दहदर मंजका कत्‍था 18:19 - पुना गच्छरना NT (BSI)

¹⁹ अरा अबड़र रीड़ोन तम्‍है तम्है कुक्‍कु नू तप'आ ननोर ती चींख़नुम खोबरारनुम जॊरसरिया चिच्चियार'ओर ती ब'ओर, “ओख़! ओख़! अनय कोहाँ नगरे बाबुलॊन! कोहाँ डोंगा उर्बर ओर्मर इदही खुर्जी ती दिम उरुब मंजकाचर। इकिम घड़ी नू ई लेक्खा ईद नठारा केरा।

दहदर मंजका कत्‍था 18:19 ပူးပေါင်းရင်းမြစ်များ

दहदर मंजका कत्‍था 17:16

अरा आ मेक्‍खो अरा एका दस मरग आबोन नीन ईरकय, अबड़ा आ बेस्वन ख़ाँड़'ओ। अरा अबड़ा अदिन लंगड़ी ननो ती लज्जे मॊख़त'ओ। अरा अबड़ा अदही अहड़न मॊख़ो अरा अदिन चिच्‍ची नू बस्‍सो चि'ओ।

दहदर मंजका कत्‍था 18:10

अरा आर अदही सस्ती ही इल्चिक'आ ती गेच्‍छम इज'ओर ती ब'ओर, “अनय कोहाँ नगरे बाबुलॊन, अनय बड़ियर नगरे बोख़! बोख़! इकिम घड़ी निंग्है मइय्याँ नठारना बरचा केरा।”

दहदर मंजका कत्‍था 18:3

एन्‍देरगेका अदही पेहरन ही सोतरा नलख ही चिबाख़ारना ही अरखी ती उर्मी राजीतर ऊंखकानर। अरा ख़ॆख़ेल ता बॆलर अदही गने पेहरन ही सोतरा नलख नंजर। अरा ख़ॆख़ेल ता ख़ीन्दु-बीसुर अदही सुख-सौंरत ही कोड़हे चड्डे उरुब मंजर केरर।”

दहदर मंजका कत्‍था 18:8

औंगे उन्दुल नुम खे'अना अरा ख़ोदख़ोरना अरा कीड़ा ही सस्ती अदही मइय्याँ अंड़सा ख़च्‍चो, आद चिच्‍ची नू बस्‍र'ओ कालो। एन्‍देरगेका अदिन नेंवई ननू धर्मे उर्बस सवंगियस र'अस।”