दहदर मंजका कत्‍था 18:11 - पुना गच्छरना NT (BSI)

¹¹ अरा ख़ॆख़ेल ता ख़ीन्दु-बीसुर अदगे चींख़ोर, ओलख़ोर, एन्देरगेका आर ही जिनिसन अक्कु ती नॆ हूँ मल ख़ॆन्दोर।

दहदर मंजका कत्‍था 18:11 ပူးပေါင်းရင်းမြစ်များ

मत्तायोस 22:5

लिकिन आर तुस्‍सियर अरा तम्‍है तम्‍है नलख गे केरर। ओर्तोस ख़ल्‍ल गे अरा नन्नस ख़ॆंदा पिटा गे किर्रिम बिच्‍चियर।

यॊहनस 2:16

अरा पेरवाँ गुट्ठी बीसुरिन बाचस, “इबड़न इसले हो'आ, एम्बासी एड़पन ख़ीन्‍दू-पिटू अड्डा अमा कम'आ।”

2 पतरस 2:3

अरा आर तम्है कोड़हे चिबाख़ारना ती ताम कमचका ख़ीरी गुट्ठिन तेंगरकी निम्है गुस्ते फफड़'ओर मॊख़ोर। अरा आर मइय्याँ बरना दंडे पॆसका नगदे उल्ला ही मुन्द तिम धर्मेस ती सपड़ारकी र'ई, अदही बरना ही दिरी मलकी, आर ही नठाब'अना चाड़हेम अंड़सो।

दहदर मंजका कत्‍था 18:15

आ नगरे गने ख़ीन्दका-पिटका ती उरुब मंजका इबड़ा आलॊ ही ख़ीन्दु-बीसुर अदही सस्ती ही इल्चिक'आ ती गेच्‍छम इज'ओर ती चींख़नुम ओलख़नुम ब'ओर,

दहदर मंजका कत्‍था 18:20

अनय मेर्ख़ा ता आलॊ, अना नेम्‍हा आलारो अरा तइरकारो अरा धर्मेसी कत्था तिंगुरो! इदही नठारना ही चड्डे रिरयार'आ, एन्देरगेका आद एकासे निम्हा गने नंजा अन्नेम धर्मेस अदिन नेंवई नंजकादस”

दहदर मंजका कत्‍था 18:23

अरा बिल्‍ली निंग्‍है मइय्याँ अक्कु ती इकला हूँ मल रफ'ओ। बेंजा जॊंख़ अरा बेंजा पेल्‍लो ही सड़ा निंग्है नू अक्कु ती इकला हूँ मल मेन्‍द्र'ओ। निंग्है ख़ीन्दु-बीसुर दिम ख़ॆख़ेल ता कोहाँ आलर रहचर। अरा निंग्‍है देवड़ा नन्ना ती उर्मी जाती ता आलर बेड़ारका रहचर।

दहदर मंजका कत्‍था 18:3

एन्‍देरगेका अदही पेहरन ही सोतरा नलख ही चिबाख़ारना ही अरखी ती उर्मी राजीतर ऊंखकानर। अरा ख़ॆख़ेल ता बॆलर अदही गने पेहरन ही सोतरा नलख नंजर। अरा ख़ॆख़ेल ता ख़ीन्दु-बीसुर अदही सुख-सौंरत ही कोड़हे चड्डे उरुब मंजर केरर।”

दहदर मंजका कत्‍था 18:9

फेन ख़ॆख़ेल ता बॆलर नॆ अदही गने पेहरन ही सोतरा नलख नंजका ती सुख-सौंरत उज्जना उज्जियर, इकला आर अदही ऒलना ही कुहड़न ऎरोर, आर अदगे चींख़ोर अरा कॊड़र'ओर।