दहदर मंजका कत्‍था 18:6 - पुना गच्छरना NT (BSI)

⁶ आद एकासे नन्नर गे किर्त'अर चिच्चा अन्नेम नीम अदगे किर्त'अर चि'आ। अरा अदही नंजका मलदौ नलख गुट्ठी ही लेक्खा अदगे दुई गुना किर्त'अर नना। अरा आद एकासे नन्नारिन ओन्ताचा अन्ने नीम अदही डुबहा नू दुई गुना निन्द'आ ती अदिन ओन्त'आ चि'आ।

दहदर मंजका कत्‍था 18:6 ပူးပေါင်းရင်းမြစ်များ

2 तीमोथियुस 4:14

अलेक्‍सन्द्रस ठठेरवस एं‍गा गे कोड़हे मलदौ नंजस। उर्बस आसिन एंग्‍है म‍इय्याँ नंजका नलख गे दंडे चि'ओस।

दहदर मंजका कत्‍था 13:10

नेकईम गुड़रना र'ई होले, आस गुड़र'ओस दिम। नेकईम तलवार ती पिटरना र'ई होले, आस तलवार ती पिटतार'ओस दिम। इदही मने ईद हिके का, नेम्‍हा आलर खिलपत आबोन खतिर गने सहना ती पत्त'अना नू जिटजिटने र'अना र'ई।

दहदर मंजका कत्‍था 14:10

धर्मेस आसी मइय्याँ कोड़हे कैर मनोस ती बग्गे दंडे चि'ओस। अरा आस नेम्‍हा मेर्ख़ा पैकर ही मुन्दहारे अरा भेंडो ख़द्द मसीसी मुन्दहारे चिच्‍ची अरा गन्धक ही डाहरनन भोग'ओस।

दहदर मंजका कत्‍था 16:19

अरा कोहाँ नगरे बाबुलॊन तीन भाग मंजा केरा, अरा राजी गुट्ठी ही नगरे गुट्ठी खत्तरा केरा। अरा कोहाँ बाबुलॊन नगरे मइय्याँ ता धर्मेसी कोड़हे कैर ती आस अदगे नगदे दंडे चि'आ गे धर्मेसी मुन्दहारे सुरता नन्तारा केरा।

दहदर मंजका कत्‍था 17:2

ख़ॆख़ेल ता बॆलर अदही गने पेहरन ही सोतरा नलख नंजर, अरा ख़ॆख़ेल ता र'ऊ उर्मी आलर अदही पेहरन ही सोतरा नलख ही अरखी ती उंखियर केरर।”

दहदर मंजका कत्‍था 17:4

अरा आ आली भेटांगो ऎख़र'आ अरा ख़ॆंसो किचरी कूरकी रहचा। अरा आद सोना ती अरा मड़ी पखना गुट्ठी ती अरा मोती गुट्ठी ती सिंगरारकी रहचा। अरा आद तंग्है ख़ेक्खा नू ओन्टा सोना ही डुबहा धरचकी रहचा। आ डुबहा घिनघिना नलख गुट्ठी ती अरा अदही पेहरन ही सोतरा नलख ही मलदौ गुट्ठी ती निंदकी रहचा।

दहदर मंजका कत्‍था 18:20

अनय मेर्ख़ा ता आलॊ, अना नेम्‍हा आलारो अरा तइरकारो अरा धर्मेसी कत्था तिंगुरो! इदही नठारना ही चड्डे रिरयार'आ, एन्देरगेका आद एकासे निम्हा गने नंजा अन्नेम धर्मेस अदिन नेंवई नंजकादस”