4 इदही ख़ॊख़ा चौबीस सेयान आलर अरा चरियो उज्जना आलॊ बॆल-गदिया नू उक्का धर्मेसी मुन्दहारे ख़ेडमूली खत्रर ती आसिन ऒड़ लग्गियर। अरा आर बाचर, “आमेन, हल्लेलुया।”
अरा आरिन उर्मी कत्था एकदन ऎन निमा पॆसकादन, मन'आ गे सिखाब'आ। अरा ऎरा, ऎन उर्मी उल्ला ख़ॆख़ेल ही मुंज्रना गूटी निम्है गने र'अदन।”
अरा एमन पाप नन्ना ही चिबाख़ारना नू खतर'आ अमा चि'आ, लिकिन मलदौ ती एमन नाड़ा। [एन्देरगेका राजी दरा सवंग दरा ओहमा हुल्लो गुटी निंग्है दिम र'ई। आमेन।]’
मला होले नीम निम्है बॊलता ती धर्मेसिन ओहमा ननो बारी, नेम्हा बॊलतासी इनाम गुट्ठी ही पत्त नू बल्लू आलस निम्है मझी र'अदस होले, निम्है ओहमा नन्नन मेनोस ती आस एकासे “आमेन” ब'ओस। एन्देरगेका नीम एन्देर बाचकर अदिन आस गा बलदस।
आ बारी अबड़ा चरियो उज्जना आलॊ ती ओन्टा अबड़ा सतियो मेर्ख़ा पैकर गे हुल्लो ती हुल्लो गूटी उज्जू धर्मेसी कोड़हे खींस ती निंदका सात गोटा सोना ही डुबहन चिच्चर।
इबड़ा कत्था गुट्ठी ही ख़ॊख़ा ऎन मेर्ख़ा नू ओन्टा कोहाँ आल गोंहड़ा ही चिच्चियारना लेक्खा ओन्टा सड़न मेंजकन। आद एन्ने बाचा का, “हल्लेलुया! नाड़रना अरा महबा अरा सवंग नम्है धर्मेसी दिम हिके।
फेन दोसर खेप आर चिच्चियारर, “हल्लेलुया! अदही ओलना ही कुहड़ा हुल्लो ती हुल्लो गूटी मइय्याँ चो'अना बारी र'ओ।”
फेन ऎन ओन्टा सड़न मेंजकन, आद कोहाँ आल गोंहड़ा ही चिच्चियारना लेक्खा, अरा कोड़हे बग्गे अम्मु बाहना ही ख़रख़ना लेक्खा, अरा जॊर मुर्रना ही ख़रख़ना लेक्खा रहचा। आर एन्ने ब'आ लगियर, “हल्लेलुया! उर्मी ती सवंगिय नम्है धर्मे उर्बस राजी नन्दस।
अरा अबड़ा चरियो उज्जना आलॊ बाचा, “आमेन।” अरा अबड़ा सेयान आलर ख़ेडमूली खत्रर ती ऒड़ लग्गियर।