दहदर मंजका कत्‍था 19:10 - पुना गच्छरना NT (BSI)

¹⁰ इदन मेंजकन ख़ने, ऎन आसिन ऒड़ लग्गा गे आसी ख़ेडमूली खत्रकन। ख़ने आस एंगन बाचस, “ऎरा, एन्ने अमा नना, ऎन हूँ निंग्‍है गने अरा येसुसी पत्त नू गोवाह चि'ऊ निंग्‍है भईर गने संगे जॊंख़न हिकदन। औंगे धर्मेसिन दिम ऒड़ लग्गा। एन्‍देरगेका नॆ येसुसी पत्त नू नन्नर गे तेंगनर, आर मानिम नू धर्मेसी बॊलतस आर गे चिच्का कत्था गुट्ठिन दिम तेंगनर।”

दहदर मंजका कत्‍था 19:10 ပူးပေါင်းရင်းမြစ်များ

मत्तायोस 4:10

ख़ने येसुस अदिन बाचस, “अनय सैतान कगरार'अय कलय! एन्‍देरगेका नेम्हा पुथी नू लिख्रकी र'ई, ‘नीन निंग्‍है धर्मे उर्बासिन ऒड़ लक्‍के अरा आसी लेका महबा ननके।’”

मरकुस 5:22

ख़नेम याईर नामे ओन्‍टा गोड़हा एड़पा ता ओन्‍टा मुद्धस असन बरचस। अरा आस येसुसिन ऎररकी आसी ख़ेडमूली खत्तरस,

मरकुस 7:25

ओन्‍टा आली येसुसी हलन मेनरकी आसी गुसन बरचा, अरा लॆम आसी ख़ेडमूली खत्तरा। अदही सन्नी तंग्‍दन ओन्‍टा मलदौ बॊलता धरचकीचा।

लू‍कस 1:19

ख़ने पैकस बाचस, “ऎन धर्मेसी छमहे नू इज्‍जका र'ऊ गबरिऎल हिकदन। ऎन निंग्‍है गने कछनख्र'आ गे अरा निंगन ई दौ कत्‍थन तेंगा गे त‍इरका र'अदन।

लू‍कस 24:44

तहाँ आस आरिन बाचस, “एका कत्‍थन ऎन निम्‍है गने र'अना बेड़ा निमन तिंकन, एन्‍देर एंग्‍है पत्त नू मूसासी पॆसका नू अरा धर्मेसी कत्‍था तिंगुर अरा अस्सना-पाड़ना डंडी पुथी नू लिख्रकी र'ई अबड़ा उर्मी कत्‍था मन्ना चाड़ र'ई।”

यॊहनस 5:39

नीम नेम्‍हा पुथी ही कत्‍था गुट्ठिन चिहुंक ती पढ़'आ, एन्‍देरगेका अबड़ा नू ती जनमजुग उज्‍जनन ख़क्‍खोर एन्ने सोचदर। अबड़ा दिम एंग्है पत्त नू गोवाह चि'ई।

त‍इरकर 10:43

आसी पत्त नू उर्मी धर्मेसी कत्‍था तिंगुर गोवाह चि'अनर का नॆ आसिन पत्त'ओर आर गे आसी नामे ती पाप छमा ख़क्‍खोर।”

त‍इरकर 13:27

येरुसलॆम नू र'ऊ आलर अरा आर ही मुद्धर येसुसिन बछाब'ऊ ब'अरकी मल चिन्‍हचर। अरा धर्मेसी कत्‍था तिंगुर ही कत्‍थन मल बुझ्रनुम उर्मी ख़न्न ऎख़्रना उल्‍ला अबड़न पढ़चर। औंगे येसुसिन बदी नंजर ती अबड़ा कत्‍थन पूरा नंजर।

2 कोरिन्‍थ 8:7

अक्कु गा नीम उर्मी कत्‍था नू पर्दका ऊसुका र'अदर, पत्त'अना नू, कत्था नू, लूर नू, उर्मी रकम ही चिहुंक नू, एम्है मइय्याँ ता निम्है चोन्हा नू पर्दका ऊसुका र'अदर। अन्नेम नीम ई बरारन चि'अना नू हूँ पर्दना ऊसकना र'ई।

इफेसुस 5:15

औंगे नीम एकासे उज्जदर अदही पत्त नू चिहुंक र'आ। लूर मलका आलर बेसे अमा उज्जा, लिकिन लूरगर बेसे उज्जा।

इफेसुस 5:33

अन्नु हूँ नीम ओर्त ओर्त तंग्है तंग्है नू चोन्हा नन्ना बेसे तंग्है तंग्है मुक्कन चोन्हा नन्ना र'ई। अरा मुक्का तंग्है मॆतासिन मईन नन्ना र'ई।

फिलिप्‍पी 3:3

एन्‍देरगेका मॆद ही पत्त ता कत्था गुट्ठी नू असरा मल उइय्यदत ती, अरा धर्मेसी बॊलतासी संगरा ती महबा नन्दत ती, अरा मसी येसुस नू फुलई मनू नाम दिम मानिम नू खतना मंजका आलर हिकदत।

1 थेस्‍सलोनिकॆयर 5:15

अरा मलदौ नन्‍नर आर गे नॆ हूँ मलदौ अमा नना। लिकिन सदौ ओर्त ओर्त गने अरा ओर्मर संगे दौ नना गे तिहा नना।

इब्रानी 1:14

उर्मी मेर्ख़ा पैकर तेतर-सुसर ननू बॊलता हिकनर, नॆ नाड़रनन ख़क्‍खोर आर गे संगरा नना गे अबड़ा त‍इतार'ई।

इब्रानी 12:25

औंगे चिहुंक र'आ का निम्‍है गुसन ब'ऊ धर्मेसिन मेना गे बिड़दो मुंही अमा नना। ख़ॆख़ेल नू मूसासी चेताब'अनन मेना गे इस्राऎल आलर बिड़दो मुंही नंजर ती आर पोल्‍लर बछर'आ। अन्ने होले नाम मेर्ख़ा ती चेताब'उसिन मेना गे बिड़दो मुंही ननोत ती एकासे बछर'ओत?

1 यॊहन 5:10

एकास धर्मेसी ख़द्दस मइय्याँ पत्त'अदस, आस तंग्है जिया नू अख़दस का धर्मेसी ई गोवाह मानिम र'ई। अरा एकास धर्मेसिन मल पत्त'अदस, आस धर्मेसिन ठकवा कमदस, एन्देरगेका धर्मेस तंग्है ख़द्दासी पत्त नू तिंका गोवाहन आस मल पत्ताचस।

1 यॊहन 5:21

अना ख़द्दारो, नीम निमन मूर्ती गुट्ठी ती तरकूटी ननके।

दहदर मंजका कत्‍था 1:1

ईद येसु मसीसी चिच्का दहदर हवे। चाँड़हेम मन्ना कत्था गुट्ठिन तंग्है जॊंख़र गे ऎद'आ गे धर्मेस ई दहदर आबोन येसु मसीस गे चिच्चस। येसुस तंग्है पैकासिन तइय्यस ती तंग्है जॊंख़स यॊहनस गे इदन अख़ताचस।

दहदर मंजका कत्‍था 1:9

ऎन यॊहन निम्‍है भई हिकदन, अरा ऎन निम्है लेक्खा येसुस गने चॊख़रना नू अरा खिलपत चॊदना नू अरा धर्मेसी राजी ही आल मन्ना नू अरा खतिर गने दुक्खे सारना नू निम्है गने मेस्र'ऊ हिकदन। धर्मेसी कत्‍था तेंगना ही चड्डे अरा येसुसी गोवाह र'अना ही चड्डे दंडे ही रूपे नू ऎन पतमॊस नामे टापू नू रहचकन।

दहदर मंजका कत्‍था 12:11

लिकिन आर भेंडो ख़द्द मसीसी ख़ॆंस ती अरा तम्‍है गोवाह ही कत्था ती सैतान मइय्याँ जितचर। अरा आर तम्‍है जिया गुट्ठिन चोन्‍हा मल नंजर, ई गूटी का आर खे'आ गे हूँ मल इल्‍चियर।

दहदर मंजका कत्‍था 12:17

ख़ने डेना र'ऊ नेर्रे आ आलिन कयरारा, अरा अदही बछ्रका ख़द्दर गने लड़'आ उरखा, एकार धर्मेसी पॆसकन पॆस्रका ती येसुसी सिखाब'अना नू ठिमठिमने र'अनर।

दहदर मंजका कत्‍था 14:7

अरा आस जॊरसरिया सड़ा ती एन्ने बाचस, “धर्मेसिन एल्‍चा, अरा आसिन महबा नना, एन्‍देरगेका आसी नेंवई नन्ना ही बेड़ा अंड़सकी र'ई। अरा नॆ मेर्ख़न अरा ख़ॆख़लन अरा समुदरन अरा अम्मु ही पझरा गुट्ठिन कमचस, आसिन महबा नना।”

दहदर मंजका कत्‍था 15:4

अना उर्बयो, निंग्‍है ती नॆ मल एल्‍चो? अरा नॆ निंग्‍है नामे ही महबा मल ननो? एन्‍देरगेका नीन ओर्त लेका नेम्‍हा र'अदय। उर्मी राजी बर'ओ ती निंग्है मुन्दहारे ऒड़ लग्‍गो, एन्‍देरगेका निंग्‍है उजगो ही नलख गुट्ठी दहदर मंजकी किरकी र'ई।”

दहदर मंजका कत्‍था 19:9

फेन आ मेर्ख़ा पैकस एंगन बाचस, “इदिन लिख'आ, नॆ भेंडो ख़द्दासी बेंजा ही मदी नू मॆख़रकानर, आर आसीस ख़क्ख'ऊ र'अनर।” अरा आस अउरिम एंगन बाचस, “इबड़ा धर्मेसी मानी कत्‍था गुट्ठी हवे।”

दहदर मंजका कत्‍था 4:10

आ बारी आ बारी चौबीसो सेयान आलर बॆल-गदिया नू उक्कुसी मुन्दहारे ख़ेडमूली खत्रनर ती, हुल्‍लो ती हुल्‍लो गूटी उज्‍जुसी महबा नन्नर। अरा एन्ने ब'अनुम बॆल-गदिया ही मुन्दहारे तम्है मुकुट आबोन ओक्‍त'अनर चि'अनर,