दहदर मंजका कत्‍था 18:14 - पुना गच्छरना NT (BSI)

¹⁴ अरा अबड़ा ख़ीन्दु-बीसुर अदिन ब'ओर, “अनय बाबुलॊन! निंग्‍है जिया पत्तारना ख़ंजपा निंग्‍है गुस्‍ते किर्रिम बिचकी र'ई, अरा निंग्है उर्मी सुख-सौंरत अरा फबना निंग्‍है गुस्‍ते नठारा केरा, अरा अबड़ा निंगा इकला हूँ अउर मल ख़क्ख्र'ओ।”

दहदर मंजका कत्‍था 18:14 ပူးပေါင်းရင်းမြစ်များ

मत्तायोस 11:8

महले एन्‍देर ऎरा केरका रहचकर? लेपलेपे किचरी अत्तका आलासिन का? मला, नॆ लेपलेपे किचरी अत्तनर आर बॆल एड़पा नू र'अनर।

लू‍कस 12:20

लिकिन धर्मेस आसिन बाचस, ‘अना बोया! इन्ना माख़म नीन खे'ओय, होले निंग्‍है उर्मी ख़ॊंड़चका जिनिस नॆख'आ मनो?’

लू‍कस 16:25

लिकिन अब्राहमस बाचस, ‘अना ख़द्द, सुरता नना नीन निंग्‍है उज्‍जना ही बेड़ा नू निंग्‍है दौ जिनिसन ख़क्‍खा चुकुरकय, अन्नेम लाजरस मलदौ जिनिसन ख़क्‍खियस। लिकिन अक्‍कुन आस इसन जिया सालना ख़क्‍खालदस अरा नीन गा कलपार'आ लगदय।

1 कोरिन्‍थ 10:6

आर मलदौ म‍इय्याँ चिबाख़ारियर, अन्ने नाम हूँ अम्‍बोत नना, इदगे इबड़ा कत्‍था नमा गे चेताब'अना लेक्‍खा र'ई।

याकॊब 4:2

नीम इन्द्रिइम ओन्टन ख़क्खा बेद्ददर, लिकिन अदन मल ख़क्खदर। नीम पिटा गे सपड़ारका र'अदर, अरा नन्नारिन इस्गहा नन्दर, अन्नु हूँ नीम एन्द्रन बेद्ददर अदिन ख़क्खा पोलदर। औंगे नीम नग्गानख्रदर अरा अरबानख्रदर। नीम धर्मेस ती मल ने'अदर, ई चड्डेम नीम मल ख़क्ख्रदर।

दहदर मंजका कत्‍था 18:13

दालचीनी, अरा महकारना जिनिस गुट्ठिन, धूंप, गन्‍धरस, लोबान, अंगुर रासी, इसुंग, दौ गुंडा, गहूँ, अड्डो अरा भेंडो गुट्ठिन, घोड़ो अरा रन्‍थ गुट्ठिन, जॊंख़र अरा बिट्ठी ननू जॊंख़र ही उज्जना गुट्ठिन हूँ ख़ीन्दकी रहचा।

दहदर मंजका कत्‍था 18:15

आ नगरे गने ख़ीन्दका-पिटका ती उरुब मंजका इबड़ा आलॊ ही ख़ीन्दु-बीसुर अदही सस्ती ही इल्चिक'आ ती गेच्‍छम इज'ओर ती चींख़नुम ओलख़नुम ब'ओर,