दहदर मंजका कत्‍था 18:23 - पुना गच्छरना NT (BSI)

²³ अरा बिल्‍ली निंग्‍है मइय्याँ अक्कु ती इकला हूँ मल रफ'ओ। बेंजा जॊंख़ अरा बेंजा पेल्‍लो ही सड़ा निंग्है नू अक्कु ती इकला हूँ मल मेन्‍द्र'ओ। निंग्है ख़ीन्दु-बीसुर दिम ख़ॆख़ेल ता कोहाँ आलर रहचर। अरा निंग्‍है देवड़ा नन्ना ती उर्मी जाती ता आलर बेड़ारका रहचर।

दहदर मंजका कत्‍था 18:23 ပူးပေါင်းရင်းမြစ်များ

त‍इरकर 8:11

अरा आर आसी कत्‍थन मेना लगियर, एन्‍देरगेका आस नगदे उल्‍ला गूटी टोन्‍हा सवंग ती आरिन अनचका बाचका उइय्का रहचस।

दहदर मंजका कत्‍था 12:9

अरा आ नगदे कोहाँ डेना र'ऊ नेर्रे किइय्या हेबड़तारा। ईदिम गोट्‌टा ख़ॆख़लन ठक'ऊ नाद अरा सैतान बारना पच्चा नेर्रे हवे। आद ख़ॆख़ेल नू हेबड़तारा अरा अदही उर्मी पैकर हूँ अदही गनेम ख़ॆख़ेल नू हेबड़तारर।

दहदर मंजका कत्‍था 17:2

ख़ॆख़ेल ता बॆलर अदही गने पेहरन ही सोतरा नलख नंजर, अरा ख़ॆख़ेल ता र'ऊ उर्मी आलर अदही पेहरन ही सोतरा नलख ही अरखी ती उंखियर केरर।”

दहदर मंजका कत्‍था 17:5

अरा अदही कपड़े नू ओन्टा गम ही नामे लिख्रकी रहचा, “कोहाँ बाबुलॊन! बेस्वार अरा ख़ॆख़ेल ता उर्मी घिनघिना नलख गुट्ठी ही तंगियो।”

दहदर मंजका कत्‍था 18:22

अस्‍सु आलर, अरा तमुर्रा अस्सुर, अरा बंसरी ऊर'उर, अरा पेंड़हे ऊर'उर ही ख़रख़ना अक्‍कु ती इकला हूँ निंग्है नू मल मेन्‍द्र'ओ। अरा एकअम नलखन ननुस निंग्‍है नू अक्‍कु ती इकला हूँ मल ख़क्‍ख्र'ओस। अरा जता ख़रख़ना ही सड़ा निंग्‍है नू अक्कु ती इकला हूँ मल मेन्‍द्र'ओ।

दहदर मंजका कत्‍था 18:3

एन्‍देरगेका अदही पेहरन ही सोतरा नलख ही चिबाख़ारना ही अरखी ती उर्मी राजीतर ऊंखकानर। अरा ख़ॆख़ेल ता बॆलर अदही गने पेहरन ही सोतरा नलख नंजर। अरा ख़ॆख़ेल ता ख़ीन्दु-बीसुर अदही सुख-सौंरत ही कोड़हे चड्डे उरुब मंजर केरर।”

दहदर मंजका कत्‍था 18:9

फेन ख़ॆख़ेल ता बॆलर नॆ अदही गने पेहरन ही सोतरा नलख नंजका ती सुख-सौंरत उज्जना उज्जियर, इकला आर अदही ऒलना ही कुहड़न ऎरोर, आर अदगे चींख़ोर अरा कॊड़र'ओर।

दहदर मंजका कत्‍था 21:8

लिकिन इल्‍चुर, अरा मल पत्त'उर, अरा कदरहर, अरा आल पिटुर, अरा पेहरन ही सोतरा नलख ननुर, अरा टोनहर, अरा मूर्तिन ऒड़ लग्‍गुर अरा उर्मी ठकवा आलर ही अड्डा गन्धक लघरना चिच्‍ची ही समुदर हवे। ईद दुसर खे'अना हवे।”

दहदर मंजका कत्‍था 22:15

लिकिन अल्‍ला लेक्खा नेम्हा मलका आलर, अरा टोनहर, अरा पेहरन ही सोतरा नलख ननुर, अरा आल पिटुर, अरा मूर्तिन ऒड़ लग्गुर, अरा ठकवा कत्‍था गुट्ठिन पत्त'अरकी अबड़ा नू ईकू ओर्मर नगरे ही बहरी र'ओर।

दहदर मंजका कत्‍था 22:5

अरा असन माख़ा मल मनो, अरा आर गे बिल्‍ली अरा बीड़ी ही बिल्ली ही चाड़ मल मनो, एन्देरगेका धर्मे उर्बस आर गे बिल्‍ली मनोस। अरा आर हुल्‍लो ती हुल्‍लो गूटी राजी ननोर।

दहदर मंजका कत्‍था 6:15

तहाँ ख़ॆख़ेल ता बॆलर, अरा कोड़हे मुध आलर, अरा फउद उर्बर, अरा उरुबर, अरा सवंगियर, अरा उर्मी बिट्ठी ननू जॊंख़र, अरा उर्मी छछिन्द आलर ओर्मर लाता गुट्ठी नू अरा परता नू पखना ही अलाप गुट्ठी नू नूख़्रर केरर।

दहदर मंजका कत्‍था 9:21

आर तम्है आल पिटना पाप गुट्ठी ती महले तम्है गुरुमना पाप गुट्ठी ती महले तम्है पेहरन ही सोतरा नलख ती महले तम्है खड़ना नुड़ना गुट्ठी ती जियन मल किर्ताचर।