दहदर मंजका कत्‍था 19:6 - पुना गच्छरना NT (BSI)

⁶ फेन ऎन ओन्टा सड़न मेंजकन, आद कोहाँ आल गोंहड़ा ही चिच्चियारना लेक्खा, अरा कोड़हे बग्गे अम्मु बाहना ही ख़रख़ना लेक्खा, अरा जॊर मुर्रना ही ख़रख़ना लेक्‍खा रहचा। आर एन्ने ब'आ लगियर, “हल्‍लेलुया! उर्मी ती सवंगिय नम्है धर्मे उर्बस राजी नन्दस।

दहदर मंजका कत्‍था 19:6 ပူးပေါင်းရင်းမြစ်များ

मत्तायोस 6:13

अरा एमन पाप नन्ना ही चिबाख़ारना नू खतर'आ अमा चि'आ, लिकिन मलदौ ती एमन नाड़ा। [एन्‍देरगेका राजी दरा सवंग दरा ओहमा हुल्‍लो गुटी निंग्‍है दिम र'ई। आमेन।]’

दहदर मंजका कत्‍था 1:15

अरा आसी ख़ेड्डे पसरा नू पान्ताचका पितल लेक्‍खा बिल्‍चा लगिया, अरा आसी सड़ा बग्गे अम्मु ही हउकारना लेक्‍खा रहचा।

दहदर मंजका कत्‍था 1:8

नॆ र'अदस, अरा रहचस, अरा बर'ऊ र'अदस, अरा उर्मी ती सवंगिय र'अस, आ धर्मे उर्बस ब'अदस, “ऎन अल्‍फा अरा ओमेगा हिकदन।”

दहदर मंजका कत्‍था 12:10

इदही ख़ॊख़ा ऎन मेर्ख़ा नू ओन्टा जॊरसरिया सड़ा एन्ने ब'अना मेंजकन, “अक्‍कु नाड़ना अरा सवंग अरा नम्‍है धर्मेसी राजी अरा आसी मसीसी राजी नन्ना ही अदिया बरचकी र'ई, एन्‍देरगेका नम्‍है भई बहिनर मइय्याँ बदी ननुस नॆ उल्‍ला माख़ा नम्है धर्मेसी मुन्दहारे आर ही मइय्याँ बदी नना लगियस, आस किइय्या हेबड़तारस केरस।

दहदर मंजका कत्‍था 14:2

आ बारी ऎन मेर्ख़ा ती ओन्टा सड़न मेंजकन। आद कोड़हे बग्गे अम्मु बाहना ही ख़रख़ना अरा जॊर मुर्रना ही ख़रख़ना लेक्‍खा रहचा। अरा ऎन मेंजका सड़ा तमुर्रा अस्सुर तम्है तमुर्रन अस्‍सना ती बरना ख़रखना लेक्‍खा रहचा।

दहदर मंजका कत्‍था 19:1

इबड़ा कत्था गुट्ठी ही ख़ॊख़ा ऎन मेर्ख़ा नू ओन्टा कोहाँ आल गोंहड़ा ही चिच्चियारना लेक्खा ओन्टा सड़न मेंजकन। आद एन्ने बाचा का, “हल्‍लेलुया! नाड़रना अरा महबा अरा सवंग नम्है धर्मेसी दिम हिके।

दहदर मंजका कत्‍था 19:4

इदही ख़ॊख़ा चौबीस सेयान आलर अरा चरियो उज्जना आलॊ बॆल-गदिया नू उक्का धर्मेसी मुन्दहारे ख़ेडमूली खत्रर ती आसिन ऒड़ लग्गियर। अरा आर बाचर, “आमेन, हल्‍लेलुया।”

दहदर मंजका कत्‍था 21:22

अरा ऎन आ नगरे नू मन्दिर मल ईरकन, एन्‍देरगेका उर्मी ती सवंगिय धर्मे उर्बस अरा भेंडो ख़द्द मसीस अदही मन्दिर हिकनर।

दहदर मंजका कत्‍था 4:5

अरा अबड़ा बॆल-गदिया ती लवका लौकारना गुट्ठी अरा ख़रख़ना गुट्ठी अरा मुर्री चाड़ी गुट्ठी बर'आलिया। अरा बॆल-गदिया ही मुन्दहारे चिच्ची ही सात गोट बिल्‍ली लघ्र'आ लगिया, इबड़ा दिम धर्मेसी सात गोट बॊलता हवे।

दहदर मंजका कत्‍था 6:1

अक्‍कु ऎन ईरकन का भेंडो ख़द्द मसीस अबड़ा सतियो मरकन ती ओन्टा मरकन ख़च्‍चियस। ख़ने अबड़ा चरियो उज्‍जना आलॊ ती ओन्टा आलॊ “बरा” एन्ने ब'अना मेंजकन। अदही सड़ा गा मुर्रना चाड़ना बेसे रहचा।

दहदर मंजका कत्‍था 8:5

फेन मेर्ख़ा पैकस धूप कुहुड़'अना मौनीन होच्‍चस ती गोड़हा ता चिच्‍चिन नुल्लियस अरा ख़ॆख़ेल नू तुन्दियस चिच्‍चस, ख़ने मुर्रना चाड़ना गुट्ठी, अरा ख़रख़ना गुट्ठी, अरा लवका लौकारना गुट्ठी, अरा ख़ॆख़ेल नु‍कुरना मना हेलरा।