दहदर मंजका कत्‍था 18:24 - पुना गच्छरना NT (BSI)

²⁴ अरा धर्मेसी कत्था तिंगुर ही ख़ॆंस, अरा नेम्‍हा आलर ही ख़ॆंस, अरा ख़ॆख़ेल नू पिटरका ओर्मर ही ख़ॆंस अइय्यम ख़क्‍खरा।”

दहदर मंजका कत्‍था 18:24 ပူးပေါင်းရင်းမြစ်များ

मत्तायोस 23:27

अना उतुरमाड़ू नॆग सिखाब'ऊ अरा फरिसीरो, ओहरे निमा। नीम चुन्ना ईगका मसड़ा लेक्‍खा र'अदर, आद बहरी ती गा फब'ई, लिकिन भितरी केच्चकर ही ख़ॊचोल अरा उर्मी बेसे कित्तका चंअना ती निन्‍दकी र'ई।

मत्तायोस 23:35

औंगे उजगो आलस हाबेलसी पिट्रना ती धर्मेसी मन्दिर नू नेम्हा अड्डा अरा गोड़हा ही मझी नू नीम पिटका बराख़ियसी तंग्‍दस ज‍करियासी पिट्रना गूटी, नीम ख़ॆख़ेल नू पिटका उर्मी उजगो आलर ही बदी निम्‍है कुक्‍कु नू मनो।

त‍इरकर 7:52

धर्मेसी कत्‍था तिंगुरिन नॆकन निम्‍है पूरखर मल्‍ला डाहचका? आर आ उजगो आलासी बरनन नॆ नॆ मुन्‍द तिम तिंगियर आरिन पिटियर। अक्‍कु नीम आ उजगो आलस मसीसिन धरचकर अरा पिटकर।

1 थेस्‍सलोनिकॆयर 2:15

आरिम उर्बा येसुसिन अरा धर्मेसी कत्‍था तिंगुरिन पिटियर। अरा एमन हूँ खिलपत नंजर। अरा आर धर्मेसिन मल रिझाब'अनर अरा ओर्मारिन हींड़नर।

दहदर मंजका कत्‍था 11:7

आर तम्है गोवाह आबोन तेंगा मुंजोर ख़ने, भयभयान ख़ोड़ख़ा गड्डी ती मइय्याँ अरगना मेक्‍खो आर ही गने जुझर'ओ ती आरिन जित'ओ ती आरिन पिटो चि'ओ।

दहदर मंजका कत्‍था 16:6

ईर निंग्है नेम्‍हा आलर अरा धर्मेसी कत्था तिंगुर ही ख़ॆंसन बाहताचर, औंगे नीन आरिन ख़ॆंसन ओन्ताचकय। आर तम्‍हैं नंजका ही डंडे भोग'आ लगनर।”

दहदर मंजका कत्‍था 17:6

अरा आ आली नेम्हा आलर ही ख़ॆंस ती अरा येसुसी गोवाह आलर ही ख़ॆंस ती उंखका ईरकन। अरा ऎन अदिन ईरकन ख़ने, कोड़हे अनचकरकन केरकन।

दहदर मंजका कत्‍था 19:2

एन्‍देरगेका आसी नेंवई नन्ना गुट्ठी मानिम अरा उजगो र'ई। तंग्है पेहरन ही सोतरा नलख ती ख़ॆख़ेल ता आलारिन नठाबाचका कोड़हे बेस्वा लेक्खा कोहाँ मलदौ नगरे गे आस दंडे ही नेंवई चिच्चस, अरा अदगे तंग्‍है जॊंख़र ही बहाबाचका ख़ॆंस ही बदली किर्ताचस।”