दहदर मंजका कत्‍था 19:11 - पुना गच्छरना NT (BSI)

¹¹ फेन ऎन मेर्ख़न तिसगिरका ईरकन, अरा ऎरा, ओन्टा पंडरु घोड़ो असन इज्जकी रहचा। अरा एका ओर्तस आ घोड़ोन चलाब'अदस आस पत्त'अना जॊगे अरा मानिम बारदस। आस उजगो गने नेंवई अरा लड़ई नन्दस।

दहदर मंजका कत्‍था 19:11 ပူးပေါင်းရင်းမြစ်များ

यॊहनस 1:51

येसुस एन्ने हूँ बाचस, “ऎन निमन मानिमन ब'अदन, नीम मेर्ख़न तिसगरका अरा धर्मेसी पैकारिन मेर्ख़ा अरा ख़ॆख़ेल ही मझी नू अड़ार लेक्खा मनवा ख़द्दन एंगा मइय्याँ अरगनन अरा एत्तनन ऎरोर।”

यॊहनस 14:6

येसुस आसिन बाचस, “डहरे अरा मानिम अरा उज्‍जना ऎनिम हिकदन। एंग्‍है त्रु बिगर नॆ हूँ बंगस गुसन काला पोलनर।

दहदर मंजका कत्‍था 1:5

अरा येसु मसीस ती निमा मया अरा कोड़े बर'अन नेकअन। मसीस दिम पत्त'अना जॊगे गोवाह, अरा केचका ती उज्‍जा चो'अना नू जेट्ठा, अरा ख़ॆख़ेल ता उर्मी बॆलारिन राजी ननू र'अदस। आस दिम नमन चोन्‍हा नंजस ती नमन तंग्‍है ख़ॆंस ती नम्‍है पाप गुट्ठी ती नाड़ियस।

दहदर मंजका कत्‍था 11:19

फेन मेर्ख़ा नू र'अना धर्मेसी मन्दिर तिसगरा केरा। अरा आसी मन्दिर नू आसी गच्छरना ही बक्सा ऎथ्रा। अरा आ बेड़ा नू लवका लौकारना गुट्ठी, अरा ख़रख़ना गुट्ठी, मुर्रना चाड़ना गुट्ठी अरा ख़ॆख़ेल नुक्रना मंजा, अरा कोहाँ आली खत्रा।

दहदर मंजका कत्‍था 19:19

फेन ऎन आ मेक्‍खोन अरा ख़ॆख़ेल ता बॆलारिन अरा आर ही फउद गुट्ठिन आ घोड़ो अर्गुस अरा आसी फउद ती लड़'आ गे ख़ॊंड़रका ईरकन।

दहदर मंजका कत्‍था 19:21

अरा आर ही बछ्रका जम्मा फउदर आ घोड़ो अर्गुसी बई ती उरखना तलवार ती पिटतारर केरर। अरा उर्मी ऒड़ा आर ही अहड़ा ती उड़चा केरा।

दहदर मंजका कत्‍था 3:14

लवोदिकेया नगरे ता कलीसिया ही पैकस गे नीन एन्ने लिख'आ का: नॆ आमेन, अरा पत्त'अना जॊगे अरा मानिम गोवाह, अरा धर्मेसी गढ़्रना ही ऒरे हिकदस, आस इबड़ा कत्थन ब'अदस।

दहदर मंजका कत्‍था 3:7

फिलदेलफिया नगरे ता कलीसिया ही पैकस गे नीन एन्ने लिख'आ का: नॆ नेम्‍हा अरा मानिम र'अस, अरा नॆ बॆल दाऊदसी कुची ही अदिया आबोन उइय्दस, अरा नॆ हूँ मुच्‍चा पोलना लेक्खा तिसग'उस, अरा नॆ हूँ तिसगा पोलना लेक्खा मुच्‍च'उस इबड़ा कत्थन ब'अदस का:

दहदर मंजका कत्‍था 4:1

इबड़ा कत्था ही ख़ॊख़ा ऎन मेर्ख़ा नू ओन्टा तिसगरका बलिन ईरकन। अरा ऎन मुन्द एंग्है गने कछनख्रका मेंजका पेंड़हे ही ख़रख़ना लेक्‍खा सड़न मेंजकन। आद बाचा, “मइय्याँ इसन बरा। इबड़ा कत्था ही ख़ॊख़ा एन्‍देर एन्देर मन्ना र'ई, अबड़न ऎन निंगन ऎद'ओन।”

दहदर मंजका कत्‍था 6:2

अरा ऎन ईरकन ख़ने, ऎरा, ओन्टा पंडरू घोड़ोन ईरकन। अरा अइय्या उक्‍काचस आस ओन्टा एड़ेत धरचकाचस। अरा आस गे ओन्टा मुकुट चीतारा। अरा आस जीत ख़क्‍खुस लेक्‍खा जीत ख़क्खा गे उरखस।