख़्रा।

मरकुस 9:3

आसी किचरी नगदे पंडरु बिल्चा हेलरा, अरा एन्ने कोड़हे पंडरु मंजा का ख़ॆख़ेल नू एकअम धोबियस हूँ एन्ने कोड़हे पंडरु नॊड़ा पोल्‍लोस।

लू‍कस 24:4

आर ई कत्‍था ही पत्त नू अकबकरर ख़ने, दुई झन आलर बिल्‍चना किचरी अत्तका आर ही हेद्दे इज्‍जर।

त‍इरकर 1:10

अरा आसी कानुम, एकाबारी आर मेर्ख़ा तरा मॆन ऎरनुम रहचर, ख़नेम आचका ऎंड़ मॆतर पंडरू किचरी अत्तर आर गुसन बरचर इज्‍जर।

रोमी 13:14

लिकिन उर्बस येसु मसीसिन अत्ता हो'आ, अरा पाप मॆद सुबहा गुट्ठी ही चिबाख़ारनन पूरा नन्ना ही सोच आबोन अम्‍बा चि'आ।

रोमी 3:22

धर्मेस ती बर'ऊ ई उजगो पत्त'ऊ ओर्मर गे येसु मसीस नू ता पत्त'अना ती बर'ई। ईद यहूदीर अरा नन-यहूदीर ओर्मर गे ओन्‍टा दिम र'ई।

दहदर मंजका कत्‍था 15:4

अना उर्बयो, निंग्‍है ती नॆ मल एल्‍चो? अरा नॆ निंग्‍है नामे ही महबा मल ननो? एन्‍देरगेका नीन ओर्त लेका नेम्‍हा र'अदय। उर्मी राजी बर'ओ ती निंग्है मुन्दहारे ऒड़ लग्‍गो, एन्‍देरगेका निंग्‍है उजगो ही नलख गुट्ठी दहदर मंजकी किरकी र'ई।”

दहदर मंजका कत्‍था 15:6

अरा सात गोटा सस्तिन उइय्का सात गोटा मेर्ख़ा पैकर मन्दिर ती उरखर। आर सफा अरा बिलचना पेलपेले किचरी अत्तका ती एवंख़ नू सोना ही गतला हॆंचका रहचर।

दहदर मंजका कत्‍था 19:14

अरा मेर्ख़ा ता फउद गुट्ठी पंडरु अरा निमन लेपलेपे किचरी अत्तका ती पंडरु घोड़ो गुट्ठी नू अरगका ती आसी ख़ॊख़ा गुड़ियारर।

दहदर मंजका कत्‍था 3:18

औंगे ऎन निंगा गे सलहा चि'अदन का, नीन चिच्‍ची नू धुकचका सोना एंग्‍है गुस्‍ते ख़ॆन्दा, ख़ने नीन उरुब मनोय कालोय। अरा नीन एंग्हा ती पंडरू किचरी ख़ॆन्दा का, अदिन अत्तोय ती निंग्‍है मॆद ठेठेंगे अम्‍बो र'आ अरा लज्‍जे मल मॊख़ोय। अरा निंग्‍है ख़न्न नू नना गे सुरमा ख़ॆन्दा का, अदिन ननोय होले निंग्‍है ख़न्न रफ'ओ।