दहदर मंजका कत्‍था 19:14 - पुना गच्छरना NT (BSI)

¹⁴ अरा मेर्ख़ा ता फउद गुट्ठी पंडरु अरा निमन लेपलेपे किचरी अत्तका ती पंडरु घोड़ो गुट्ठी नू अरगका ती आसी ख़ॊख़ा गुड़ियारर।

दहदर मंजका कत्‍था 19:14 ပူးပေါင်းရင်းမြစ်များ

मत्तायोस 21:5

“येरुसलॆम ता आलारिन ब'आ, ‘ऎरा, निंग्‍है बॆलस निंग्‍है गुसन बर'आलदस। आस लुदऊ र'अस, अरा गदहा नू ओक्‍कदस ती, गदही ख़द्द नू ओक्‍कदस ती बरदस’।”

मत्तायोस 26:53

नीन एन्‍देर बलदय का ऎन एंग्‍है बंगासिन गोहरार'आ ओंग्‍दन, अरा आस मेर्ख़ा पैकर ही बारा फउदन ती बग्‍गे तइय्योस चि'ओस दने?

मत्तायोस 28:3

आसी रूप बिजली लेक्‍खा अरा आसी किचरी कीबा लेक्‍खा पंडरू रहचा।

2 थेस्‍सलोनिकॆयर 1:7

अरा सस्‍ती नू र'अदर निमा गे आस ख़न्‍न ऎख़ना ही ख़ंजपा चि'ओस। अन्नेम आस एमा हूँ चि'ओस। उर्बा येसुस तंग्‍है सवंगिय मेर्ख़ा पैकर गने लघ्रना चिच्‍ची गने मेर्ख़ा ती दहदर मन्‍ना बेड़ा नू ईद मनो।

यहूदा 1:14

आदमसी सात पिड़ही नू बरचका हेनॊख़स हूँ इबड़ा आलर ही पत्त नू धर्मेसी कत्थन मुन्द तिंगियस, “ऎरा, उर्बस तंग्है गन'आ पोलना तंग्है नेम्हा पैकर गने बर'आ लगदस।

दहदर मंजका कत्‍था 14:1

इदही ख़ॊख़ा ऎन ईरकन ख़ने, ऎरा, भेंडो ख़द्द मसीस सीयॊन परता नू इज'आ लगियस, अरा आसी गने ओन लाक चौवालीस हजार आलर रहचर, नॆख'आ कपड़े नू आसी नामे अरा तम्‍बासी नामे लिख्रकी रहचा।

दहदर मंजका कत्‍था 14:20

अबड़ा अंगुर नगरे ही बहरी ता रासी कुंड़ा नू पीख़तारा, अरा कुंड़ा ही बहरी बहड़ी लेक्‍खा ख़ॆंस उरखा ती घोड़ो गुट्ठी ही लगाम गूटी मेच्छा अंड़सिया ती तीन सौ किलो मीट्टर गेच्छा गूटी बाहचा।

दहदर मंजका कत्‍था 17:14

इबड़र भेंडो ख़द्द मसीस गने लड़ई ननोर। लिकिन भेंडो ख़द्द मसीस अरा आसी गने गुड़ियार'उर आरिन जित'ओर। एन्‍देरगेका भेंडो ख़द्द मसीस उर्बर ही उर्बस अरा बॆलर ही बॆलस हिकदस। अरा आसी गने गुड़ियार'उर धर्मेस ती मॆख़्रका अरा चज्रका अरा पत्त'ऊ आलर हिकनर।”

दहदर मंजका कत्‍था 19:11

फेन ऎन मेर्ख़न तिसगिरका ईरकन, अरा ऎरा, ओन्टा पंडरु घोड़ो असन इज्जकी रहचा। अरा एका ओर्तस आ घोड़ोन चलाब'अदस आस पत्त'अना जॊगे अरा मानिम बारदस। आस उजगो गने नेंवई अरा लड़ई नन्दस।

दहदर मंजका कत्‍था 19:8

अरा बेंजा पेल्‍लो गे अरगा अरा बिल्चना लेपलेपे किचरी अत्ता गे चीरकी रहचा।” लेपलेपे किचरी ही माने नेम्‍हा आलर ही उजगो नलख गुट्ठी हवे।

दहदर मंजका कत्‍था 3:4

अन्नु हूँ तम्‍है किचरिन सोतरा मल्‍ला नंजका जोक्‍क आलर सरदीस कलीसिया नू निंगा गे र'अनर। आर पंडरू किचरी अत्तोर ती एंग्‍है गने ऎकोर, एन्‍देरगेका आर अदगे जॊगे र'अनर।

दहदर मंजका कत्‍था 4:4

आ बॆल-गदिया ही चरियो तरा चौबीस गोट बॆल-गदिया रहचा। अरा इबड़ा बॆल-गदिया नू चौबीस सेयान आलर पंडरू किचरी अत्तका ती उक्‍का रहचर। अरा आर ही कुक्‍कु नू सोना ही मुकुट रहचा।

दहदर मंजका कत्‍था 7:9

इबड़ा कत्था ही ख़ॊख़ा ऎन ईरकन ख़ने, ऎरा, उर्मी राजी अरा गोतोर अरा आल खोंड़हा अरा भखा ती बरचका नॆ हूँ गन'आ पोलना ओन्टा कोहाँ आल गोंहड़न ईरकन। अबड़र पंडरु किचरी गुट्ठी अत्तका ती तम्है ख़ेक्खा नू कींदा डहुड़ा गुट्ठी धरचका बॆल-गदिया ही मुन्दहारे अरा भेंडो ख़द्द मसीसी मुन्दहारे इज्‍जका रहचर।