दहदर मंजका कत्‍था 18:15 - पुना गच्छरना NT (BSI)

¹⁵ आ नगरे गने ख़ीन्दका-पिटका ती उरुब मंजका इबड़ा आलॊ ही ख़ीन्दु-बीसुर अदही सस्ती ही इल्चिक'आ ती गेच्‍छम इज'ओर ती चींख़नुम ओलख़नुम ब'ओर,

दहदर मंजका कत्‍था 18:15 ပူးပေါင်းရင်းမြစ်များ

मरकुस 11:17

तहाँ आस अबड़ा आलारिन सिखाबाचस, अरा बाचस, “नेम्हा पुथी नू ईद एन्ने लिख्रकी र'ई का, ‘एंग्‍है मने र'ई का एंग्‍है एड़पन उर्मी जातियर एंगन ओहमा नन्ना अरा बिन्‍ती नन्ना ही एड़पा ब'ओर।’ लिकिन नीम इदिन डाकुर ही अड्डा कमचका चिच्कादर।”

त‍इरकर 16:19

तहाँ आ बिट्ठी ननू जॊंख़ पेल्‍लो ही उर्बर इदन ईरियर ती अक्‍खर का तम्‍है अर्ज'अना ही असरा मुंज्रा केरा। ख़ने आर पौलुस अरा सीलासिन धरचर ती बजार नू नगरे ही अक्‍स'उर गुसन नतगियर ओन्‍द्रर।

दहदर मंजका कत्‍था 18:12

आद आर ही ती सोना, चाँदी, अरा कोड़हे दाम ही पखना गुट्ठिन, अरा मोहोर गुट्ठिन, लेपलेपे अरा लील ख़ॆंसो अरा जोरजोरआ अरा ख़ॆंसो किचरिन, अरा उर्मी रकम ही महमहरना कंकन, अरा हथी खिसा ती कमचका उर्मी रकम ही आलॊन, अरा बग्‍गे दाम ही कंकन अरा पितल अरा पन्ना अरा नॆता पखना ही उर्मी रकम ही संजगिन,

दहदर मंजका कत्‍था 18:13

दालचीनी, अरा महकारना जिनिस गुट्ठिन, धूंप, गन्‍धरस, लोबान, अंगुर रासी, इसुंग, दौ गुंडा, गहूँ, अड्डो अरा भेंडो गुट्ठिन, घोड़ो अरा रन्‍थ गुट्ठिन, जॊंख़र अरा बिट्ठी ननू जॊंख़र ही उज्जना गुट्ठिन हूँ ख़ीन्दकी रहचा।

दहदर मंजका कत्‍था 18:14

अरा अबड़ा ख़ीन्दु-बीसुर अदिन ब'ओर, “अनय बाबुलॊन! निंग्‍है जिया पत्तारना ख़ंजपा निंग्‍है गुस्‍ते किर्रिम बिचकी र'ई, अरा निंग्है उर्मी सुख-सौंरत अरा फबना निंग्‍है गुस्‍ते नठारा केरा, अरा अबड़ा निंगा इकला हूँ अउर मल ख़क्ख्र'ओ।”

दहदर मंजका कत्‍था 18:19

अरा अबड़र रीड़ोन तम्‍है तम्है कुक्‍कु नू तप'आ ननोर ती चींख़नुम खोबरारनुम जॊरसरिया चिच्चियार'ओर ती ब'ओर, “ओख़! ओख़! अनय कोहाँ नगरे बाबुलॊन! कोहाँ डोंगा उर्बर ओर्मर इदही खुर्जी ती दिम उरुब मंजकाचर। इकिम घड़ी नू ई लेक्खा ईद नठारा केरा।

दहदर मंजका कत्‍था 18:3

एन्‍देरगेका अदही पेहरन ही सोतरा नलख ही चिबाख़ारना ही अरखी ती उर्मी राजीतर ऊंखकानर। अरा ख़ॆख़ेल ता बॆलर अदही गने पेहरन ही सोतरा नलख नंजर। अरा ख़ॆख़ेल ता ख़ीन्दु-बीसुर अदही सुख-सौंरत ही कोड़हे चड्डे उरुब मंजर केरर।”