दहदर मंजका कत्‍था 19:7 - पुना गच्छरना NT (BSI)

⁷ बरा, नाम रिझ्र'ओत अरा रिरयार'ओत, अरा आसी महबा ननोत नेकअन, एन्‍देरगेका भेंडो ख़द्दासी बेंजा अंड़सा ख़च्चकी र'ई, अरा आसी बेंजा पेल्लो तंगन सपड़ाचकी र'ई।

दहदर मंजका कत्‍था 19:7 ပူးပေါင်းရင်းမြစ်များ

मत्तायोस 1:20

आस इबड़ा कत्‍था ही सोचनुम रहचस ख़नेम, उर्बासी पैकस आस गे तुंगुल नू ऎथ्रस दरा आनियस, “यॊसॆफ, दाऊदसी ख़द्दायो, नीन निंग्‍है आली मरियम आबोन ओन्‍द्र'आ गे अमा एल्‍चा, ‍आद नेम्‍हा बॊलतस ती ओत्‍था ऎख़ र'ई।

मत्तायोस 22:2

“मेर्ख़ा राजी ओर्त बॆलस लेक्‍खा र'ई। आस तंग्‍दासी बेंजा गे कोहाँ बेंजा मंडी सराजमा नंजस।

लू‍कस 12:36

अरा नीम अबड़ा आलर बेसे मना। नॆ तम्‍है उर्बासिन पाब ऎरते र'अनर का आस एकाबारी बेंजा मदी ती किर्रोस ती बलिन ठोकठोकमब'ओस होले आस गे लॆम तिसग'ओर।

यॊहनस 3:29

बेंजा पेल्‍लो बेंजा जॊंख़सी दिम हवे। लिकिन बेंजा जॊंख़ासी संगेस गा आसी हेद्दे इज्‍जदस ती आसी कत्‍थन मेन्‍दस। आस बेंजा जॊंख़ासी कत्‍थन मेन्‍दस ती नगदे रिझ्रदस। एंग्‍है रिझ एन्ने दिम हवे। आद अक्‍कु पुरचा।

2 कोरिन्‍थ 11:2

ऎन निमन ओर्त लेका मॆतस मसीस गे गच्छरकन का ऎन निमन नेम्‍हा डिंडा पेल्‍लो लेक्‍खा मसीस गे सोंप'ओन। इदिन ती दिम धर्मेस गे तंग्है आलर मइय्याँ र'अना क्याल एंगा गे हूँ निम्है मइय्याँ र'ई।

इफेसुस 5:23

एन्‍देरगरका एकासे मसीस तंग्है मॆद कलीसिया ही कुक्‍कु हिकदस, अन्नेम मॆतस तंग्है मुक्‍का ही कुक्‍कु हिकदस। अरा मसीस तानिम तंग्है मॆद कलीसिया ही नाड़ुस हिकदस।

इफेसुस 5:32

ईद ओन्टा कोहाँ गम हवे। लिकिन ऎन गा मसीस अरा कलीसिया ही पत्त नू ब'आलदन।

फिलिप्‍पी 3:3

एन्‍देरगेका मॆद ही पत्त ता कत्था गुट्ठी नू असरा मल उइय्यदत ती, अरा धर्मेसी बॊलतासी संगरा ती महबा नन्दत ती, अरा मसी येसुस नू फुलई मनू नाम दिम मानिम नू खतना मंजका आलर हिकदत।

दहदर मंजका कत्‍था 11:13

अरा आ बारिम ओन्टा कोहाँ ख़ॆख़ेल नुकुरना मंजा, अरा नगरे ही दस ती ओन भाग बिड़्रिया केरा। अरा आ ख़ॆख़ेल नुकुरना ती सात हजार आलर केच्‍चर केरर। अरा बछ्रका आलर इल्‍चियर केरर, अरा मेर्खा ता धर्मेसी महबा नंजर।

दहदर मंजका कत्‍था 19:9

फेन आ मेर्ख़ा पैकस एंगन बाचस, “इदिन लिख'आ, नॆ भेंडो ख़द्दासी बेंजा ही मदी नू मॆख़रकानर, आर आसीस ख़क्ख'ऊ र'अनर।” अरा आस अउरिम एंगन बाचस, “इबड़ा धर्मेसी मानी कत्‍था गुट्ठी हवे।”

दहदर मंजका कत्‍था 21:2

फेन ऎन नेम्‍हा नगरे पुना येरुसलॆमन धर्मेस तरती मेर्ख़ा ती एत्तना ईरकन। आद तंग्है मॆतस गे सिंगरारकी झबरारकी र'अना ओन्टा बेंजा पेल्‍लो बेसे सपड़ारकी रहचा।

दहदर मंजका कत्‍था 21:9

फेन सात गोटा डुबहा नू सात गोटा छेद्दे सस्तिन निंदका उइय्का सात गोटा मेर्ख़ा पैकर ती ओर्तोस एंग्‍है गुसन बरचस ती एन्ने बाचस, “बरा, ऎन निंगन भेंडो ख़द्दस गे मुक्का मन्ना बेंजा पेल्‍लोन ऎद'ओन चि'ओन।”