दहदर मंजका कत्‍था 18:10 - पुना गच्छरना NT (BSI)

¹⁰ अरा आर अदही सस्ती ही इल्चिक'आ ती गेच्‍छम इज'ओर ती ब'ओर, “अनय कोहाँ नगरे बाबुलॊन, अनय बड़ियर नगरे बोख़! बोख़! इकिम घड़ी निंग्है मइय्याँ नठारना बरचा केरा।”

दहदर मंजका कत्‍था 18:10 ပူးပေါင်းရင်းမြစ်များ

दहदर मंजका कत्‍था 11:8

अरा आर ही मॆद कोहाँ नगरे येरुसलॆम ही दोप्‍फा नू हेबड़्रकी र'ओ। जुक्की ती बग्गे ब'अना ती ई नगरे सोदोम अरा मिसर बार'ई। ई नगरे नू दिम ईर ही उर्बासिन क्रुस नू ठोकचकाचर।

दहदर मंजका कत्‍था 14:8

फेन अउर ओन्टा मेर्ख़ा पैकस पहिल मेर्ख़ा पैकासी ख़ॊख़ा ख़ॊख़ा बरचस ती एन्ने बाचस, “बिड़्रिया केरा! आ कोहाँ नगरे बाबुलॊन बिड़्रिया केरा! एकाद तंग्है पेहरन ही सोतरा नलख ही फुली अरखिन उर्मी राजी ता आलारिन ओन्ताचकी र'ई।”

दहदर मंजका कत्‍था 16:19

अरा कोहाँ नगरे बाबुलॊन तीन भाग मंजा केरा, अरा राजी गुट्ठी ही नगरे गुट्ठी खत्तरा केरा। अरा कोहाँ बाबुलॊन नगरे मइय्याँ ता धर्मेसी कोड़हे कैर ती आस अदगे नगदे दंडे चि'आ गे धर्मेसी मुन्दहारे सुरता नन्तारा केरा।

दहदर मंजका कत्‍था 17:12

एका दस गोटा मरग आबोन नीन ईरकय, अबड़ा दस बॆलर हवे। आर अक्‍कु गूटी राजी मल ख़क्‍खियर। लिकिन आर आ मेक्खो गने ओन घड़ी गे बॆलर ही लेक्‍खा अदिया ख़क्‍खोर।

दहदर मंजका कत्‍था 18:18

अरा अदही ऒलना ही कुहड़न ईरका ती जॊरसरिया चिच्चियार'ओर ती ब'ओर, “एका नगरे ई कोहाँ नगरे लेक्‍खा र'ई?”

दहदर मंजका कत्‍था 18:19

अरा अबड़र रीड़ोन तम्‍है तम्है कुक्‍कु नू तप'आ ननोर ती चींख़नुम खोबरारनुम जॊरसरिया चिच्चियार'ओर ती ब'ओर, “ओख़! ओख़! अनय कोहाँ नगरे बाबुलॊन! कोहाँ डोंगा उर्बर ओर्मर इदही खुर्जी ती दिम उरुब मंजकाचर। इकिम घड़ी नू ई लेक्खा ईद नठारा केरा।

दहदर मंजका कत्‍था 18:21

फेन ओन्टा सवंगिय मेर्ख़ा पैकस ओन्टा कोहाँ जता ही लेक्‍खा ओन्टा पखनन चॊदस ती समुदर नू हिबिड़यस ती एन्ने बाचस, “कोहाँ नगरे बाबुलॊन एन्नेम कोहाँ सवंग ती खत्रतार'ओ, अरा आद अक्कु ती इकला हूँ मल ख़क्‍ख्र'ओ।

दहदर मंजका कत्‍था 18:8

औंगे उन्दुल नुम खे'अना अरा ख़ोदख़ोरना अरा कीड़ा ही सस्ती अदही मइय्याँ अंड़सा ख़च्‍चो, आद चिच्‍ची नू बस्‍र'ओ कालो। एन्‍देरगेका अदिन नेंवई ननू धर्मे उर्बस सवंगियस र'अस।”